1000х90.jpg (78 KB)

Արցախում COVID-19-ի 4 նոր դեպք է հաստատվել, ընդհանուր թիվը հասել է 363-ի

Armenpress 15:48, 20 Սեպտեմբեր, 2020

ՍՏԵՓԱՆԱԿԵՐՏ, 20 ՍԵՊՏԵՄԲԵՐԻ, ԱՐՄԵՆՊՐԵՍ: Արցախում սեպտեմբերի 19-ի ընթացքում նոր կորոնավիրուսային վարակի (COVID-19) 4 նոր դեպք է հաստատվել: Վարակակիրները Ստեփանակերտ քաղաքի բնակիչներ են: Նրանցից երեքը նախկինում հաստատված օջախի կոնտակտավոր են, նախօրոք մեկուսացված, մյուսի մոտ էլ հիվանդությունը բացահայտվել է բուժհաստատություն դիմելու ժամանակ իրականացված հետազոտության արդյունքում: Առողջացել է 7 քաղաքացի:  «Արմենպրես»-ի հաղորդմամբ՝ այս մասին տեղեկացնում է Արցախի առողջապահության նախարարությունը։

Առ սեպտեմբերի 20-ը, COVID-19-ն ախտորոշվել է 363 մարդու մոտ, որից 320-ը հաղթահարել է հիվանդությունը: Փաստացի բուժում է ստանում 41, մեկուսացված է 80 քաղաքացի: Թեստավորումների նպատակով 76 նմուշառում է իրականացվել: Ընդհանուր առմամբ, կատարվել է 13 495 փորձանմուշի հետազոտություն:



Գործակալության մասին

Հասցե՝ Հայաստան, 0002, Երեւան, Սարյան փող 22, Արմենպրես
Հեռ.՝ +374 11 539818
Էլ-փոստ՝ contact@armenpress.am