Լիբանանի նախագահը Մուստաֆա Ադիբին հանձնարարել է կազմել նոր կառավարություն
ԵՐԵՎԱՆ, 31 ՕԳՈՍՏՈՍԻ, ԱՐՄԵՆՊՐԵՍ: Լիբանանի նախագահ Միշել Աունն օգոստոսի 31-ին որոշում Է ընդունել Գերմանիայում Լիբանանի դեսպան Մուստաֆա Ադիբին հանձնարարել կազմել նոր կառավարություն: Այդ մասին, ինչպես տեղեկացնում Է «Արմենպրես»-ը, Բաաբդա պալատում լրագրողներին հայտնել Է նախագահի դիվանտան ղեկավար Անտուան Շուքեյրը:
«Խորհրդարանական խմբակցությունների հետ անցկացված կոնսուլտացիաներից հետո հանրապետության նախագահ Միշել Աունը որոշում Է ընդունել կառավարության կազմումը հանձնարարել Մուստաֆա Ադիբին»,- հայտնել Է դիվանատան ղեկավարը:
Al Jadeed հեռուստաալիքի տվյալներով՝ լիբանանցի դիվանագետը կոնսուլտացիաների արդյունքներով ստացել Է խորհրդարանի 128 պատգամավորներից 90-ի պաշտպանությունը, հաղորդել Է ՏԱՍՍ-ը: