«Շիրակ»-ն ընկերական խաղում հաղթել է «Սևան»-ին
ԵՐԵՎԱՆ, 8 ՕԳՈՍՏՈՍԻ, ԱՐՄԵՆՊՐԵՍ: Գյումրու «Շիրակ»-ը հերթական ընկերական հանդիպումն է անցկացրել մինչ առաջնության մեկնարկը:
«Արմենպրես»-ի հաղորդմամբ` Գյումրու քաղաքային մարզադաշտում տան տերերը հյուրընկալել էին «Սևան»-ին: «Շիրակ»-ը Լյովա Մրյանի երեք գոլերի շնորհիվ հաղթել է 3:2 հաշվով:
Հայաստանի ֆուտբոլի առաջնության բարձրագույն խմբի խաղերը կմեկնարկեն օգոստոսի 14-ին: Սակայն, կախված կորոնավիրուսի համաճարակի հետագա դրսևորումներից, ինչպես նաև հեռարձակման հետ կապված տարբեր հանգամանքներից, հնարավոր են փոփոխություններ: Բարձրագույն խմբում առաջին տուրում կմրցեն հետևյալ զույգերը՝ «Ալաշկերտ»-«Արարատ-Արմենիա», «Նոա»-«Շիրակ», «Արարատ»-«Փյունիկ», «Ուրարտու»-«Լոռի», «Վան»-«Գանձասար-Կապան»:
Պատրաստեց Վարվառա Հայրապետյանը