Սարին հեռացվել է «Յուվենտուս»-ի գլխավոր մարզչի պաշտոնից
ԵՐԵՎԱՆ, 8 ՕԳՈՍՏՈՍԻ, ԱՐՄԵՆՊՐԵՍ: Թուրինի «Յուվենտուս»-ը հեռացրեց գլխավոր մարզիչ Մաուրիցիո Սարիին:
«Արմենպրես»-ի հաղորդմամբ` այս մասին հայտնում է ակումբի մամուլի ծառայությունը: «Յուվենտուս»-ը շնորհակալություն է հայտնել Սարիին կատարած աշխատանքի և հաջողություն մաղթել հետագայի համար:
Մաուրիցիո Սարին «Յուվենտուս»-ի գլխավոր մարզչի պաշտոնը ստանձնեց 2019 թվականի ամռանը: Նա թիմի հետ դարձել է Իտալիայի չեմպիոն: Սակայն պարտվել է Իտալիայի գավաթի և սուպերգավաթի եզրափակիչներում և արդեն իսկ դուրս է մնացել Չեմպիոնների լիգայից:
Պատրաստեց Վարվառա Հայրապետյանը
Կարծիքներ
Հարցազրույցներ
Փաստ մեկնաբանությամբ