ԵՐԵՎԱՆ, 13 ՀՈՒԼԻՍԻ, ԱՐՄԵՆՊՐԵՍ: Անգլիական «Լիվերպուլի» գլխավոր մարզիչ գերմանացի Յուրգեն Կլոպը խոսել է իր ապագայի մասին:

«Կարիերաս կավարտեմ Գերմանիայում, գուցե «Մայնցում»: Ապագայի համար. 4 տարի «Լիվերպուլում» և հետո մեկ տարի հանգստ կունենամ: Զբաղվելու եմ նրանով, ինչով ցանկանամ: Գուցե նորից ակումբի մարզիչ լինեմ, գուցե հավաքականի, գուցե առհասարակ ոչինչ չանեմ: 5 տարի անց աշխարհը շատ փոխված կլինի»,- «Արմենպրես»-ի հաղորդմամբ` Կլոպի խոսքը փոխանցում է SWR-ը:

Յուրգեն Կլոպը «Լիվերպուլի» գլխավոր մարզչի պաշտոնը ստանձնել է 2015 թվականին:

Հիշեցնենք, որ ժամանակից շուտ Անգլիայի այս տարվա չեմպիոն  է դարձել «Լիվերպուլը», 30 տարվա ընդմիջումից հետո վերանվաճելով պատվավոր տիտղոսը:

Պատրաստեց Վարվառա Հայրապետյանը