1000х90.jpg (78 KB)

Արդարադատության նախարարը լավ լուր է հայտնել սփյուռքում բնակվող հայերի համար

Armenpress 15:12, 8 Հուլիս, 2020

ԵՐԵՎԱՆ, 8 ՀՈՒԼԻՍԻ, ԱՐՄԵՆՊՐԵՍ։ Ընտանեկան կարգավիճակի մասին տեղեկանքն այսուհետ հնարավոր է ստանալ նաև էլեկտրոնային տարբերակով։

Ինչպես տեղեկացնում է «Արմենպրես»-ը, այս մասին «Ֆեսյբուք»-ի իր էջում գրել է Արդարադատության նախարար Ռուստամ Բադասյանը` կից հրապարակելով տեղեկատվական տեսանյութ։

«Հայաստանում և սփյուռքում բնակվող սիրելի՛ հայրենակիցներ, ընտանեկան կարգավիճակի մասին տեղեկանքը կամ, ինչպես հաճախ ասում ենք, ամուսնության բացակայության մասին տեղեկանքը, որը հիմնականում անհրաժեշտ է Հայաստանի տարածքից դուրս ամուսնություն գրանցելու համար, այսուհետ կարող եք ստանալ նաև էլեկտրոնային տարբերակով։

Արդարադատության նախարարությունը գործարկել է e-services.moj.am հարթակ, որի արդյունքում այլևս հարկավոր չէ այցելել նախարարություն, իսկ արտասահմանում գտնվելու դեպքում՝ հյուպատոսություն, կամ լիազորագիր և հայտարարություն ուղարկել՝ տեղեկանքը ստանալու համար»,- գրել է Բադասյանը։

Արդարադատության նախարարը խոստանում է շարունակել թվային լուծումների միջոցով հայրենակիցների կյանքը հեշտացնելուն ուղղված աշխատանքները։



Գործակալության մասին

Հասցե՝ Հայաստան, 0002, Երեւան, Սարյան փող 22, Արմենպրես
Հեռ.՝ +374 11 539818
Էլ-փոստ՝ contact@armenpress.am