Քարդաշյանը հայաստանյան փոքր բիզնեսին աջակցելու կոչ է արել
ԵՐԵՎԱՆ, 7 ՀՈՒԼԻՍԻ, ԱՐՄԵՆՊՐԵՍ: Աշխարհահռչակ հեռուստաաստղ Քիմ Քարդաշյանը կոչ է անում միանալ Հայաստանի աջակցության հիմնադրամի դրամահավաքին՝ օգնելու Հայաստանում կորոնավիրուսի հետևանքով տուժած փոքր բիզնեսին: «Արմենպրես»-ի հաղորդմամբ՝ հեռուստաաստղն այս մասին գրել է «Ֆեյսբուք»-ի իր էջում:
«Հայաստանի աջակցության հիմնադրամը նախաձեռնել է դրամահավաք`օգնելու COVID-19- ի արդյունքում տուժած փոքր բիզնեսին: Ֆինանսական օգնությունը միշտ չէ, որ հասանելի է և շատ փոքր, ընտանեկան բիզնեսները հայտնել են, որ ստիպված են եղել արտադրությունը մինչև 90 տոկոսով կրճատել՝ ի հավելումն աշխատակիցների կրճատման»,-նշել է Քարդաշյանը:
Նա կոչ է արել մտածել նվիրատվության մասին՝ օգնելու բիզնեսին:
Հեռուստաաստղը օգտագործել է նաև #SupportArmenia հեշթեգը: