Մայր թատրոնը կունենա ջեռուցման նոր համակարգ
ԵՐԵՎԱՆ, 3 ՀՈՒԼԻՍԻ, ԱՐՄԵՆՊՐԵՍ: Գ. Սունդուկյանի անվան ազգային ակադեմիական թատրոնը ջեռուցման նոր համակարգ կունենա:
«Արմենպրես»-ի հաղորդմամբ` այս մասին «Ֆեյսբուք»-ի պաշտոնական էջում գրել է ՀՀ կրթության, գիտության, մշակույթի և սպորտի նախարար Արայիկ Հարությունյանը:
Նա նշել է, որ #ԹատրոնԱռԹատրոն արդիականացնելու են:
«Սունդուկյանի անվան ազգային ակադեմիական թատրոնի հոբելյանին ընդառաջ հատկացվել է ավելի քան 120 միլիոն դրամ տասնամյակներ առաջ տեղադրված ջեռուցման համակարգն ամբողջությամբ փոխելու համար: Մշակույթում ներդրումները տնտեսական լարվածության ժամանակ լավագույն ցուցիչն են այն բանի, որ պետությունը կարևորում է ոլորտը և լուրջ նախադրյալներ է ստեղծում հետհամավարակային փուլում մշակութային զարգացումն ապահովելու համար»,- գրել է նախարարը:
Հարությունյանը գրառմանը կից տեղադրել է իր և թատրոնի տնօրեն Վարդան Մկրտչյանի լուսանկարը՝ արված 2019 թվականին: