Ուժի և գեղեցկության տարեգիրները. հուլիսի 2-ը Մարզական լրագրողների միջազգային օրն է
ԵՐԵՎԱՆ, 2 ՀՈՒԼԻՍԻ, ԱՐՄԵՆՊՐԵՍ: Մարզական լրագրողները նշում են իրենց մասնագիտական տոնը:
«Արմենպրես»-ի հաղորդմամբ` 1994 թվականից ի վեր հուլիսի 2-ը նշվում է որպես Մարզական լրագրողների միջազգային օր: 1924 թվականի հուլիսի 2-ին Փարիզում հիմնվեց Մարզական լրագրողների միջազգային ասոցիացիան:
Ֆիզիկական կուլտուրայի հայկական պետական ինստիտուտում երկար տարիներ գործում է մարզական լրագրության ամբիոնը, որը Հայաստանում միակն է նման մասնագիտական ուղվածությամբ:
«Արմենպրես»-ի սպորտի բաժինը շնորհավորում է բոլոր մարզական լրագրողներին և մաղթում բեղուն աշխատանք ի փառս հայրենական սպորտի, պայծառ միտք, նոր գաղափները և հաղթանակների բերկրանքը վայելելու անհամար պահեր:
Վարվառա Հայրապետյան
«Արմենպրես»-ի մարզական թղթակից