Արգելի ՀԷԿ-ի ջրավազանում դի չի հայտնաբերվել
ԵՐԵՎԱՆ, 29 ՀՈՒՆԻՍԻ, ԱՐՄԵՆՊՐԵՍ: Ջրափրկարարներն Արգելի ՀԷԿ-ի ջրավազանում իրականացրած ստորջրյա որոնողական աշխատանքներիմ արդյունքում քաղաքացու չեն հայտնաբերել: Այս մասին «Արմենպրես»-ին տեղեկացրին ՀՀ արտակարգ իրավիճակների նախարարության տեղեկատվության և հասարակայնության հետ կապերի վարչությունից։
«Հունիսի 29-ին, ժամը 16:27-ին Ճգնաժամային կառավարման ազգային կենտրոն տեղեկություն է ստացվել, որ «Արգելի ՀԷԿ»-ի ջրավազանում նկատվում է քաղաքացու դի։
Դեպքի վայր են մեկնել ԱԻՆ ՓԾ Կոտայքի մարզային փրկարարական վարչության հրշեջ-փրկարարական ջոկատից և Գեղարքունիքի մարզային փրկարարական վարչության հատուկ ջրափրկարարական ջոկատից մեկական մարտական հաշվարկ։
Ջրափրկարարներն իրականացրել են ստորջրյա որոնողական աշխատանքներ․ քաղաքացի չի հայտնաբերվել»,- ասվում է հաղորդագրության մեջ: