Ռուսաստանի ֆուտբոլի առաջնությունը կվերսկսվի հունիսի 19-ին
ԵՐԵՎԱՆ, 2 ՀՈՒՆԻՍԻ, ԱՐՄԵՆՊՐԵՍ: Ռուսաստանի ֆուտբոլի առաջնության` Պրեմիեր լիգայի խաղերը կվերսկսվեն հունիսի 19-ից:
«Արմենպրես»-ի հաղորդմամբ` այս մասին գրում է ՏԱՍՍ-ը: Առաջնության հետ կապված դեռևս ոչ մի այլ մանրամասն հայտնի չէ:
Ավելի վաղ լուրեր կային, որ Ռուսաստանի ֆուտբոլի առաջնությունը կարող է անցկացվել երկրպագուների մասնակցությամբ: Պրեմիեր լիգայի խաղերի մարզադաշտում կարող են ներկա լինել միայն 10 տոկոս երկրպագուներ, ոչ ավելին: Առաջնությունը դադարեցվեց մարտի 17-ին` կորոնավիրուսի պանդեմիայի պատճառով:
Ռուսաստանի առաջնությունում Սոչի քաղաքի համանուն թիմում են հանդես գալիս Հայաստանի ֆուտբոլիազգային թիմից Էրիկ Վարդանյանը և Ալեքսանդր Կարապետյանը, իսկ Եկատերինբուրգի «Ուրալ»-ում է խաղում Վարազդատ Հարոյանը:
Պատրաստեց Վարվառա Հայրապետյանը