ԵՐԵՎԱՆ, 28 ՄԱՅԻՍԻ, ԱՐՄԵՆՊՐԵՍ:  Գերմանական Բունդեսլիգայի 28-րդ տուրի շրջանակներում «Հոֆենհայմ»-ը սեփական հարկի տակ հյուրընկալել էր «Քյոլն»-ին:

«Արմենպրես»-ի հաղորդմամբ` «Հոֆենհայմ»-ին հաջողվեց երեք գնդակ ուղարկել մրցակցի դարպասը` սեփականն ընդունելով միայն մեկը: Տան տերերի կազմում դուբլի հեղինակ դարձավ Բաումգարթները, մեկ անգամ էլ աչքի ընկավ Զուբերը:

Հայաստանի ֆուտբոլի ազգային թիմից Սարգիս Ադամյանը «Հոֆենհայմ»-ի հայտացուցակում չէր, քանի որ դեռևս վերականգնվում է վնասվածքից:

Այս հաղթանակից հետո «Հոֆենհայմ»-ը մրցաշարային աղյուսակում 7-րդն է և ունի 39 միավոր: Թիմը հաջորդ հանդիպումը կանցկացնի մայիսի 30-ին` մրցելով «Մայնց»-ի հետ:

 Պատրաստեց Վարվառա Հայրապետյանը