Իրանը մտադիր է վերաբացել պատմամշակութային վայրերը
ԵՐԵՎԱՆ, 23 ՄԱՅԻՍԻ, ԱՐՄԵՆՊՐԵՍ։ Իրանի նախագահ Հասան Ռոհանին հայտնել է երկրում թանգարանները և կրոնական հաստատությունները բացելու մտադրության մասին։ Դրանք փակվել էին կորոնավիրուսի տարծումը կանխելու նպատակով։ «Արմենպրես»-ի հաղորդմամբ՝ այս մասին տեղեկացնում է «ՌԻԱ Նովոստի»-ն։
Նախագահը տեղեկացրել է, որ կրոնական հաստատությունների հետ կապված որոշումը կընդունվի հաջորդ շաբաթ։ Ինչ վերաբերում է թանգարաններին և պատմամշակութային վայրերին, ապա բացումը պլանավորվում է սկսել մայիսի 24-ից։
Ավելի վաղ համապատասխան գերատեսչությունը տեղեկացրել էր, որ նախպատրաստական աշխատանքներ են տանում պատմամշակութային վայրերում այցելուներին ընդունելու համար։
Իրանում կորոնավիրուսով վարակվածների ընդհանուր թիվը 131 հազար 652 է, մահերինը՝ 7 հազար 300։
Նոր կորոնավիրուսի առաջացրած հիվանդության բռնկումը 2019-ի վերջին գրանցվել է Կենտրոնական Չինաստանում, այնուհետև տարածվել 212-ից ավելի երկրում և տարածքում: Մարտի 11-ին Առողջապահության համաշխարհային կազմակերպության կողմից ճանաչվել է համավարակ (պանդեմիա)։