«Յուվենտուս»-ը սկսել է բանակցությունները Պոգբայի հետ
ԵՐԵՎԱՆ, 22 ՄԱՅԻՍԻ, ԱՐՄԵՆՊՐԵՍ: Թուրինի «Յուվենտուս»-ը սկսել է բանակցությունները ֆուտբոլի աշխարհի չեմպիոն Պոլ Պոգբայի տեղափոխության շուրջ:
«Արմենպրես»-ի հաղորդմամբ` այս մասին գրում է Le Sport-ը: Թուրինյան ակումբը սկսել է բանակցությունները Պոգբայի գործակալ Միլո Ռայոլայի հետ: Իտալական ակումբը Պոգբայի միջոցով փոխարինող է փնտրում Միրալեմ Պյանիչի ու Ադրիան Ռաբիոյի համար, ովքեր կարող են հեռանալ ակումբի ամառային տրանսֆերի ընթացքում:
Պոգբայի ծառայություններով հետաքրքրված են նաև «Ռեալ»-ը և ՊՍԺ-ն:
Պոլ Պոգբայի պայմանագիրն անգլիական «Մանչեսթեր Յունայթեդ»-ի հետ նախատեսված է մինչև 2021 թվականը: Մինչ այդ ֆրանսիացին 2012-16 թվականներին հանդես էր գալիս Թուրինի «Յուվենտուս»-ի կազմում:
Պատրաստեց Վարվառա Հայրապետյանը