ՌԴ-ում կորոնավիրուսով վարակվածության նոր դեպքերի թիվը 2-րդ օրն անընդմեջ 9 հազարից պակաս է
ԵՐԵՎԱՆ, 21 ՄԱՅԻՍԻ, ԱՐՄԵՆՊՐԵՍ: Ռուսաստանում կորոնավիրուսով վարակվածների թիվը վերջին մեկ օրում ավելացել է 8 հազար 849-ով՝ ընդհանուրը դառնալով 317 հազար 554:
«Արմենպրես»-ի հաղորդմամբ, այս մասին տեղեկացնում է ՏԱՍՍ գործակալությունը՝ ներկայացնելով կորոնավիրոսի տարածման դեմ պայքարի օպերատիվ շտաբի տվյալները:
Նախորդ օրը շտաբը հայտնել էր վարակվածների 8 հազար 764 նոր դեպքերի մասին: Օրվա կտրվածքով ինչպես երեկ, այնպես էլ այսօր նոր դեպքերի աճի տեմպը կազմում է 2.9 տոկոս:
Ռուսաստանում վերջին մեկ օրում կորոնավիրուսի հետևանքով մահացել է 127 մարդ: Ընդհանուր առմամբ երկրում վարակի հետևանքով մահացել է 3 հազար 99 մարդ:
Կարծիքներ
Հարցազրույցներ
Փաստ մեկնաբանությամբ