Այսօր՝ ապրիլի 10-ին
ԵՐԵՎԱՆ, 10 ԱՊՐԻԼԻ, ԱՐՄԵՆՊՐԵՍ: 1913 թ. այս օրը ծնվել է Նելսոն Ստեփանյանը՝ հայ օդաչու, ԽՍՀՄ կրկնակի հերոս: Կատարել է 239 մարտական թռիչք, անձամբ և խմբի կազմում խորտակել է թշնամու 53 նավ (անձամբ՝ 13), ոչնչացրել է 80 տանկ, 600 ավտոմեքենա, 27 ինքնաթիռ (2 Ju-88 ռմբակոծիչ օդային մարտում, 25 տարբեր տեսակի ինքնաթիռներ իրենց օդանավակայաններում), թշնամու 105 հրանոթ, 130 գնդացրային կետ, 5000 զինվոր։
* 1992 թ. այս օրը Լեռնային Ղարաբաղի Մարտակերտի շրջանի Մարաղա գյուղում ադրբեջանական զինված ուժերն իրականացրին խաղաղ բնակչության կոտորած, զոհվեց մի քանի տասնյակ հայ:
* 1840 թ. այս օրը դադարեց գոյություն ունենալ Հայկական մարզը, որը ստեղծվել էր 1828 թ. Նիկոլայ I ցարի հրամանագրով, Թուրքմենչայի պայմանագրի վավերացումից հետո:
* 1912 թ. այս օրը «Տիտանիկ» հայտնի նավը սկսեց իր ճանապարհորդությունը:
* 1940 թ. այս օրը Իսլանդիան փաստացի առանձնացավ Դանիայից:
Մ. Ա.