Այրվել է ոչ բնակելի տնակն ամբողջությամբ
ԵՐԵՎԱՆ, 9 ԱՊՐԻԼԻ, ԱՐՄԵՆՊՐԵՍ։ Ճգնաժամային կառավարման ազգային կենտրոն ապրիլի 9-ին, ժամը 01:43-ին ահազանգ է ստացվել, որ Լոռու մարզի Ալավերդի քաղաքի Սանահին-Սարահարթ թաղամասի թիվ 2/8 շենքի մոտակայքում այրվում է ավտոտնակ: «Արմենպրես»-ին այս մասին հայտնեցին ՀՀ ԱԻՆ տեղեկատվության և հասարակայնության հետ կապերի վարչությունից։
Դեպքի վայր է մեկնել ԱԻՆ ՓԾ մարզային փրկարարական վարչության հրշեջ-փրկարարական ջոկատից երկու մարտական հաշվարկ:
Պարզվել է, որ Սանահին-Սարահարթ թաղամասի թիվ 2/2 շենքի մոտակայքում այրվում է ոչ բնակելի վագոն-տնակ (մոտ 18 քմ)։
Հրդեհը մեկուսացվել է ժամը 03։02-ին, մարվել՝ 07։29-ին։ Այրվել է վագոն-տնակն ամբողջությամբ և մոտակայքում գտնվող հավաբունը՝ մասամբ:
Կարծիքներ
Հարցազրույցներ
Փաստ մեկնաբանությամբ