Չինաստանից Հայաստան է ներկրվելու բժշկական պարագաների և սարքավորումների մեծ խմբաքանակ
ԵՐԵՎԱՆ, 8 ԱՊՐԻԼԻ, ԱՐՄԵՆՊՐԵՍ: ՀՀ պետական միջոցների հաշվին ձեռքբերված, Չինաստանի պետական մարմինների, ինչպես նաև հայ և չինացի բարերարների կողմից նվիրաբերած բժշկական պարագաների և սարքավորումների խմբաքանակը տեղափոխող ինքնաթիռը շուտով կժամանի Երևան։ Հատուկ չվերթը նախաձեռնել է ՀՀ պարետատունը։ Այս մասին «Արմենպրես»-ը տեղեկացավ «Ֆեյսբուք»-ում Հայկական միասնական տեղեկատվական կենտրոնի էջից։
«Ժամեր անց Երևանում վայրէջք կկատարի ՀՀ պարետատան նախաձեռնած հատուկ չվերթով Չինաստանից Հայաստան տեղափոխվող, ՀՀ պետական միջոցների հաշվին ձեռքբերված, Չինաստանի պետական մարմինների, ինչպես նաև հայ և չինացի բարերարների կողմից նվիրաբերած բժշկական պա1րագաների և սարքավորումների խմբաքանակը»,- նշված է գրառմեն մեջ, ըստ որի՝ խմբասքանակում ներառված են.
- 120 հատ թոքերի արհեստական օդափոխման սարքեր, -2 թթվածնի մատակարարման կայան, -60 000 հատ թեստ, -60 000 հատ բժշկական դիմակ, -280 000 հատ պաշտպանիչ դիմակ, -20 000 հատ պաշտպանիչ ակնոց, -100 000 հատ պաշտպանիչ արտահագուստ, ինչպես նաև դեղամիջոցներ:
Խմբաքանակի արկղերին գրված է․ «Թող մեր բարեկամությունը լինի ավելի բարձր, քան Արարատ լեռն է, ու ավելի երկար, քան Յանցզի գետը»։