«Կորոնա» գարեջուրը ժամանակավորապես դադարեցնում է արտադրությունը
ԵՐԵՎԱՆ, 3 ԱՊՐԻԼԻ, ԱՐՄԵՆՊՐԵՍ: Մեքսիկական «Grupo Modelo» ընկերության ղեկավարը հայտարարել է, որ ժամանակավորապես դադարեցնում է «Կորոնա» ապրանքանիշի գարեջրի և մի շարք այլ արտադրատեսակների արտադրությունը:
«Արմենպրես»-ի փոխանցմամբ՝ այս մասին հայտնում է Reuters լրատվական գործակալությունը:
Աշխարհի 180 երկիր արտահանվող գարեջուրն արտադրող ընկերության տնօրենը հայտնել է, որ արտադրության դադարեցումը կապված է Մեքսիկայում արտակարգ դրության հայտարարման և տնտեսական սահմանափակումների հետ:
Մեքսիկայում նոր տիպի կորոնավիրուսով վարակվածների թիվը 1510 է: Վիրուսից մահացել է 50, ապաքինվել՝ 633 մարդ: Մեքսիկայի իշխանությունները երկրում արտակարգ դրություն են հայտարարել:
Կարծիքներ
Հարցազրույցներ
Փաստ մեկնաբանությամբ