Ռուսաստանում մեկ օրում գրանցվել է կորոնավիրուսով վարակվածության 500 նոր դեպք. ՌԻԱ Նովոստի
ԵՐԵՎԱՆ, 31 ՄԱՐՏԻ, ԱՐՄԵՆՊՐԵՍ: Ռուսաստանում մեկ օրվա ընթացքում գրանցվել է կորոնավիրուսով վարակվածության 500 նոր դեպք: Դրանք արձանագրվել են 24 տարածաշրջանում:
«Արմենպրես»-ի հաղորդմամբ, «ՌԻԱ Նովոստի»-ն տեղեկացնում է, որ երկրում ընդհանուր վարակվածների թիվը կազմել է 2 հազար 337: Նոր կորոնավիրուսային վարակի տարածման դեմ պայքարի օպերատիվ շտաբը տեղեկացրել է, որ դեպքերը գրանցվել են 73 տարածաշրջանում:
Նոր կորոնավիրուսի առաջացրած հիվանդության բռնկումը 2019-ի վերջում գրանցվել է Կենտրոնական Չինաստանում, այնուհետև տարածվել 190-ից ավելի երկրում և մարտի 11-ին Առողջապահության համաշխարհային կազմակերպության կողմից ճանաչվել համավարակ (պանդեմիա)։