Լա լիգան վերսկսելու երեք տարբերակ է քննարկվում
ԵՐԵՎԱՆ, 28 ՄԱՐՏԻ, ԱՐՄԵՆՊՐԵՍ: Իսպանիայի ֆուտբոլի ասոցացիան և Լա լիգայի ղեկավարությունն առաջնությունը շարունակելու երեք տարբերակ է քննարկում:
«Արմենպրես»-ի հաղորդմամբ` այս մասին գրում է Marca-ն: Եթե ամբողջ աշխարհում ստեղծված իրավիճակը դրական փոփոխություն ունենա առաջիկայում, ապա առաջնությունը կարող է վերսկսվել մայիսի կեսին և եզրափակվել հուլիսին: Երկրորդ տարբերակով մտադրություն կա առաջնությունը շարունակել ամռանը և ավարտել օգոստոս-սեպտեմբեր ամիսներին: Եվ երրորդ տարբերակը համարվում է ամենածայրահեղը` առաջնությունը կարող է վերսկսվել միայն սեպտեմբերին:
Իսպանիայի ֆուտբոլի առաջնությունը դադարեցվեց մարտի 12-ին կորոնավիրուսի պանդեմիայի պատճառով:
Կարծիքներ
Հարցազրույցներ
Փաստ մեկնաբանությամբ