ԵՐԵՎԱՆ, 26 ՄԱՐՏԻ, ԱՐՄԵՆՊՐԵՍ: «Թատրոնի միջազգային օրը՝ մարտի 27-ը, հիմնադրվել է 1961 թ.  ՅՈՒՆԵՍԿՕ-ի միջազգային թատերական ինստիտուտի 9-րդ համագումարում: 1962-ից այն նշվում է որպես ամենամյա տոն՝ «Թատրոնը որպես ժողովուրդների միջեւ խաղաղության ամրապնդման եւ փոխըմբռնման միջոց» խորագրով:

Քարտեզի վրա անհնար է որոշել թատրոնի աշխարհագրական վայրը: Այն միավորում է ազգերին անտեսանելի ուժով՝ արվեստի լեզվով: Թատրոնի մարդիկ սա գիտեն՝ ամեն օր բախվելով իրականության եւ բեմի հետ: Նրանք բոլորը (հատկապես՝ դերասանները) ապրում են մեկ այլ իրականության մեջ, որտեղ կյանքը գեղարվեստականացված է: Թատրոնի առանձնահատկությունն էլ հենց դա է՝ կյանքը ներկայացնել գեղագիտորեն, երբ ավազակը բեմում դառնում է հմայիչ իր խարդախություններով, երբ անազնիվը դյութում է ճարտար խոսքով, իսկ արատավոր տիկինը հնարագիտությամբ դառնում է հրաշագեղ «օրիորդ»: Պատրանքի մեջ ստեղծված իրականություն, որտեղ մարդը վերագտնում է իրեն՝ ահա եւ քեզ թատրոն»:

          Նյութն ամբողջությամբ կարդացեք թերթի վաղվա համարում: