Արմեն Սարգսյանը ստորագրել է մի շարք օրենքներ
ԵՐԵՎԱՆ, 26 ՄԱՐՏԻ, ԱՐՄԵՆՊՐԵՍ։ Հայաստանի Հանրապետության նախագահ Արմեն Սարգսյանը մարտի 26-ին ստորագրել է Ազգային ժողովի ընդունած մի շարք օրենքներ։
«Արմենպրես»-ին այս մասին հայնտեցին ՀՀ նախագահի աշխատակազմի հասարակայնության հետ կապերի վարչությունից։
ՀՀ նախագահը ստորագրել է Վարչական իրավախախտումների վերաբերյալ Հայաստանի Հանրապետության օրենսգրքում փոփոխություններ կատարելու մասին, Հայաստանի Հանրապետության քրեական օրենսգրքում փոփոխություններ կատարելու մասին ՀՀ օրենքների փաթեթը և Իրավաբանական անձանց պետական գրանցման, իրավաբանական անձանց առանձնացված ստորաբաժանումների, հիմնարկների և անհատ ձեռնարկատերերի պետական հաշվառման մասին» օրենքում լրացումներ կատարելու մասին, «Պետական տուրքի մասին» օրենքում փոփոխություն և լրացում կատարելու մասին, «Զանգվածային լրատվության մասին» օրենքում լրացում կատարելու մասին օրենքների փաթեթը: