Շախմատի հավակնորդների մրցաշարում կկայանան 7-րդ տուրի պարտիաները
ԵՐԵՎԱՆ, 25 ՄԱՐՏԻ, ԱՐՄԵՆՊՐԵՍ: Շախմատի հավակնորդների մրցաշարում կկայանան 7-րդ տուրի պարտիաները:
«Արմենպրես»-ի հաղորդմամբ` ՌԴ Եկատերինբուրգ քաղաքում անցնող մրցաշարի 7-րդ տուրում կմրցեն Ֆաբիանու Կարուանա-Հաո Վանգ, Մաքսիմ Վաշիե-Լագրավ-Յան Նեպոմնյաշչի, Դին Լիժեն- Կիրիլ Ալեքսեենկո և Անիշ Գիրի-Ալեքսանդր Գրիշչուկ զույգերը:
Այժմ մրցաշարային աղյուակի առաջատարը Յան Նեպոմնյաշչին է, ով ունի 4,5 միավոր: 3,5 միավորով երկրորդն է Մաքսիմ Վաշիե-Լագրավը:
Մրցաշարին մասնակցում են 8 շախմատիստ՝ Ֆաբիանո Կարուանան, Դին Լիժենը, Անիշ Գիրին, Ալեքսանդր Գրիշչուկը, Յան Նեպոմնյաշչին, Կիրիլ Ալեքսեենկոն, Վան Հաոն և Մաքսիմ Վաշիե-Լագրավը: Կորոնավիրուսային իրավիճակից ելնելով՝ մրցաշարի մասնակցությունից հրաժարվել է աշխարհի գավաթակիր Թեյմուր Ռաջաբովը, որը ՖԻԴԵ-ին խնդրել էր հետաձգել մրցաշարը: Նրա փոխարեն մրցաշարում ընդգրկվել է Վաշիե-Լագրավը: Հավակնորդների մրցաշարը կեզրափակվի ապրիլի 5-ին: