ԼՀԿ-ն առաջարկում է ընդլայնել համայնքի ավագանու լիազորությունները
ԵՐԵՎԱՆ, 24 ՄԱՐՏԻ, ԱՐՄԵՆՊՐԵՍ: ՀՀ Ազգային ժողովը երկրորդ ընթերցմամբ և ամբողջությամբ ընդունելու համար քննարկում է «Տեղական ինքնակառավարման մասին» օրենքում փոփոխությունների օրենքի նախագիծը:
«Արմենպրես»-ի փոխանցմամբ՝ այն հեղինակել է խորհրդարանի «Լուսավոր Հայաստան» խմբակցությունը:
Օրենքի նախագծով՝ համայնքի ավագանին իր որոշմամբ հավանություն է տալիս նվիրատվության ընդունմանն այն դեպքում, երբ համայնքը նվիրառու է, իսկ նվիրատվության առարկայի արժեքը (գումարը) գերազանցում է նվազագույն աշխատավարձի հազարապատիկը, ինչից հետո միայն համայնքի ղեկավարն իրավասու է կնքելու նվիրատվության պայմանագիրը`բացառությամբ սահմանամերձ բնակավայրերում պաշտպանական բնույթի նվիրատվությունը, որը ձևակերպվում է գաղտնի գրիֆով:
Օրենքի նախագիծն առաջին ընթերցմամբ Ազգային ժողովի փետրվարի 13-ի նիստում ընդունվել է 51 կողմ, 29 դեմ և 17 ձեռնպահ ձայներով: