Ավստրալիան ևս չի մասնակցի Օլիմպիական խաղերին
ԵՐԵՎԱՆ, 23 ՄԱՐՏԻ, ԱՐՄԵՆՊՐԵՍ: Ավստրալիան չի մասնակցի Տոկիոյի 2020 թվականի ամառային oլիմպիական խաղերին կորոնավիրուսի պատճառով:
«Արմենպրես»-ի հաղորդմամբ` այս մասին հաղորդագրություն է տարածել Ավստրալիայի ազգային օլիմպիական կոմիտեն: Հաղորդագրության մեջ ԱՕԿ-ը շեշտում է, որ Խաղերի անցկացումը հուլիսին անհնարին է, և ճիշտ կլինի այն անցկացնել 2021 թվականին:
Ավելի վաղ խաղերի չմասնակցելու մասին հայտարարել էր նաև Կանադան:
32-րդ ամառային Օլիմպիական խաղերը կհյուրընկալի Տոկիոն: Դրանք կմեկնարկեն հուլիսի 24-ին և կեզրափակվեն օգոստոսի 9-ին: Աշխարհի 206 երկրներից մոտ 11 հազար մարզիկներ կմրցեն 33 մարզաձևերում: Հեռավոր 1964 թվականից հետո Տոկիոն երկրորդ անգամ է հյուրընկալելու Օլիմպիական խաղերը:
Կարծիքներ
Հարցազրույցներ
Փաստ մեկնաբանությամբ