ԵԱՀԿ-ն ժամանակավորապես դադարեցնում է դիտարկումները շփման գծում. Կասպրշիկ
ԵՐԵՎԱՆ, 19 ՄԱՐՏԻ, ԱՐՄԵՆՊՐԵՍ: ԵԱՀԿ գործող նախագահի անձնական ներկայացուցիչ, դեսպան Անջեյ Կասպրշիկը հայտնել է, որ նկատի ունենալով կորոնավիրուսի առումով ստեղծված վիճակը, ժամանակավորապես դադարեցնում են դիտարկումները Լեռնային Ղարաբաղի հակամարտության հակամարտ ուժերի շփման գծում: «Արմենպրես»-ին այս մասին տեղեկացրին ԵԱՀԿ լրատվական ծառայությունից: «COVID-19- ի՝ նոր կորոնավիրուսի տարածումից հետո ընթացող իրավիճակը հանգեցրել է միջազգային սահմանների փակմանը ողջ տարածաշրջանում, ճանապարհորդության սահմանափակումներ միջազգային և տեղական անձնակազմի համար, ինչպես նաև կիրառվել են սահմանափակումներ` դեմ առ դեմ շփումից խուսափելու համար՝ նվազեցնելու վարակի ռիկսը: Հաշվի առնելով վերը նշվածը, և կողմերի հետ խորհրդակցելուց հետո, մոնիտորինգները կդադարեցվեն՝ մինչև այդ սահմանափակումները չեղյալ հայտարարվեն»,-ասել է Կասպրշիկը: Նա վստահեցրել է, որ միևնույն ժամանակ շարունակում է շփվել համապատասխան ռազմական իշխանությունների հետ:
- ԲՏԱ նախարարության և «Ստարտափ Արմենիա» հիմնադրամի միջև փոխըմբռնման
հուշագիր է ստորագրվել
- ԵԱՏՄ-ից Հայաստանի դուրս գալու նախաձեռնություն չկա․ Արման Եղոյան
- Նշվել է Հայ-ռուսական համալսարանի օրը. այս տարի բուհ են ընդունվել
ռեկորդային թվով ուսանողներ
- Հայաստանն ու Հնդկաստանը փոխշահավետ ծրագրեր կարող են իրականացնել մի շարք
ոլորտներում, Արմեն Սարգսյանն ընդունել է Կիշան Դան Դևալին
- Ադրբեջանի իշխանությունները քաղաքականացնում են գերիների վերադարձը. ՀՀ
ՄԻՊ-ը՝ Կոլումբիայի համալսարանի քննարկմանը