Գանձաքար գյուղի մոտակա անտառում բռնկված հրդեհը մեկուսացվել է. այրվում է մոտ 3 հա խոտածածկույթ
ԵՐԵՎԱՆ, 24 ՓԵՏՐՎԱՐԻ, ԱՐՄԵՆՊՐԵՍ: ՀՀ արտակարգ իրավիճակների նախարարության Փրկարար ծառայության ճգնաժամային կառավարման ազգային կենտրոնը փետրվարի 24-ին, ժամը 13:00-ին ահազանգ է ստացել, որ Տավուշի մարզի Գանձաքար գյուղի մոտակա անտառում այրվում է մոտ 3 հա խոտածածկույթ:
Հրդեհի վայր է մեկնել ԱԻՆ ՓԾ մարզային փրկարարական վարչության հրշեջ-փրկարարական ջոկատից մեկ մարտական հաշվարկ:
Ինչպես «Արմենպրես»-ին տեղեկացրին ՀՀ ԱԻՆ տեղեկատվության և հասարակայնության հետ կապերի վարչությունից, ժամը 18:01-ին հրդեհը մեկուսացվել է, սակայն 18:54-ին հրդեհաշիջման աշխատանքները մթության պատճառով դադարեցվել են:
Կարծիքներ
Հարցազրույցներ
Փաստ մեկնաբանությամբ