«Կոտայք ՃՇՇ» ՍՊԸ Ալափարսի մասնաճուղի տարածքում վագոն-տնակ է այրվել
ԵՐԵՎԱՆ, 29 ՀՈՒՆՎԱՐԻ, ԱՐՄԵՆՊՐԵՍ: ՀՀ արտակարգ իրավիճակների նախարարության 911 ահազանգման կենտրոնը hունվարի 29-ին, ժամը 13:12-ին ահազանգ է ստացել, որ Կոտայքի մարզի Չարենցավան քաղաքում այրվում է վագոն-տնակ:
Դեպքի վայր է մեկնել ԱԻՆ փրկարար ծառայության մարզային փրկարարական վարչության հրշեջ-փրկարարական ջոկատի մեկ մարտական հաշվարկ:
Հրդեհը մեկուսացվել է ժամը 13:45-ին, մարվել՝ 14:36-ին:
Ինչպես «Արմենպրես»-ին տեղեկացրին ՀՀ ԱԻՆ տեղեկատվության և հասարակայնության հետ կապերի վարչությունից, պարզվել է, որ «Կոտայք ՃՇՇ» սահմանափակ պատասխանատվությամբ ընկերության Ալափարսի մասնաճուղի տարածքում՝ վագոն-տնակում (մոտ 18 քմ) այրվել են կուտակած ավտոպահեստամասեր (մոտ 1 խմ) և տնակի ներսի երեսպատումը: