Էշլի Բարտին կիսաեզրափակիչում է. Australian Open
ԵՐԵՎԱՆ, 28 ՀՈՒՆՎԱՐԻ, ԱՐՄԵՆՊՐԵՍ: Թենիսի աշխարհի առաջին ռակետ Էշլի Բարտին Ավստրալիայի բաց առաջնության կիսաեզրափակիչում է:
«Արմենպրես»-ի հաղորդմամբ` կանանց մենախաղի քառորդ եզրափակիչում Բարտին մրցեց Չեխիայից Պետրա Կվիտովայի հետ և 1 ժամ 44 րոպե ձգված մրցախաղում հաղթեց երկու սեթերից հետո 7:6, 6:2 հաշվով: Կիսաեզրափակիչում Բարտիի մրցակիցը Սոֆյա Կենին է: Այս մրցախաղը կկայանա հունվարի 30-ին:
Թենիսի «Մեծ սաղավարտի» այս տարվա առաջին մրցաշարի՝ Ավստրալիայի բաց առաջնության տղամարդկանց և կանանց մենախաղերին մասնակցում են 128-ական թենիսիստներ:Ավստրալական Մելբուռն քաղաքում ընթացող մրցաշարը տեղի է ունենում 107-րդ անգամ՝ 1905 թվականից: «Australian Open»-ի տղամարդկանց մենախաղի գործող չեմպիոնը Նովակ Ջոկովիչն է, իսկ կանանցը՝ Նաոմի Օսական: