Apple-ը նոր բյուջետային iPhone-ի արտադրությունը կգործարկի փետրվարին
ԵՐԵՎԱՆ, 22 ՀՈւՆՎԱՐԻ, ԱՐՄԵՆՊՐԵՍ: Ամերիկյան Apple Inc-ի կապալառուները պլանավորում են iPhone-ի նոր բյուջետային մոդելի հավաքումն սկսել ընթացիկ տարվա փետրվարին: Այդ մասին հայտնել Է Bloomberg գործակալությունը՝ վկայակոչելով աղբյուրներ, տեղեկացնում Է «Արմենպրես»-ը:Աղբյուրներից մեկը պատմել Է, որ նոր սմարթֆոնը ներկայացվելու Է մարտ ամսին: Հավաքմամբ զբաղվելու են Hon Hai Precision Industry Co.-ն (Foxconn Technology), Pegatron Corp.-ը եւ Wistron Corp.-ը:Դա կլինի iPhone-ի առաջին բյուջետային մոդելը iPhone SE-ից հետո, որի գինը 2016 թվականին թողարկվելուց հետո կազմել Է 399 դոլար: 4,7 դյույմ դիսփլեյով նոր մոդելը նման կլինի iPhone 8-ին, որը թողարկվել Է 2017 թվականին: iPhone 8 սմարթֆոնը մնում Է վաճառքում, դրա գինը սկսվում Է 449 դոլարից:Սպասվում Է, որ նոր մոդելն կունենա Home со կոճակը՝ ներսարված Touch ID դակտիլոսկոպիկ սքաներով: Սմարթֆոնը չի օժանդակի անձի ճանաչման Face ID գործառույթին, բայց կաշխատի այն նույն պրոցեսորով, ինչ եւ iPhone 11-ը:2020 թվականին Apple-ը պլանավորում Է թողարկել iPhone-ի նոր շարք, որի մեջ կմտնեն 5G-ի օժանդակմամբ սմարթֆոններ՝ ավելի արագագործ պրոցեսորով եւ 3-D նոր խցիկով, ավելի վաղ հայտնել Է Bloomberg գործակալությունը:Բյուջետային մոդելի թողարկումը կարող Է արտադրողին թույլ տալ մրցակցել սմարթֆոնների արագ աճող շուկաներում, հատկապես Հնդկաստանում, որտեղ iPhone-ը մինչ այժմ զիջում Է Android-ին, որը կարելի Է գնել 200 դոլարից պակաս գումարով: Apple-ը պլանավորում Է իր ֆիրմային խանութները բացել Հնդկաստանում: Apple-ը հուսով Է, որ iPhone-ի վաճառքները կվերադառնան աճի եւ 2020 թվականին կգերազանցեն 200 միլիոն հատը: iPhone-ի նոր բյուջետային տարբերակը կարող Է Էական դեր խաղալ այդ նպատակին հասնելու գործում, հաղորդել Է «Ինտերֆաքս»-ը:
Կարծիքներ
Հարցազրույցներ
Փաստ մեկնաբանությամբ