«Ռոմա»-ն և ՈՒԵՖԱ-ն շնորհավորել են Մխիթարյանին
ԵՐԵՎԱՆ, 21 ՀՈՒՆՎԱՐԻ, ԱՐՄԵՆՊՐԵՍ: Իտալական «Ռոմա»-ն և ՈՒԵՖԱ-ն շնորհավորել են Հենրիխ Մխիթարյանին ծննդյան օրվա կապակցությամբ:
«Արմենպրես»-ի հաղորդմամբ` իտալական ակումբը ուրախ տարեդարձ է մաղթել հայ կիսապաշտպանին:
Հայաստանի ֆուտբոլի ազգային թիմի ավագ, իտալական «Ռոմա»-ի կիսապաշտպան Հենրիխ Մխիթարյանը նշում է ծննդյան 31-ամյակը: Մխիթարյանը ֆուտբոլիստի կարիերան սկսել է երևանի «Փյունիկ»-ում և հաջորդաբար հանդես է եկել ուկրաինական «Մետալուրգ», «Շախտյոր», գերմանական «Բորուսիա-Դորտմունդ», անգլիական «Մանչեսթեր Յունայթեդ», «Արսենալ» ակումբներում: Հենրիխ Մխիթարյանի տրանսֆերային իրավունքները պատկանում են «Արսենալ»-ին, սակայն այս պահին նա վարձավճարով հանդես է գալիս իտալական «Ռոմա» ակումբում: Մխիթարյանն ազգային հավաքականի լավագույն ռմբարկուն է, 8 անգամ ճանաչվել է Հայաստանի լավագույն ֆուտբոլիստ: Նա ՅՈՒՆԻՍԵՖ-ի բարի կամքի դեսպանն է Հայաստանում: