Ինձ համար առավել կարևորը Մ23 տարեկանների աշխարհի առաջնությունն է. Միքայել Միքայելյան
ԵՐԵՎԱՆ, 20 ՀՈՒՆՎԱՐԻ, ԱՐՄԵՆՊՐԵՍ: Հայաստանի դահուկավազքի հավաքականի անդամ Միքայել Միքայելյանի համար առաջնահերթ է Մ23 տարեկանների աշխարհի առաջնությունը:
«Իմ հիմնական նպատակն այս մրցաշրջանում կապված են միջազգային մրցաշարերի հետ, ինչպես, օրինակ, աշխարհի մինչև 23 տարեկանների առաջնությունում: Քանի որ առաջին անգամ պետք է մասնակցեմ՝ ձգտելու եմ առավելագույնս կայուն հանդես գալ»,-«Արմենպրես»-ի հաղորդմամբ` լրագրողների հետ զրույցում ասաց Միքայելյանը: Վերջինիս խոսքով` այս տարի լուրջ հորիզոնականների համար պայքարելու մեծ հնարավորություններ չունի, քանի որ ինքն առաջին անգամ է մասնակցելու այս մրցաշարին և դեռ շատ երիտասարդ է:
Միքայելյանը կմասնակցի աշխարհի գավաթի խաղարկության հերթական փուլին և փետրվարի վերջին կայանալիք աշխարհի Մ23 տարեկանների առաջնությանը: