ՎԱՇԻՆԳՏՈՆ, 29 ՀՈւԼԻՍԻ, ԱՐՄԵՆՊՐԵՍ: Ամերիկահայ 64-ամյա ներկարար եւ կոլեկցիոներ Ռիկ Նորսիգյանը 10 տարի առաջ մի հնավաճառից 45 դոլարով լուսանկարների 65 ապակյա նեգատիվներ է գնել: Հետագայում պարզվել է, որ դրանք պատկանում են 1984թ-ին կյանքից հեռացած աշխարհահռչակ լուսանկարիչ, «լուսանկարիչների հայր» հռչակված Անսել Ադամսին: Այդ մասին հայտնում է «Արմենպրես»-ը` վկայակոչելով ամերիկյան մամուլը: 

ԵՐԵՎԱՆ, 29 ՀՈՒԼԻՍԻ, ԱՐՄԵՆՊՐԵՍ: «Հայաստանում աղանդները քողարկվում են յոգայի անվան տակ»,- «Արմենպրես»-ի հետ զրույցում նման համոզմունք հայտնեց Հայաստանի յոգայի ֆեդերացիայի նախագահ Հակոբ Բաղդասարյանը` նշելով, որ յոգայի անվան տակ աղանդավորները տարածում են Ագնի յոգա, Կրիշնիա, Բժագավար յոգա: «Սրանք հնդկական կրոններ են, որոնք մարդկանց տանում են իրենց ետեւից»,- ասաց նա: Յոգայի նման «պարապմունքները», ըստ ֆեդերացիայի նախագահի, անցկացվում են անգամ տներում: 

ԼՈՆԴՈՆ, 29 ՀՈՒԼԻՍԻ, ԱՐՄԵՆՊՐԵՍ: Ավելի քան հարյուր տարվա ընթացքում այսօր առաջին նոր բանկն Է բացվում Մեծ Բրիտանիայում, որը կաշխատի ամեն օր եւ կհոգա ոչ միայն սպասարկյալների, այլեւ նրանց շների մասին: Նոր բանկը կանվանվի Metro Bank: Այն «զրոյից» հիմնել են երկու գործարարներ՝ բրիտանացի Էնտոնի Թոմսոնը եւ ամերիկացի Վերնոն Հիլը: Հիլն ԱՄՆ-ում նման նախագծի փորձ արդեն ունի. 1973 թվականին 26 տարեկան հասակում նրա հիմնած Commece Bank-ը՝ միակ բաժանմունքով, այնուհետեւ աճել Է մինչեւ 500 մասնաճյուղերով հիմնարկության եւ 2007 թվականին վաճառվել 8,5 միլիարդ դոլարով: 

ԼՈՆԴՈՆ, 28 ՀՈՒԼԻՍԻ, ԱՐՄԵՆՊՐԵՍ: Ձեռքի հեռախոսները 18 անգամ ավելի շատ են ծածկված ակտիվ մանրԷների խիտ շերտով, քան տղամարդկանց զուգարանների ջրթափ բաքերի ջրող բռնակները: Դա, ինչպես հաղորդել Է Newsru.com պորտալը, ցույց Է տվել այն հետազոտությունը, որը կատարել Է Which? սպառողների իրավունքների պաշտպանության խումբը: 

ՀՌՈՄ, 28 ՀՈՒԼԻՍԻ, ԱՐՄԵՆՊՐԵՍ: Իտալացիների գրեթե 15 տոկոսը ձեւացնում է, թե մեկնել է հանգստանալու այն դեպքում, երբ իրականում նրանք թաքնվում են իրենց տանը: Անհետանալու հետ կապված այս հնարքը նրանց ստիպում է բանեցնել այն, որ նրանք չեն ցանկանում կամ նույնիսկ վախենում են հարեւաններին ու ծանոթներին խոստովանել, որ չեն կարող իրենց թույլ տալ հանգիստն անցկացնելու առողջարանում: 

ՄՈՍԿՎԱ, 28 ՀՈՒԼԻՍԻ, ԱՐՄԵՆՊՐԵՍ: Գիտնականները պնդում են, որ ընտանեկան երջանկությունը գալիս է ուղիղ 2 տարի 11 ամիս եւ 8 օր հետո: Ինչպես գրում է express.co.uk-ը, բրիտանացի մասնագետներն այս եզրակացությանն են եկել ընդգրկուն հարցման ընթացքում: Հետազոտողները հարցում են արել ավելի քան 4 հազար ամուսնացածների: Ամուսնական կյանքից առավել գոհ են եղել այն զույգերը, որոնց մի քանի օր է մնացել մինչեւ ամուսնության երրորդ տարեդարձը: 

ԱԹԵՆՔ, 27 ՀՈՒԼԻՍԻ, ԱՐՄԵՆՊՐԵՍ: Տնտեսական ճգնաժամը եւ ծախսերը կրճատելու խիստ միջոցառումները հարվածի տակ են դնում հույների, հատկապես կանանց, սեռական կյանքը, այսօր գրել Է հունական «Նեա» թերթը՝ վկայակոչելով տեղացի գիտնականների կատարած հետազոտությունը: 

ՏՈԿԻՈ, 26 ՀՈՒԼԻՍԻ, ԱՐՄԵՆՊՐԵՍ: Ճապոնիայում կանանց կյանքի միջին տեւողությունը մնում Է աշխարհում ամենաերկարը: Սրանք են Ճապոնիայի առողջապահության, աշխատանքի եւ բարեկեցության նախարարության՝ այսօր հրապարակված զեկույցի տվյալները: Այսպիսով, Ճապոնիան այս ցուցանիշով առաջատարն Է 25 տարի անընդմեջ: Ինչպես հաղորդվել Է, 2009 վականին ճապոնուհիների կյանքի միջին տեւողությունը կազմել Է 86,44 տարի, ինչը մոտավորապես մեկ երրորդ տարով ավելի Է, քան 2008 թվականին: 

ԵՐԵՎԱՆ, 26 ՀՈՒԼԻՍԻ, ԱՐՄԵՆՊՐԵՍ: Զանազան դիետաների հետեւանքով առաջացող անորեքսիան մահացու հիվանդություն է. նիհարելուց մինչեւ հյուծվելը մեկ քայլ է: Ինչպես լրագրողների հետ հանդիպման ժամանակ հայտնեցին ՀՀ Առողջապահության նախարարության կուրորտաբանության եւ ֆիզիկական բժշկության գիտահետազոտական ինստիտուտի բժիշկ-դիետոլոգ Վարդանուշ Պետրոսյանը եւ կլինիկական հոգեբան Վիկտորյա Վառյանը, Հայաստանում անորեքսիա կոչվող հիվանդության մասին գրեթե չեն խոսում, սակայն մեզ մոտ այս հիվանդությամբ տառապողներ եւս կան: 

ԼՈՆԴՈՆ, 26 ՀՈՒԼԻՍԻ, ԱՐՄԵՆՊՐԵՍ: ՆԱՍԱ-ի «Քեպլեր» տիեզերական աստղադիտակը հայտնաբերել Է հինգ արեգակնային համակարգեր եւ 706 նոր մոլորակներ, որոնցից 140-ն իրենց չափերով եւ մի շարք ֆիզիկական բնութագրերով նման են Երկրին: Այս մասին հաղորդել Է Լոնդոնի «Սանդի թայմս» շաբաթաթերթը: 

ՎԱՇԻՆԳՏՈՆ, 26 ՀՈՒԼԻՍԻ, ԱՐՄԵՆՊՐԵՍ: ԱՄՆ-ի Կոնգրեսը կանաչ լույս է վառել երկրում էլեկտրափոխադրամիջոցների զարգացման ճանապարհին: Առաջիկա 10 տարում ԱՄՆ-ի համերկրային բյուջեից կարող է գրեթե 4 մլրդ դոլար հատկացվել էլեկտրամոբիլների եւ դրանց ենթակառուցվածքի զարգացման համար, իսկ արդեն 2030 թվականին էլեկտրամոբիլներով կկարողանա երթեւեկել ԱՄՆ-ի բնակչության կեսը: 

ԵՐԵՎԱՆ, 24 ՀՈՒԼԻՍԻ, ԱՐՄԵՆՊՐԵՍ: Պերուի հնէաբանները երկրի հյուսիսում հայտնաբերել են զոհատեղի: Ըստ հնէաբանների` այն կառուցել է հարավամերիկյան Մոչե ցեղը, որի ծաղկման շրջանը համարվում է մ.թ.ա 100-ից մինչեւ մեր թվարկության 800 տարին: Ըստ պերուացի հնէաբանների,թեեւ այս ցեղը եղել է բավականին խաղաղասեր եւ զբաղվել հիմնականում գյուղատնտեսությամբ, սակայն նրանց մոտ նույնպես կատարվել են մարդկային զոհաբերության արարողություններ: 

ՄՈՍԿՎԱ, 24 ՀՈՒԼԻՍԻ, ԱՐՄԵՆՊՐԵՍ: Forbes ամսագիրը հրապարակել է Ռուսաստանի 50 ամենահարուստ հայտնի մարդկանց ցուցակը, որտեղ նշված է նաեւ Comedy Club հումորային ակումբի անդամ Գարիկ Մարտիրոսյանի անունը: Առաջին եռյակում են համապատասխանաբար` թենիսիստուհի Մարիա Շառապովան, երգչուհի Ալլա Պուգաչովան եւ հոկեիստ Ալեքսանդր Օվեչկինը: 

ԵՐԵՎԱՆ, 24 ՀՈՒԼԻՍԻ, ԱՐՄԵՆՊՐԵՍ: Մեծ Բրիտանիայի ավտոմեքենայի վաճառքով զբաղվող ընկերություններից մեկի ուսումնասիրությունները ցույց են տվել, որ կանանց կեսից ավելին սեփական մեքենան լվանում է ոչ հաճախ, քան կես տարվա մեջ մեկ անգամ: Ինչպես հաղորդում է «Արմենպրես»-ը` վկայակոչելով բրիտանական լրատվամիջոցները, ուսումնասիրությունը կատարվել է հարցմանը մասնակցած 1000 վարորդի կարծիքի հիման վրա: 

ԵՐԵՎԱՆ, 24 ՀՈՒԼԻՍԻ, ԱՐՄԵՆՊՐԵՍ: Լոնդոնի Թագավորական քոլեջի գիտնականները վստահ են, որ բարեկազմ մարմին ունենալու համար անհրաժեշտ է նվազեցնել մսի օգտագործումը: Ինչպես հաղորդում է «Արմենպրես»-ը` վկայակոչելով «Բի-Բի-Սի»-ին, գիտնականներն իրենց ուսումնասիրությունները կատարել են 5 տարվա ընթացքում. ուսումնասիրվել է մոտ 4 հարյուր հազար եվրոպացի: Նրանք եկել են այն եզրահանգման, որ ուսումնասիրության ենթարկված մարդկանց գիրության պատճառը հենց մսի օգտագործումն է: Մսամթերքներից առավել «վտանգավորների» շարքին են դասվել նրբերշիկն ու խոզապուխտը: 

ԵՐԵՎԱՆ, 24 ՀՈՒԼԻՍԻ, ԱՐՄԵՆՊՐԵՍ: Վրաստանի գյուղերից մեկում կատուն շնիկ է լույս աշխարհ բերել: Ինչպես հաղորդում է «Արմենպրես»-ը` վկայակոչելով «Ինտերֆաքս»-ին, գիտնականները դեռ չեն կարողանում նման տարօրինակ երեւույթին բացատրություն տալ: Կենդանու խնամող Անզոր Կոչլամազաշվիլին հայտնել է, որ կատվի ծննդաբերությունը տեւել է մի քանի օր, արդյունքում ծնվել է սեւ-սպիտակ մի շնիկ: 

ՆՅՈՒ ԴԵԼԻ, 23 ՀՈՒԼԻՍԻ, ԱՐՄԵՆՊՐԵՍ: Հնդկաստանցի մասնագետներն ստեղծել են աշխարհում ամենաԷժան նոուտբուքը: Դրա արժեքը կազմում Է 35 դոլար: Այս մասին այսօր հաղորդել Է «Թայմս օֆ Ինդիա» թերթը: «Այս լեպտոպը մշակվել Է առաջին հերթին այն ուսանողների համար, որոնք հնարավորություն չունեն գնելու թանկարժեք նոուտբուքեր»,- հայտարարել Է մարդկային ռեսուրսների զարգացման նախարար Քափիլ Սիբալը: Նա նաեւ ընդգծել Է, որ աշխարհի առաջատար համակարգչային ընկերությունների հետ արդեն սկսվել են բանակցություններն այս Էժան համակարգչի զանգվածային արտադրության գործարկման շուրջը: 

ՎԱՏԻԿԱՆ, 23 ՀՈՒԼԻՍԻ, ԱՐՄԵՆՊՐԵՍ: Վատիկան քաղաք-պետությունն առաջին անգամ շրջանառության մեջ Է դրել սեփական հատման եվրոյի մետաղադրամներ, նախկինում այս մետաղադրամները մատչելի Էին սոսկ հավաքորդներին, հաղորդել Է Ֆրանս Պրես գործակալությունը: Վատիկանը Եվրամիության մյուս երկրների հետ մեկտեղ եվրոյի գոտի Է մտել 2002 թվականին եւ այդ ժամանակամիջոցում թողարկել Է երեք շարքի մետաղադրամներ՝ մեկ ցենտից մինչեւ երկու եվրո արժեքով: Սակայն այդ մետաղադրամները երբեք չեն եղել վճարման իրական միջոցներ՝ լինելով լոկ հավաքորդների իղձի առարկա, եւ դա շոշափելի եկամուտ Է բերել պապական պետությանը: Այսպես, վերջին շարքի մետաղադրամների արժեքը գրեթե տասնապատիկ գերազանացել Է դրանց անվանական արժեքը: 

ԲԵՌԼԻՆ, 22 ՀՈՒԼԻՍԻ, ԱՐՄԵՆՊՐԵՍ: Գերմանիայում պատգամավոր Մարկո Վանդերվիտցը հանդես Է եկել ավելորդ քաշով մարդկանց համար բժշկական ապահովագրության արժեքն ավելացնելու առաջարկությամբ: Այդ մասին այսօր հաղորդել Է գերմանական Welt թերթի վեբ-կայքը: Վանդերվիտցի կարծիքով՝ գեր մարդիկ «գիտակցաբար վարում են անառողջ ապրելակերպ եւ պետք Է դրա համար պատասխանատվություն կրեն նաեւ ֆինանսական առումով»: 

ԼՈՆԴՈՆ, 22 ՀՈՒԼԻՍԻ, ԱՐՄԵՆՊՐԵՍ: Մեծ Բրիտանիայի գլխավոր մարզական միջոցառումները տարեկան երկիր են բերում 3 մլն օտարերկրյա մարզական երկրպագուների, որոնք կազմում են Միացյալ Թագավորություն այցելող բոլոր զբոսաշրջիկների 14 տոկոսը: Ընդսմին նրանց ծախսերը գրեթե երկու անգամ գերազանցում են սովորական զբոսաշրջիկների ծախսերը եւ միջինը մեկ մարդու հաշվով կազմում մոտ 1350 դոլար: