ԵՐԵՎԱՆ, 17 ՄԱՐՏԻ, ԱՐՄԵՆՊՐԵՍ: Երեւանի 16-րդ թաղամասում գազաֆիկացում տեխնիկապես անհնար է իրականացնել: Այսօր ԱԺ-ում պատասխանելով «Ժառանգություն» խմբակցության Արմեն Մարտիրոսյանի հարցին` նշեց ՀՀ տարածքային կառավարման նախարար, փոխվարչապետ Արմեն Գեւորգյանը: Ըստ նրա, խնդիրը վերջին տարիներին այս թաղամասում իրականացված անկանոն կառուցապատումներն են, ինչի պատճառով «ՀայՌուսգազարդ»-ը եւ համապատասխան ծառայությունները հնարավոր չեն համարում տարածքը գազիֆիկացնել: 

ԵՐԵՎԱՆ, 17 ՄԱՐՏԻ, ԱՐՄԵՆՊՐԵՍ: «Գնաճի խնդիրը գտնվում է ՀՀ կառավարության ուշադրության կենտրոնում: Այս հարցի շուրջ ՀՀ նախագահի գլխավորությամբ տեղի է ունեցել խորհրդակցություն, որի արդյունքներով ձեւավորվել է աշխատանքային խումբ` ֆինանսների նախարարի գլխավորությամբ, որում քննարկվում են սոցիալապես առավել խոցելի խավերին ֆինանսական օժանդակություն ցույց տալու տարբերակները, որպեսզի գների բարձրացման բացասական հետեւանքները մեղմացնենք եւ առաջին հերթին պաշտպանենք սոցիալապես անապահով խավին»,- այսօր Հայաստանի Ազգային Ժողովում պատասխանելով պատգամավոր Վիկտոր Դալլաքյանի հարցին` նշեց Հայաստանի վարչապետ Տիգրան Սարգսյանը: 

ԲՈՒԴԱՊԵՇՏ, 17 ՄԱՐՏԻ, ԱՐՄԵՆՊՐԵՍ: Եվրամիությունը նոր «ինստիտուցիոն ձեւերի», օրինակ, Արժույթի եվրոպական հիմնադրամի (ԱԵՀ), ստեղծման սուր կարիք ունի, Բուդապեշտում լրագրողներին հայտարարել Է Հունաստանի վարչապետ Յորգոս Պապանդրեուն՝ իր հունգարացի պաշտոնակից Գորդոն Բայնաիի հետ կայացած բանակցություններից հետո: 

ՆՅՈՒ ՅՈՐՔ, 17 ՄԱՐՏԻ, ԱՐՄԵՆՊՐԵՍ: ԱՄՆ-ի «Պեպսիկո» ընկերությունը մտադիր Է մինչեւ 2012 թվականը դպրոցներում համատարած վաճառքից հանել շարքարի բարձր պարունակությամբ՝ իր ըմպելիքները: Զովացուցիչ ըմպելիքների՝ աշխարհում երկրորդ խոշորագույն արտադրողի՝ երեքշաբթի օրն այստեղ հրապարակված պլանների համաձայն, հիշյալ ժամկետներում կալորիական ըմպելիքները, որոնք հանգեցնում են երեխաների ճարպակալման, կդադարեն վաճառվել աշխարհի ավելի քան 190 երկրների դպրոցներում: 

ԼՈՆԴՈՆ, 17 ՄԱՐՏԻ, ԱՐՄԵՆՊՐԵՍ: «Ստանդարդ ընդ Փուրս» վարկանիշային գործակալությունը երեքշաբթի օրը Հունաստանին հանել Է իր վարկային մոնիտորինգի թերթից: Ինչպես հայտնի Է դարձել Լոնդոնի Սիթիում, գործակալության մասնագետները վստահ են երկրի բյուջեի պակասուրդի կրճատման եւ պարտային ճգնաժամի հաղթահարման՝ Հունաստանի կառավարության պլանների գործունակության հարցում: 

ԵՐԵՎԱՆ, 17 ՄԱՐՏԻ, ԱՐՄԵՆՊՐԵՍ: «Վերին Լարս» հսկիչ անցակետով բեռնափոխադրումներն ամբողջությամբ կվերականգնվեն միայն մարտի վերջին: Լրագրողների հետ հանդիպման ժամանակ այսօր նման հայտարարությամբ հանդես եկավ Հայաստանի արդյունաբերողների եւ գործարարների (գործատուների) միության նախագահ Արսեն Ղազարյանը` հավելելով, որ եղանակային պայմանների պատճառով դեռեւս խոշոր, կցորդով բեռնատարները երթեւեկություն չեն իրականացնում, իսկ փոքր մեքենաների երթեւեկը վերականգնված է: 

ԵՐԵՎԱՆ, 17 ՄԱՐՏԻ, ԱՐՄԵՆՊՐԵՍ: Ֆինանսատնտեսական ճգնաժամի հետեւանքով ՀՀ-ում կոնյակի արտադրությունը անցած տարի 2008 թվականի համեմատությամբ նվազել է 38 տոկոսով` հասնելով 1936 թվականի արտադրության մակադակին: Այս մասին լրագրողների հետ հանդիպման ժամանակ նշեց Հայաստանի գինեգործների միության նախագահ Ավագ Հարությունյանը` տեղեկացնելով, որ փոխարենը գինու արտադրության ծավալները 2008-ի համեմատությամբ ավելացել են 31 տոկոսով, օղունը` 8, գարեջրինը` 2,5-3 տոկոսով: 

ԵՐԵՎԱՆ, 17 ՄԱՐՏԻ, ԱՐՄԵՆՊՐԵՍ: ՀՀ փոխվարչապետ, տարածքային կառավարման նախարար Արմեն Գեւորգյանն այսօր ընդունել է Ճապոնական միջազգային համագործակցության գործակալության (JICA) պատվիրակությանը: Ինչպես «Արմենպրես»-ին տեղեկացրին նախարարության հասարակայնության հետ կապերի բաժնից, հանդիպմանը ներկա է եղել նաեւ ՏԿՆ Ջրային տնտեսության պետական կոմիտեի նախագահ Անդրանիկ Անդրեասյանը: 

ԵՐԵՎԱՆ, 17 ՄԱՐՏԻ, ԱՐՄԵՆՊՐԵՍ: «ՆԱՍԴԱՔ ՕԷՄԷՔՍ ԱՐՄԵՆԻԱ» ԲԲԸ-ում այսօր կայացել է 7925000 ԱՄՆ դոլարի առք եւ վաճառք՝ 402.84 դրամ մեկ ԱՄՆ դոլարի դիմաց միջին կշռված փոխարժեքով: Ինչպես «Արմենպրես»-ին տեղեկացրին Հայաստանի Հանրապետության կենտրոնական բանկից, փակման գինը կազմել է 402.75 դրամ: 

ԵՐԵՎԱՆ, 17 ՄԱՐՏԻ, ԱՐՄԵՆՊՐԵՍ: Ապրիլի 30-ից մայիսի 3-ը ՀՀ արդյունաբերողների եւ գործարարների (գործատուների) միության եւ «ՄԱՍՏԵՐ» կենտրոնի նախաձեռնությամբ Թբիլիսիում տեղի կունենա «Կամուրջ» միջազգային տնտեսական համաժողով: Վերջինիս կարգախոսն է լինելու «Միասնական ուժերով ճգնաժամի հաղթահարման ուղիների փնտրտուք»-ը: Ինչպես լրագրողների հետ հանդիպման ժամանակ այսօր նշեց միության նախագահ Արսեն Ղազարյանը, ներկայումս կազմակերպչական աշխատանքներ են տարվում Վրաստանի գործատուների միության, բանկերի ասոցիացիայի հետ: 

ԵՐԵՎԱՆ, 17 ՄԱՐՏԻ, ԱՐՄԵՆՊՐԵՍ: Ծաղկաձորում փետրվարի 19-22-ին անցկացված «Կամուրջ» միջազգային տնտեսական 7-րդ համաժողովն անցել է կառուցողական մթնոլորտում: Լրագրողների հետ հանդիպման ժամանակ այսօր նման գնահատականով հանդես եկավ Հայաստանի արդյունաբերողների եւ գործարարների (գործատուների) միության նախագահ Արսեն Ղազարյանը: Նրա տեղեկացմամբ, 3 օրվա ընթացքում 19 խումբ է աշխատել, անցկացվել են կլոր սեղաններ տնտեսության բոլոր ճյուղերի վերաբերյալ: Քննարկումները կապված են եղել ներդրումների, գյուղատնտեսական ոլորտի, շինարարության եւ բանկերի հետ: 

ՊԵԿԻՆ, 17 ՄԱՐՏԻ, ԱՐՄԵՆՊՐԵՍ: Այս տարի Չինաստանի Էկոնոմիկայի աճը կկազմի 9,5 տոկոս: Այդ մասին այսօր հաղորդել Է «Սինհուա» գործակալությունը՝ վկայակոչելով Համաշխարհային բանկի զեկույցը: ՀԲ-ի մասնագետների կարծիքով՝ ՉԺՀ-ում տնտեսական գործունեության զարգացման գլխավոր խթաններ կդառնան ֆինանսական ճգնաժամից հետո արտահանության վերածնունդը եւ կայուն սպառումը ներքին շուկայում: 

ԺՆԵՎ, 17 ՄԱՐՏԻ, ԱՐՄԵՆՊՐԵՍ: Գրեթե 700 հազար մարդ Է այցելել Ժնեւի 80-րդ հոբելյանական ավտոսալոն, որը լայն հասարակության համար բացվել Էր մարտի 4-ից մինչեւ 14-ը: Ընդ որում նրանց 40 տոկոսը Ժնեւ Էր եկել արտերկրից: Ինչպես նշում են հեղինակավոր համաշխարհային ավտոմոբիլային ստուգատեսներից մեկի կազմակերպիչները, որոնք երեքշաբթի նախնական տվյալներ են տարածել հաճախելիության մասին, «չափազանց ծանր 2009 թվականից հետո ավտոարտադրողները դրսեւորեցին ապշեցուցիչ ընդունակություն՝ ներկայացնելով հարյուրից ավելի համաշխարհային ու եվրոպական պրեմիերաներ»: Ընդամենն իրենց վերջին մշակումները Ժնեւ Էին բերել աշխարհի 30 երկրի 250 ընկերություններ: 

ԵՐԵՎԱՆ, 17 ՄԱՐՏԻ, ԱՐՄԵՆՊՐԵՍ: «ՀայՌուսգազարդ» ՓԲԸ-ն մարտի 16-ին ամբողջությամբ վաղաժամկետ մարել է Հայաստանի Հանրապետության կառավարության կողմից տրամադրված 40.000.000 ԱՄՆ դոլարի վարկը` վճարելով 1.034.840 ԱՄՆ դոլար տոկոսագումար: Ինչպես «Արմենպրես»-ին տեղեկացրին «ՀայՌուսգազարդ»-ի մամուլի ծառայությունից, վարկը տրամադրվել էր ՀՀ ֆինանսների նախարարության եւ «ՀայՌուսգազարդ» ՓԲԸ միջեւ 2009թ. նոյեմբերի 2-ին կնքված վարկային պայմանագրի համաձայն` 6 ամիս մարման ժամկետով: 

ՎԱՇԻՆԳՏՈՆ, 17 ՄԱՐՏԻ, ԱՐՄԵՆՊՐԵՍ: ԱՄՆ-ի Համերկրային պահուստային համակարգը որոշում Է ընդունել բազային տոկոսադրույքը պահպանել տարեկան 0-0,25 տոկոսի ընգրկույթում: Այդ մասին ասված Է ՀՀՊ-ի հաղորդագրության մեջ, որը տարածվել Է բաց շուկայում գործառնությունների գծով կոմիտեի՝ երեքշաբթի ավարտված նիստի արդյունքների վերաբերյալ: Այդ որոշումը կանխատեսվում Էր վերլուծաբանների մեծ մասի կողմից: Կարգավորիչը հավասիացրել Է, որ այդ ցուցանիշն անփոփոխ կմնա երկար ժամանակ: 

ԲՐԵՍՏ, 17 ՄԱՐՏԻ, ԱՐՄԵՆՊՐԵՍ: ՌԴ-ի վարչապետ Վլադիմիր Պուտինն առաջխաղացում Է ակնկալում Ռուսաստանի եւ Բելառուսի միասնական արժույթ սահմանելու հարցում: Այդ մասին նա հայտարարել Է ՌԴ-ի եւ Բելառուսի Նախարարների խորհրդի՝ երեքշաբթի կայացած նիստի արդյունքներին նվիրված մամուլի ասուլիսին: «Եվս մեկ թեմա, որի մասին մենք երկար ենք խոսում եւ հուսով եմ՝ առաջ կշարժվենք, միասնական արժույթի անցնելն Է»,-ասել Է Պուտինը: 

ԵՐԵՎԱՆ, 17 ՄԱՐՏԻ, ԱՐՄԵՆՊՐԵՍ: Արհմիությունների կոնֆեդերացիան մտահոգված է հանրապետությունում լայն սպառման ապրանքատեսակների եւ ծառայությունների շարունակական գնաճով: Ինչպես այսօր լրագրողների հետ հանդիպման ժամանակ նշեց կոնֆեդերացիայի փոխնախագահ Բորիս Խառատյանը, գնաճի հետեւանքով կիջնի բնակչության կենսամակարդակը, կավելանա սոցիալապես անապահով ընտանիքների թիվը: «Տնտեսական ճգնաժամի պարագայում, իհարկե, գնաճը հնարավոր չէ կանգնեցնել, սակայն կարելի է կանխարգերիչ միջոցառումներ ձեռնարկել, որպեսզի ազդեցությունը մեղմ լինի»,-ասաց Բ. Խառատյանը: 

ԵՐԵՎԱՆ, 17 ՄԱՐՏԻ, ԱՐՄԵՆՊՐԵՍ: Այսօր կայացել է AMGN60147141 թողարկման պարտատոմսերի հետգնման աճուրդ, որին մասնակցել է 6 գործակալ: Ինչպես «Արմենպրես»-ին հայտնեցին Հայաստանի Հանրապետության կենտրոնական բանկից, ներկայացված առաջարկությունների ընդհանուր ծավալը կազմել է 4 123 567 000 դրամ, բավարարված առաջարկությունների ընդհանուր ծավալը` 1 000 000 000: Հետգնված պարտատոմսերի սահմանային տարեկան եկամտաբերությունը 13.1500% է: Այսօր կայացել է նաեւ պետական (գանձապետական) կարճաժամկետ AMGT52163118 թողարկման պարտատոմսերի առաջնային տեղաբաշխման 

ՎԻԵՆՆԱ, 17 ՄԱՐՏԻ, ԱՐՄԵՆՊՐԵՍ: ՕՊԷՔ-ի նավթային «զամբյուղի» գինը մարտի 16-ին աճել Է բառելի դիմաց մինչեւ 76,6 դոլար: Այդ մասին, ինչպես հաղորդում Է «Արմենպրես»-ը, ասված Է կազմակերպության՝ այսօր տարածած տեղեկատվության մեջ: Երեքշաբթի օրվա դրությամբ ՕՊԷՔ-ի բառել նավթի գինը աճել Է 0,38 դոլարով եւ կազմել 76,62 դոլար՝ աճուրդների նախորդ օրվա 76,24 դոլարի դիմաց: «Զամբյուղի» գնի ռեկորդը սահմանվել Է 2008 թվականի հուլիսի 3-ին, երբ ձեռք բերվեց 140,73 դոլարի մակարդակը: 2009 թվականի արդյունքներով՝ ՕՊԷՔ-ի նավթի միջին գինը բառելի դիմաց կազմել Է 61,06 դոլար: 

ԻՋԵՎԱՆ, 17 ՄԱՐՏԻ, ԱՐՄԵՆՊՐԵՍ: Տավուշի մարզի Չինարի գյուղում մարտի 16-ին նվիրատվություն են կատարել Հայաստանի Ամերիկյան համալսարանի Թրփանճյան հիմնադրամի գյուղական համայնքների զարգացման ծրագրի (ԳՀԶԾ) շահառուները: Բարեգործությունը գլխավորապես ուղղված էր համայնքի երեխաների բարեկեցությանը. այդ պատճառով աջակցություն է տրամադրվել հենց երեխաներին: Մասնավորապես` Չինարիի մանկապարտեզին նվիրաբերվել են գրենական պիտույքներ, խաղալիքներ, կենցաղային իրեր, հիգիենայի պարագաներ, դպրոցին` վարագույրներ, սփռոցներ, գրասեղան, աթոռներ: Իսկ ամբուլատորիայում Չինարիի 10 հղի կանանց շահառուները հանձնել են փաթեթներ` մանկական պարագաներով: