ԵՐԵՎԱՆ, 20 ՄԱՐՏԻ, ԱՐՄԵՆՊՐԵՍ: Էստոնիայի նախագահ Թոմաս Հենդրիկ Իլվեսը պատրաստվում է այցելել Մոսկվա` մասնակցելու Հայրենական պատերազմի հաղթանակի 65-րդ տարեդարձի հադիսություններին: Ինչպես հաղորդում է «Արմենպրես»-ը` վկայակոչելով «ԻՏԱՌ-ՏԱՍՍ»-ը, նախագահը այս մասին հայտնել է Վաշինգտոնում: Սակայն նա չի պատասխանել այն հարցին, թե ինչ է պատրաստվում անել էստոնական կառավարությունը երկրում վետերանների վիճակը բարելավելու համար: 

ԵՐԵՎԱՆ, 20 ՄԱՐՏԻ, ԱՐՄԵՆՊՐԵՍ: Իսրայելը եւ Պաղեստինի ազգային վարչակազմը (ՊԱՎ) համաձայնության են եկել անուղղակի բանակցությունների շուրջ, որոնք կսկսվեն առաջիկայում: Ինչպես հաղորդում է «Արմենպրես»-ը` վկայակոչելով «Ալ Ջազիրա» հեռուստաընկերությանը, ՄԱԿ-ի գլխավոր քարտուղար Պան Գի Մունը, այսօր Իսրայելից ժամանելով Ռամալու, որտեղ նա բանակցություն է վարել Պաղեստինի վարչապետ Սալյամ Ֆայադի հետ, եվրոպական ռազմական բնակավայրերի կառուցումը անվանել է անօրինական` նշելով, որ դրանք վնասում են խաղաղությանն ուղղված ջանքերին: 

ԵՐԵՎԱՆ, 20 ՄԱՐՏԻ, ԱՐՄԵՆՊՐԵՍ: Այսօր 4 մարդ անօրինական փորձ է արել հատել Հարավային Օսիայի եւ Վրաստանի պետական սահմանը: Ինչպես հաղորդում է «Արմենպրես»-ը` վկայակոչելով «ՌԻԱ- նովոստի»-ին, սահմանը հատելու անօրինական առաջին փորձն իրականացվել է վաղ առավոտյան: Ռուսաստանի դաշնային անվտանգության ծառայության աշխատակիցները Հարավային Օսիայում ձերբակալել են տեղի 2 քաղաքացիների, որոնք փորձել են անօրինական ճանապարհով անցնել Վրաստան: 

ԵՐԵՎԱՆ, 20 ՄԱՐՏԻ, ԱՐՄԵՆՊՐԵՍ: Ուկրաինայի նախագահ Վիկտոր Յանուկովիչը նախատեսում է ապրիլին այցելել ԱՄՆ: Ինչպես հաղորդում է «Արմենպրես»-ը, այս մասին «Ինտեր» հեռուստաալիքի եթերում հայտարարել է Ուկրաինայի արտաքին գործերի նախարար Կոնստանտին Գրիշչենկոն: 

ԵՐԵՎԱՆ, 20 ՄԱՐՏԻ, ԱՐՄԵՆՊՐԵՍ: Մի թոշակառու ամերիկացի փորձել է կոտրել Ֆիլիպինների ավիաուղիների ինքնաթիռի պատուհանը` գտնվելով խուճապահար վիճակում եւ ցանկանալով դուրս պրծնել ինքնաթիռից: Ֆիլիպինների օդանավակայանի ոստիկանությունը նշել է, որ 80-ամյա ուղեւորին հաջողվել է հանգստացնել: 

ԵՐԵՎԱՆ, 20 ՄԱՐՏԻ, ԱՐՄԵՆՊՐԵՍ: ԱՄՆ-ի Տեխաս նահանգի մորմոն աղանդի ներկայացուցիչ 35-ամյա Մերիլ Լերոու Ջեսոպը 75 տարով ազատազրկվել է անչափահաս աղջկա նկատմամբ սեռական բռնության եւ երկկնության մեղադրանքով: Ինչպես հաղորդում է «Արմենպրես»-ը, վկայակոչելով «Associated Press»-ին, մեղադրող կողմի պնդմամբ` դատապարտյալը փորձել է ոչնչացնել լուսանկարներ եւ այլ փաստաթղթեր, որոնք վկայում են իր անչափահաս կնոջ հետ ունեցած սեռական կապի մասին: Մ. Լերոու Ջեսոպը դարձել է Հիսուս Քրիստոսի վերջին օրերի սրբերի եկեղեցու հետեւորդներից 4-րդը, որի դեմ առաջ է քաշվել նման մեղադրանք: 

ԵՐԵՎԱՆ, 20 ՄԱՐՏԻ, ԱՐՄԵՆՊՐԵՍ: Բրիտանական խոշոր «British Airways» ավիաընկերության աշխատողները գործադուլ են հայտարարել: Ինչպես հաղորդում է «Արմենպրես»-ը` վկայակոչելով «Վեստի»-ին, այսօր աշխատանքի դուրս չեն եկել շուրջ 12 հազար աշխատակիցներ: Նրանց եւ ավիաընկերության ղեկավարության միջեւ տարաձայնությունը շարունակվում է երկար ժամանակ: 

ԵՐԵՎԱՆ, 20 ՄԱՐՏԻ, ԱՐՄԵՆՊՐԵՍ: Փոթորիկի հետեւանքով Չինաստանի մայրաքաղաքը պատվել է դեղին ավազով: Ինչպես հաղորդում է «Արմենպրես»-ը` վկայակոչելով «ԻՏԱՌ-ՏԱՍՍ»-ին, Պեկինը պատած դեղին ավազի միջով չեն ներթափանցում արեւի ճառագայթները: Օդերեւութաբանները հաղորդում են, որ օդի աղտոտվածության մակարդակը հասնում է 5 բալի, որն արձանագրվում է շատ հազվադեպ: Մայրաքաղաքի հյուսիսային հատվածում քամու արագությունը ժամում հասնում է 100 կմ-ի: 

ԿԱՎԱՍԱԿԻ (ՃԱՊՈՆԻԱ), 19 ՄԱՐՏԻ, ԱՐՄԵՆՊՐԵՍ: Էլեկտրամոբիլներն առայժմ չեն կարողանում մրցակցել բենզինով աշխատող մեքենաների հետ, սակայն Ճապոնիայում համոզված են, որ ապագան, այնուամենայնիվ, դրանցն է: Գլխավորը էլեկտրական շարժիչներ ունեցող մեքենաներն արագ ու երկար ժամանակով լիցքավորելու եղանակ գտնելն է, եւ այդ խնդրի վրա այժմ ճապոնացի ավտոարտադրողները տքնում են Տոկիոյի TEPCO էլեկտրաէներգետիկական ընկերության հետ համատեղ: 

ՄՈՍԿՎԱ, 19 ՄԱՐՏԻ, ԱՐՄԵՆՊՐԵՍ: Իռլանդիայի կաթոլիկ եկեղեցում նոր սկանդալ Է բորբոքվում: Մանկապիղծ քահանայի զոհին 12 հազար ֆունտ ստեռլինգ են վճարել լռության համար: Աղջնակին, որի անունը չի հայտնվում, քահանան տասը տարի բռնաբարել Է, իսկ նա այնքան ահաբեկված Է եղել, որ լռել Է այնքան ժամանակ, մինչեւ լրացել Է նրա 18 տարին: 

ՄՈՍԿՎԱ, 19 ՄԱՐՏԻ, ԱՐՄԵՆՊՐԵՍ: Իսրայելցիներին ու պաղեստինցիներին 24 օր են տվել բանակցությունները վերսկսելու համար: Այդ մասին, ինչպես հաղորդում Է «Արմենպրես»-ը, ասված Է մերձավորարեւելյան «քառյակի» նախարարական նիստի ամփոփիչ հայտարարության մեջ, որն ընթերցել Է ՄԱԿ-ի գլխավոր քարտուղար Պան Գի Մունը: «Բանակցությունները պետք Է հարգվեն: Դա կարեւոր քայլ Է առանց նախապայմանների բանակցությունների վերսկսման ճանապարհին»,-նշվում Է փաստաթղթում: 

ԲՐՅՈՒՍԵԼ, 19 ՄԱՐՏԻ, ԱՐՄԵՆՊՐԵՍ: Եվրախորհրդի մշտական նախագահ (Եվրամիության 27 երկրների ղեկավարների լիազոր կոլեգիա) Հերման վան Ռոմպեյը եւ Եվրահանձնաժողովի նախագահ Ժոզե Մանուել Բառոզուն համաձայնության են հասել միջազգային գագաթնաժողովներում Եվրամիության նեկայացուցչության օպտիմալացման շուրջը: Այդ մասին, ինչպես հաղորդում Է «Արմենպրես»-ը, հայտնել Է Եվրամիության գործադիր իշխանության ներկայացուցիչ Պիա Առնեքիլդե Հանսենը: 

ԼՈՆԴՈՆ, 19 ՄԱՐՏԻ, ԱՐՄԵՆՊՐԵՍ: Նիգերիան իր դեսպանին Լիբիայից հետ Է կանչել երկիրը երկու անկախ պետությունների բաժանելու՝ լիբիական հեղափոխության ղեկավար Մուամար Քադաֆիի առաջարկությունից հետո: Ինչպես հաղորդել Է Մեծ Բրիտանիայի Բի բի սի հեռուստառադիոհաղորդումների կորպորացիան, Նիգերիայի արտաքին գործերի նախարարությունը Քադաֆիի խոսքը գնահատել Է որպես «անպատասխանատու»: Քադաֆին այս շաբաթ առաջարկել Էր Նիգերիան բաժանել երկու անկախ պետությունների՝ մահմեդական եւ քրիստոնեական՝ կանխելու համար երկրի կենտրոնական մասում ցանկացած նոր արյունահեղություն հակամարտող խմբերի միջեւ: 

ՔԱԲՈՒԼ, 18 ՄԱՐՏԻ, ԱՐՄԵՆՊՐԵՍ: Լույս հինգշաբթի օրվա գիշերը զորային գործողություն Է սկսվել Աֆղանաստանի Ղանդահարի հարավային նահանգում, որին մասնակցում են մի քանի հազար աֆղան եւ օտարերկրացի զինծառայողներ: Այդ մասին ՌԻԱ «Նովոստի»-ին հաղորդել Է Իսլամական Հանրապետության պաշտպանության նախարարության մի աղբյուր: Գործակալության զրուցակցի խոսքով, սա արդեն երկրորդ խոշոր զորային գործողությունն Է, որն այս տարվա սկբզից ի վեր ՆԱՏՕ-ի զորակազմը ձեռնարկում Է երկրի հարավում: 

ԿԻԵՎ, 18 ՄԱՐՏԻ, ԱՐՄԵՆՊՐԵՍ: Ուկրաինայի նախագահ Վիկտոր Յանուկովիչն առաջարկում Է մայիսի 9-ին Հայրենական մեծ պատերազմում տարած հաղթանակի 65-րդ տարեդարձի առթիվ Սեւաստոպոլում անցկացնել Ուկրանիայի ռազմածովային ուժերի եւ Ռուսաստանի Դաշնության Սեւծովյան նավատորմի համատեղ զորահանդես: 

ԼՈՆԴՈՆ, 18 ՄԱՐՏԻ, ԱՐՄԵՆՊՐԵՍ: Այսօր Եվրամիությունում եւ աշխարհի շուկաներում իսկական փոթորիկ Է առաջացրել Գերմանիայի կանցլեր Անգելա Մերկելի հայտարարությունն այն մասին, թե անհրաժեշտ Է ընդունել Եվրամիության նոր օրենք, որը թույլ կտա եվրոգոտուց բացառել այն երկրները, որոնք չեն կարողանում կատարել Մաաստրիխտի համաձայնագրերով ստանձնած իրենց ֆինանսատնտեսական պարտավորությունները: Ինչպես այսօր նշել Է բրիտանական Բի Բի Սի ռադիոկայանը, կանցլերի հայտարարությունը երկյուղներ Է ծնել, որ Եվրամիությունը կարող Է կրկնել նախկին ԽՍՀՄ-ի ճակատագիրը եւ արդեն տեսանելի ապագայում փլուզվել անդամ երկրների միջեւ տնտեսական հակասությունների բեռան տակ: 

ՄԱԿ, 18 ՄԱՐՏԻ, ԱՐՄԵՆՊՐԵՍ: Աֆղանստանում հերոինի համար գլխավոր հումք հանդիսացող ափիոնի կակաչի արտադրության մասշտաբները 2010 թվականին չեն կրճատվի, քանի որ շատ գյուղացիներ օրինական գյուղատնտեսական մշակաբույսերի գների անկման պատճառով ամենայն հավանականությամբ կվերադառնան դրա աճեցմանը: Այդ մասին, ինչպես հաղորդում Է «Արմենպրես»-ը, ասված Է Անվտանգության խորհրդին ՄԱԿ-ի գլխավոր քարտուղար Պան Գի Մունի զեկույցում: 

ՊԵԿԻՆ, 18 ՄԱՐՏԻ, ԱՐՄԵՆՊՐԵՍ: Չինաստանի երկու բնակիչներ աշխարհի տասն ամենաերիտասարդ միլիարդատերերի թվում են: Այդ մասին այսօր հաղորդել Է «Սինհուա» գործակալությունը՝ վկայակոչելով Forbes հանդեսի հրապարակած վարկանիշը: 

ՆՅՈՒ ՅՈՐՔ, 18 ՄԱՐՏԻ, ԱՐՄԵՆՊՐԵՍ: Իսրայելը մնում Է Միացյալ Նահանգների «մերձավորագույն դաշնակիցը»: Չորեքշաբթի երեկոյան «Ֆոքս» հեռուստաընկերությունում կայացած հարզացրույցի ընթացքում այս մասին հայտարարել Է ԱՄՆ-ի նախագահ Բարաք Օբաման: Սակայն «երբեմն բարեկամները կարող են տարաձայնություններ ունենալ», հավելել Է նա: Սպիտակ տան ղեկավարը խոստովանել Է, որ Իսրայելի ներքին գործերի նախարարի ձեռնարկած գործողություններն «օգուտ չեն բերել» պաղեստինցիների եւ իսրայելացիների միջեւ բանակցությունների վերսկսման գործին: Խոսքը վերաբերում Է այն հայտարարությանը, որտեղ ասվել Է Արեւելյան Երուսաղեմում լրացուցիչ 1,6 հազար միավոր բնակարան կառուցելու Իսրայելի ղեկավարության մտադրության մասին: 

ՄԱԿ, 18 ՄԱՐՏԻ, ԱՐՄԵՆՊՐԵՍ: Թալիբների վարչակարգի անկման պահից ի վեր անցյալ տարին Աֆղանստանում ողբերգական ռեկորդ Է սահմանել քաղաքացիական բնակչության շրջանում զոհերի քանակով, ընդ որում զոհված խաղաղ բնակիչների ավելի bան մեկ քառորդն սպանվել Է ԱՄՆ-ի եւ ՆԱՏՕ-ի գլխավորած միջազգային ուժերի գործողությունների հետեւանքով: Այդ մասին, ինչպես հաղորդում Է «Արմենպրես»-ը, ասված Է Անվտանգության խորհրդի համար ՄԱԿ-ի գլխավոր քարտուղար Պան Գի Մունի զեկույցի մեջ: