 |
|
 |
Պաշտոնական
Քաղաքական
Տնտեսական
Հասարակական
Մարզային
Տարածաշրջանային
Միջազգային
Մշակութային
Մարզական
Խճանկար
Հարցազրույցներ
Կարծիքներ
Փաստ մեկնաբանությամբ
Ֆոտո նորություններ
Հարցում
Քաղաքական
2010-02-08
Հայաստանում գտնվող ուկրաինացիների մեծամասնությունը քվեարկել է հօգուտ Վ. Յանուկովիչի
ԵՐԵՎԱՆ, 8 ՓԵՏՐՎԱՐԻ, ԱՐՄԵՆՊՐԵՍ: Հայաստանում Ուկրաինայի դեսպանատանը բացված ընտրական տեղամասում Ուկրաինայի նախագահական ընտրություններին մասնակցել է այդ երկրի 207 քաղաքացի: Ինչպես «Արմենպրես»-ին տեղեկացրեցին դեսպանատան մամլո ծառայությունից, նրանցից 140-ը քվեարկել է Վիկտոր Յանուկովիչի, 60-ը` Յուլյա Տիմոշենկոյի օգտին: Մնացած 7 քվեաթերթիկները ճանաչվել են անվավեր:
Նյութը դիտվել է 458 անգամ
2010-09-02 Սիրիայում ՀՀ դեսպանը հանդիպել է Ժողովրդական Ժողովի նախագահ Մ.Աբրաշի հետ
ԵՐԵՎԱՆ, 2 ՍԵՊՏԵՄԲԵՐԻ, ԱՐՄԵՆՊՐԵՍ: Սիրիայում ՀՀ դեսպան Արշակ Փոլադյանն այսօր հանդիպում է ունեցել Սիրիայի Ժողովրդական Ժողովի նախագահ Մահմուդ Աբրաշի հետ: Ինչպես «Արմենպրես»-ին տեղեկացրին ՀՀ ԱԳՆ մամուլի, տեղեկատվության եւ հասարակայնության հետ կապերի վարչությունից, հանդիպման ընթացքում Հայաստանի դեսպանը Մահմուդ Աբրաշին է փոխանցել ՀՀ ԱԺ նախագահ Հովիկ Աբրահամյանի նամակը: 
2010-09-02 ԵԱՀԿ Մինսկի խմբի համանախագահները ԼՂ հակամարտության տարածաշրջան կայցելեն սեպտեմբերի 9-ին
ԵՐԵՎԱՆ, 2 ՍԵՊՏԵՄԲԵՐԻ, ԱՐՄԵՆՊՐԵՍ: Ըստ նախնական պայմանավորվածության` ԵԱՀԿ Մինսկի խմբի համանախագահները Լեռնային Ղարաբաղի հակամարտության տարածաշրջանային այցի շրջանակներում Երեւանում կլինեն սեպտեմբերի 9-ին: Համանախագահները սեպտեմբերի 7-ին կլինեն Բաքվում: Նրանք ծրագրում են այցելել նաեւ Լեռնային Ղարաբաղ:
2010-09-02 ԵԱՀԿ-ի Մինսկի խմբի համանախագահները կայցելեն Բաքու
ԲԱՔՈՒ, 2 ՍԵՊՏԵՄԲԵՐԻ, ԱՐՄԵՆՊՐԵՍ: ԵԱՀԿ-ի Մինսկի խմբի համանախագահները սեպտեմբերի 7-ին կայցելեն Բաքու: Այդ մասին այսօր հեռախոսով «Թրենդ»-ին ասել Է Ֆրանսիայից համանախագահ Բեռնար Ֆասիեն: Նա նշել Է, որ դա տարածաշրջանային այց Է: Ֆասիեի խոսքով՝ Բաքվից համանախագահները սեպտեմբերի 8-ին կուղեւորվեն Լեռնային Ղարաբաղ եւ սեպտեմբերի 9-ին՝ Երեւան:
2010-09-02 Լ. Մելիք - Շահնազարյան. «Ադրբեջանի կողմից ՄԱԿ-ում ներկայացված բանաձեւի կապակցությամբ որեւէ մտավախություն ունենալ պետք չէ»
ԵՐԵՎԱՆ, 2 ՍԵՊՏԵՄԲԵՐԻ, ԱՐՄԵՆՊՐԵՍ: Ադրբեջանի կողմից ՄԱԿ-ում ներկայացված բանաձեւը մտահոգիչ է, սակայն այդ կապակցությամբ որեւէ մտավախություն ունենալ պետք չէ, քանի որ այն պարտավորեցնող ուժ չունի: Այս մասին այսօր լրագրողների հետ հանդիպման ժամանակ ասաց քաղաքագետ Լեւոն Մելիք-Շահնազարյանը` ավելացնելով, որ չնայած այն չունի պարտավորեցնող ուժ, փոխարենը ունի բարոյական նշանակություն:
2010-09-02 Բ. Օզքան. «Արցախում պատերազմի հավանակությունը շատ փոքր է»
ԵՐԵՎԱՆ, 2 ՍԵՊՏԵՄԲԵՐԻ, ԱՐՄԵՆՊՐԵՍ: Թուրքիայի արտաքին քաղաքականության հիմնական գաղափարն այսօր «զրո խնդիր» հարեւանների հետ քաղաքական գիծն է: Այսօր լրագրողների հետ հանդիպման ժամանակ նման կարծիք հայտնեց Ստամբուլի Բողազիչի համալսարանի արտաքին քաղաքականության դասախոս, քաղաքագետ Բեհլուլ Օզքանը`ավելացնելով, որ Թուրքիան լուծել է իր հիմնական խնդիրները Հունաստանի, Սիրիայի, Իրանի հետ, եւ միակ բացառությունը Հայաստանն է, որի հետ հարաբերությունները կարգավորելու ուղղությամբ տարվում են աշխատաքներ:
2010-09-01 Է.Նալբանդյան. «Հնարավոր քայլերն արվում են, որ ԼՂ հիմնախնդիրը բանակցությունների միջոցով կարգավորվի, խաղաղ լուծում ստանա»
ԵՐԵՎԱՆ, 1 ՍԵՊՏԵՄԲԵՐԻ, ԱՐՄԵՆՊՐԵՍ: Գիտելիքի օրվա առիթով այսօր ՀՀ արտաքին գործերի նախարար Էդվարդ Նալբանդյանն այցելել է Երեւանի պետական համալսարան, ուր ելույթ է ունեցել միջազգային հարաբերությունների ֆակուլտետի պրոֆեսորադասախոսական կազմի եւ ուսանողների առջեւ: Ինչպես «Արմենպրես»-ին տեղեկացրին Հայաստանի Հանրապետության ԱԳՆ մամուլի, տեղեկատվության եւ հասարակայնության հետ կապերի վարչությունից, նախարարը շնորհավորել է ուսումնական տարվա մեկնարկի, իսկ առաջին կուրսի ուսանողներին` մայր բուհի ամենահեղինակավոր ֆակուլտետներից մեկն ընդունվելու կապակցությամբ, մաղթել գիտելիքներով եւ հաջողություններով լի ուսումնական տարի:
2010-09-01 Հերթական դիվերսիոն գործողությամբ պաշտոնական Բաքուն տրամադրված է պահպանել տարածաշրջանային լարվածությունը
ՍՏԵՓԱՆԱԿԵՐՏ, 1 ՍԵՊՏԵՄԲԵՐԻ, ԱՐՄԵՆՊՐԵՍ: «Օգոստոսի 31-ի ժամը 06.30-ի սահմանում ղարաբաղաադրբեջանական զորքերի շփման գոտու հյուսիսարեւելյան ուղղությամբ (Վերին Չայլու գյուղի շրջանում) արձանագրված միջադեպը հերթական անգամ փաստում է, որ պաշտոնական Բաքուն տրամադրված է տարածաշրջանային լարվածությունը պահպանել ոչ միայն պարբերաբար հնչեցվող ռազմատենչ հայտարարություններով ու կոչերով, այլեւ առաջնային գծի տարբեր հատվածներում հաճախակի իրականացվող դիվերսիոն գործողություններով»,-ասված է ԼՂՀ պաշտպանության բանակի մամլո ծառայությունից «Արմենպրես»-ին տրամադրված հաղորդագրության մեջ: Դրանում հատկանշական է համարվում նաեւ, որ իր իսկ նախաձեռնած յուրաքանչյուր նման սադրիչ քայլ ադրբեջանական կողմը շտապում է վերագրել ղարաբաղյան ուժերին:
2010-09-01 Ա.Դավութօղլու. «Թուրք-հայկական եւ հայ-ադրբեջանական սահմանների բացումը կարեւոր է տարածաշրջանի համար»
ԿԱՐՍ, 1 ՍԵՊՏԵՄԲԵՐԻ, ԱՐՄԵՆՊՐԵՍ: Իգդիր եւ Աղրը այցելելու համար Կարսի օդանավակայնում վայրէջք կատարած Թուրքիայի արտաքին գործերի նախարար Ահմեդ Դավութօղլուն կարեւորել է թուրք-հայկական եւ հայ-ադրբեջանական սահմանների բացումը: Ինչպես հաղորդում է «Արմենպրես»-ը, այդ մասին տեղեկացնում է Անատոլու գործակալությունը:
2010-09-01 Ըստ Ռ.Կիրակոսյանի` Ադրբեջանի քայլերը հանդիպում են ԵԱՀԿ Մինսկի խմբի համանախագահող երկրների աճող հիասթափությանը
ԵՐԵՎԱՆ, 1 ՍԵՊՏԵՄԲԵՐԻ, ԱՐՄԵՆՊՐԵՍ: Ադրբեջանի ձգտումները` Լեռնային Ղարաբաղի խնդրի կարգավորումը դուրս բերել ԵԱՀԿ Մինսկի խմբի համանախագահության ձեւաչափից, հանդիպում է համանախագահող երկրների աճող հիասթափությանը եւ բարկությանն Ադրբեջանի հանդեպ: Այսօր «Արմենպրես»-ի հետ զրույցում նման կարծիք հայտնեց Ռազմավարական եւ ազգային հետազոտությունների հայկական կենտրոնի տնօրեն, քաղաքագետ Ռիչարդ Կիրակոսյանը` շեշտելով, որ այդ քայլերն առաջացնում են բացասական ռեակցիաներ համանախագահողների շրջանում:
2010-09-01 ԼՂՀ նախագահը եւ Ա. Կասպշիկը քննարկել են Արցախի եւ Ադրբեջանի շփման գծում տիրող իրավիճակին վերաբերող հարցեր
ՍՏԵՓԱՆԱԿԵՐՏ, 1 ՍԵՊՏԵՄԲԵՐԻ, ԱՐՄԵՆՊՐԵՍ: Լեռնային Ղարաբաղի Հանրապետության նախագահ Բակո Սահակյանն օգոստոսի 31-ին ընդունել է ԵԱՀԿ գործող նախագահի անձնական ներկայացուցիչ, դեսպան Անջեյ Կասպշիկին: Ինչպես «Արմենպրես»-ին տեղեկացրին ԼՂՀ նախագահի աշխատակազմի տեղեկատվության գլխավոր վարչությունից, հանդիպմանը քննարկվել են Արցախի եւ Ադրբեջանի զինված ուժերի շփման գծում տիրող իրավիճակին վերաբերող հարցեր:
2010-08-31 Ա.Մարգարով. «Իշխանությունը պատրաստ է իրականացնել այն նպատակները, որոնք հռչակել է մինչ ընտրությունները»
ԵՐԵՎԱՆ, 31 ՕԳՈՍՏՈՍԻ, ԱՐՄԵՆՊՐԵՍ: Հայաստանի իշխանությունը պատրաստ է իրականացնել այն նպատակները, որոնք հռչակել է մինչ ընտրությունները: Այսօր կայացած ասուլիսում նման կարծիք հայտնեց ասաց ԱՊՀ երկրների ինստիտուտի հայաստանյան մասնաճյուղի տնօրեն, քաղաքագետ Ալեքսանդր Մարգարովը` ընդգծելով, որ Հայաստանի իշխանությունը շարունակում է մնալ որպես բավականին կայուն ուժ:
2010-08-31 Գ. Մինասյան. «ՀՀ-ում ռուսական ռազմաբազայի վերաբերյալ պայմանագրի երկարաձգումը նվազեցնում է Հարավային Կովկասում պատերազմի վերսկսման հնարավորությունը»
ԵՐԵՎԱՆ, 31 ՕԳՈՍՏՈՍԻ, ԱՐՄԵՆՊՐԵՍ: Հայաստանում ռուսական ռազմաբազայի վերաբերյալ պայմանագրի երկարաձգումը նվազեցնում է պատերազմի վերսկսման հնարավորությունը Հարավային Կովկասում, բարձրացնում է անվտանգության մակարդակը ողջ տարածաշրջանում, եւ որ շատ կարեւոր է` զրկում է Ադրբեջանին իր վերջին խաղաթղթից` բանակցությունները ադրբեջանական ցնորամիտ պատկերացումների համար նախընտրելի հունով չընթանալու դեպքում պատերազմ սանձազերծելուց:
2010-08-31 ԵԱՀԿ հերթական դիտարկման ժամանակ ԼՂՀ եւ Ադրբեջանի շփման գծում կրակի դադարեցման ռեժիմի խախտումներ չեն արձանագրվել
ԵՐԵՎԱՆ, 31 ՕԳՈՍՏՈՍԻ, ԱՐՄԵՆՊՐԵՍ: ԵԱՀԿ առաքելությունն այսօր հերթական դիտարկում է անցկացրել Լեռնային Ղարաբաղի եւ Ադրբեջանի զինված ուժերի շփման գծի` ԼՂՀ Մարտունու շրջանի Կուրոպատկինո բնակավայրից դեպի հարավ-արեւելք` Լեռնային Ղարաբաղի Հանրապետության իշխանությունների հետ նախօրոք ձեռք բերված պայմանավորվածության համաձայն: Ինչպես «Արմենպրես»-ին հայտնեցին ԼՂՀ արտգործնախարարության մամուլի ծառայությունից, դիտարկումն անցել է` ըստ սահմանված գրաֆիկի, կրակի դադարեցման ռեժիմի խախտումներ չեն արձանագրվել:
2010-08-31 Հ. Մելիք-Շահնազարյան.«Վրաստանի եւ Ադրբեջանի միջեւ կոնֆեդերացիայի ստեղծումը բացառված է»
ԵՐԵՎԱՆ, 31 ՕԳՈՍՏՈՍԻ, ԱՐՄԵՆՊՐԵՍ: Վրաստանի եւ Ադրբեջանի միջեւ կոնֆեդերացիայի ստեղծումը բացառված է, իսկ խոսակցություններն այդ մասին պարզապես անհիմն են ու չպատճառաբանված: Այս մասին այսօր լրագրողների հետ հանդիպման ժամանակ հայտարարեցին «Միտք» վերլուծական կենտրոնի տնօրեն Հրանտ Մելիք-Շահնազարյանն ու նույն կենտրոնի փորձագետ Վահե Սարգսյանը` նշելով, որ վրաց-ադրբեջանական հարաբերություններն այնքան էլ սերտ չեն, ինչպես ներկայացվում է վերջիններիս կողմից:
2010-08-30 Ըստ Հ. Սահակյանի` Հայաստանում ռուսական ռազմաբազայի ներկայության երկարաձգումը զսպող հանգամանք կլինի տարածաշրջանում սպառնալիքների տեսանկյունից
ԵՐԵՎԱՆ, 30 ՕԳՈՍՏՈՍԻ, ԱՐՄԵՆՊՐԵՍ: Հայաստանում ռուսական ռազմաբազայի ներկայության երկարաձգումը զսպող հանգամանք կլինի Հայաստանին ուղղված սպառնալիքների տեսանկյունից: Այսօր լրագրողների հետ հանդիպման ժամանակ նման տեսակետ հայտնեց Հայաստանի Հանրապետության Ազգային ժողովի ՀՀԿ խմբակցության պատգամավոր Հովհաննես Սահակյանը` մեկնաբանելով հենց այս ժամանակաշրջանում ռազմաբազայի հետ կապված պայմանագրի փոփոխության հանգամանքը:
2010-08-30 ՀՀ ՊՆ. «ՀՀ-ի եւ ՌԴ-ի միջեւ ստորագրված փաստաթուղթը համապատասխանում է երկու ինքնիշխան պետությունների ռազմավարական հետաքրքրություններին»
ԵՐԵՎԱՆ, 30 ՕԳՈՍՏՈՍԻ, ԱՐՄԵՆՊՐԵՍ: «Որոշ լրատվամիջոցներում վերջին օրերին բուռն քննարկումներ են ծավալվել Հայաստանում ռուսական ռազմակայանի մասին պայմանագրում փոփոխություններ կատարելու վերաբերյալ ստորագրված արձանագրության շուրջ: Տարբեր տրամաչափի գործիչներ եւ մեկնաբաններ, ներկայացնելով իրենց կարծիքները, նշում են, թե դրանով խախտվում է ուժերի հավասարակշռությունը տարածաշրջանում, վտանգվում է ԼՂ խնդրի խաղաղ կարգավորման գործընթացը: Իսկ հայ-ռուսական արձանագրության ադրբեջանական արձագանքներն ուղղակի հիվանդագին են»,-նշված է ՀՀ պաշտպանության նախարարության տեղեկատվության եւ հասարակայնության հետ կապերի վարչությունից «Արմենպրես»-ին տրամադրած հաղորդագրության մեջ:
2010-08-30 Ն.Զոհրաբյան.«ԵԱՀԿ Մինսկի խմբի շրջանակներում Ադրբեջանը չի տեսնում ԼՂ հարցի իր շահերի համապատասխան լուծման հնարավորություն»
ԵՐԵՎԱՆ, 30 ՕԳՈՍՏՈՍԻ, ԱՐՄԵՆՊՐԵՍ: ԵԱՀԿ Մինսկի խմբի շրջանակներում Ադրբեջանը չի տեսնում Լեռնային Ղարաբաղի հարցի իր շահերի համապատասխան լուծման հնարավորություն: Այսօր «Արմենպրես»-ի հետ զրույցում նման կարծիք հայտնեց Ազգային ժողովի երվրաինտեգրման հարցերի մշտական հանձնաժողովի նախագահ, ԵԽԽՎ-ում հայկական պատվիրակության անդամ Նաիրա Զոհրաբյանը` ավելացնելով, որ հենց այդ պատճառով էլ ադրբեջանցիները ջանքեր չեն խնայում ԼՂ հարցը ՄԱԿ, ԵԽԽՎ կամ այլ միջազգային ամբիոններ տեղափոխելու համար:
2010-08-30 Ամերիկայի Հայկական համագումարի նոր գրասենյակ` Նյու Յորքում
ԵՐԵՎԱՆ, 30 ՕԳՈՍՏՈՍԻ, ԱՐՄԵՆՊՐԵՍ: Ամերիկայի Հայկական համագումարը ընդլայնում է իր գործունեությունը: Ինչպես «Արմենպրես»-ին հայտնեցին Ամերիկայի Հայկական համագումարի երեւանյան գրասենյակից, Նյու Յորքում նոր Արեւելյան տարածաշրջանային գրասենյակը կղեկավարի Բիանկա Կադյան-Դոդովը: Նա պատասխանատու կլինի Նյու Յորքում եւ երեք հարակից նահանգներում համագումարի գործունեության տարածման համար, ինչպես նաեւ կկենտրոնանա տարածաշրջանում զարգացումների ու անդամակցության վրա: Աշխատելով Վաշինգտոնում տեղակայված համագումարի կենտրոնական գրասենյակի հետ` Բիանկա Կադյան-Դոդովը նաեւ կնպաստի կառավարության հետ կապերի ընդլայնմանը` հատուկ ուշադրություն դարձնելով կառավարության նյույորքյան պատվիրակության վրա:
2010-08-30 Ս. Սարգսյան. «Ադրբեջանի կողմից ՄԱԿ-ի գլխավոր նստաշրջանին ներկայացվելիք բանաձեւի ընդունվելը կամ չընդունվելը չի կարող էական ազդեցություն ունենալ ԼՂՀ-ի եւ ՀՀ-ի ո′չ քաղաքական, ո′չ տնտեսական կյանքում»
ԵՐԵՎԱՆ, 30 ՕԳՈՍՏՈՍԻ, ԱՐՄԵՆՊՐԵՍ: Հայաստանի Հանրապետության նախագահ Սերժ Սարգսյանը, Արցախ կատարած աշխատանքային այցի շրջանակներում, օգոստոսի 29-ին Լեռնային Ղարաբաղի Հանրապետության նախագահ Բակո Սահակյանի, Արցախի այլ պաշտոնատար անձանց եւ «Հայաստան» համահայկական հիմնադրամի գործադիր տնօրեն Արա Վարդանյանի ուղեկցությամբ այցելել է Ստեփանակերտի թիվ 11 նորակառույց դպրոց եւ մանկապատանեկան ստեղծագործական կենտրոն:
Կարծիքներ
Հարցազրույցներ
Փաստ մեկնաբանությամբ
Ժապավեններ
Ծառայություններ
Ֆոտոարխիվ
Բաժանորդագրում
Մեր մասին
Կապ
Հղումներ
Կայքի դիզայնը և պատրաստումը՝
© Բոլոր իրավունքները պաշտպանված են