ԵՐԵՎԱՆ, 17 ՄԱՐՏԻ, ԱՐՄԵՆՊՐԵՍ: «Արեւորդի» միջազգային բնապահպանական փառատոնը նախաձեռնում է բնապահպանական թեմաներով ֆիլմերի պարբերական ցուցադրություններ` այսպիսով ստեղծելով կինոդիտումների ու քննարկումների «Կանաչ ակումբ»: Ինչպես «Արմենպրես»-ին տեղեկացրեցին «Արեւորդի» փառատոնի տեղեկատվության եւ հասարակության կենտրոնից, այսուհետ ամեն շաբաթ օր` ժամը 16:30-ին, «Արեւորդ»-ին հրավիրում է բոլոր բնասերներին կամ պարզապես հետաքրքվածներին «Կանաչ ակումբ»` դիտելու հայ եւ օտարազգի հանրահայտ ռեժիսորների բնապահպանական գործերը: 

ԵՐԵՎԱՆ, 17 ՄԱՐՏԻ, ԱՐՄԵՆՊՐԵՍ: Հայաստանում գտնվող Մոսկվայի եւ Համայն Ռուսիո Նորին սրբություն Կիրիլ Ա պատրիարքի պաշտոնական այցի շրջանակներում Երեւանի Ս. Գրիգոր Լուսավորիչ մայր եկեղեցում այսօր կատարվեց գոհաբանական աղոթք, որին ներկա էին Հայաստանի Հանրապետության նախագահ Սերժ Սարգսյանը, վարչապետ Տիգրան Սարգսյանը, բարձրաստիճան հոգեւորականներ: 

ԵՐԵՎԱՆ, 17 ՄԱՐՏԻ, ԱՐՄԵՆՊՐԵՍ: «Հայաստանն ինձ համար այն վայրն է, որը բացեց դեպի բեմարվեստ տանող դռները»,- այսօր լրագրողների հետ հանդիպման ժամանակ նշեց հայտնի ռուս արտիստ Գենադի Խազանովը` վերհիշելով 1972թ. իր առաջին ելույթը Հայաստանում: 

ԵՐԵՎԱՆ, 17 ՄԱՐՏԻ, ԱՐՄԵՆՊՐԵՍ: Հայաստանի երիտասարդ կանանց ասոցացիան, ՄԱԿ-ի Մանկական հիմնադրամի եւ Խաղաղության կորպուսի հայաստանյան գրասենյակի հետ համատեղ, Կանանց մեկամսյակի շրջանակներում նախաձեռնել է շարադրությունների եւ պաստառների մրցույթ: 

ԵՐԵՎԱՆ, 17 ՄԱՐՏԻ, ԱՐՄԵՆՊՐԵՍ: Կ.Դեմիրճյանի անվան մարզահամերգային համալիրում այսօր մեկնարկեց «ԱՐՄՄՈՆՈ» միջազգային թատերական փառատոնը` «Ես վերհիշում եմ…» մոնոներկայացմամբ` ճանաչված դերասան Գենադի Խազանովի կատարմամբ: Փառատոնն անց է կացվում ՀՀ Ազգային ժողովի նախագահ Հովիկ Աբրահամյանի հովանու ներքո, փառատոնի կայացմանն աջակցում են ՀՀ մշակույթի նախարարությունն ու Հայաստանի թատերական գործիչների միությունը: Այն կշարունակվի մինչեւ մարտի 24-ը: 

ԵՐԵՎԱՆ, 17 ՄԱՐՏԻ, ԱՐՄԵՆՊՐԵՍ: ՀՀ նախագահ Սերժ Սարգսյանի` Սիրիա կատարելիք պաշտոնական այցի շրջանակներում մարտի 22-ին եւ 23-ին Դամասկոսում Ալ.Սպենդիարյանի անվան օպերայի եւ բալետի ազգային ակադեմիական թատրոնը կներկայացնի Ա. Խաչատրյանի «Սպարտակ» բալետը: 

ԵՐԵՎԱՆ, 17 ՄԱՐՏԻ, ԱՐՄԵՆՊՐԵՍ: Գերմանիայի «Mauer Verlag» հրատարակչությունը լույս է ընծայել Աելքսանդր Սոսնովսկու «Վրացական համախտանիշ» վերնագրվ աշխատությունը, որտեղ մանրամասնորեն ներկայացվում են վրաց-աբխազական, վրաց-օսական հարաբերությունների, ինչպես նաեւ ժամանակակից Վրաստանի էթնիկական հարցերի մասին բազմաթիվ տեղեկություններ: 

ԵՐԵՎԱՆ, 17 ՄԱՐՏԻ, ԱՐՄԵՆՊՐԵՍ: Հայաստանի գրողների միության մեծ դահլիճում այսօր նշվեց բազմավաստակ պոլիգրաֆիստ, «Ոսկան Երեւանցի» տպագրատուն-հրատարակչության տնօրեն Մեխակ Տեր-Սարգսյանի ծննդյան 75-ամյակը, որը կազմակերպել էին ՀՀ մշակույթի նախարարության հրատարակչական գործի գործակալությունը եւ Հրատարակիչների ազգային ասոցիացիան: 

ԵՐԵՎԱՆ, 16 ՄԱՐՏԻ, ԱՐՄԵՆՊՐԵՍ: Հանրապետությունում մարտի 18-ից կմեկնարկի ՀՀ կրթության եւ գիտության նախարարության հովանավորությամբ անցկացվող «Կենգուրու 2010» միջզգային մաթեմատիկական խաղ-մրցույթը: Այն տրամաբանական ու հետաքրքրաշարժ խնդիրներից կազմված մրցույթ է, որն ամեն տարի նույն օրն անցկացվում է շուրջ 50 երկրում` ավելի քան 5 միլիոն դպրոցականի մասնակցությամբ: 

ԵՐԵՎԱՆ, 17 ՄԱՐՏԻ, ԱՐՄԵՆՊՐԵՍ: Երեւանի Վ. Բրյուսովի անվան պետական լեզվաբանական համալսարանի ղեկավարությունն այսօր պաշտոնապես իր երախտագիտությունը հայտնեց «Գագիկ Ծառուկյան» հիմնադրամին` համալսարանի վաստակավոր մանկավարժներին, սոցիալապես անապահով ուսանողներին պարգեւատրելու համար: Դեռեւս մի քանի շաբաթ առաջ Հայաստանի ազգային օլիմպիական կոմիտեի նախագահ, «Բարգավաճ Հայաստան» կուսակցության նախագահ Գագիկ Ծառուկյանը հյուրընկալվել է ԵրՊԼՀ` մանկավարժական կազմի հետ ծանոթանալու համար: Տեղեկանալով, որ շուտով լրանալու է համալսարանի 75-ամյակը` Գ.Ծառուկյանն անակնկալ է մատուցել համալսարանի անձնակազմին` նվիրաբերելով 10 միլիոն դրամ մանկավարժակամ կազմին եւ 10 միլիոն դրամ` համալսարանի Ուսանողական խորհրդին: 

ԵՐԵՎԱՆ, 17 ՄԱՐՏԻ, ԱՐՄԵՆՊՐԵՍ: Հայաստանում այսօր մեկնարկում է «ԱՐՄՄՈՆՈ» միջազգային թատերական փառատոնը, որը կշարունակվի մինչեւ մարտի 24-ը: Փառատոնն անց է կացվում Հայաստանի Հանրապետության Ազգային ժողովի նախագահ Հովիկ Աբրահամյանի հովանու ներքո, ՀՀ մշակույթի նախարարության ու Հայաստանի թատերական գործիչների միության աջակցությամբ: 

ՍՏԵՓԱՆԱԿԵՐՏ, 17 ՄԱՐՏԻ, ԱՐՄԵՆՊՐԵՍ: Լեռնային Ղարաբաղի Հանրապետության նախագահ Բակո Սահակյանը մարտի 15-ին ստորագրել է հրամանագիր, համաձայն որի` պետական, հասարակական- քաղաքական ակնառու գործունեության համար եւ ծննդյան 75-րդ տարեդարձի կապակցությամբ գրող, հրապարակախոս Զորի Բալայանը պարգեւատրվել է «Մեսրոպ Մաշտոց» շքանշանով: Այս մասին «Արմենպրես»-ին տեղեկացրին ԼՂՀ նախագահի աշխատակազմի տեղեկատվության գլխավոր վարչությունից: 

ԵՐԵՎԱՆ, 17 ՄԱՐՏԻ, ԱՐՄԵՆՊՐԵՍ: «Ծիրանի» մշակութային երիտասարդական հասարակական կազմակերպությունը պատրաստվում է ադրբեջանցիների կողմից Ջուղայի խաչքարերի ոչնչացման մասին իրազեկել ամբողջ աշխարհին: Ինչպես «Արմենպրես»-ի հետ զրույցում նշեց հկ-ի նախագահ Նարեկ Աշուղաթոյանը, այդ նպատակով նախատեսվում է լուրջ քարոզչական աշխատանք տանել: Սփյուռքի հայկական կազմակերպությունների հետ համագործակցությամբ հկ-ն նպատակ ունի եվրոպական մի շարք քաղաքներում կազմակերպել ցուցահանդեսներ, այդ իրադարձությունները ներկայացնող տեղեկատվություն տեղադրել համացանցում: 

ԵՐԵՎԱՆ, 16 ՄԱՐՏԻ, ԱՐՄԵՆՊՐԵՍ: Այսօր կայացավ Հանրային խորհրդի` մշակույթի հարցերով ենթահանձնաժողովի արտահերթ նիստը, որի օրակարգում դրված էր Հանրային խորհրդի նախագահ Վազգեն Մանուկյանի նամակ-հանձնարարությունը` քննարկել «Մոսկվա» կինոթատրոնի ամառային դահլիճի հետագա ճակատագրի հարցը: Ինչպես նշեց Հանրային խորհրդի՝ մշակույթի հարցերով ենթահանձնաժողովի նախագահ Գագիկ Մանասյանը, նամակում, մասնավորապես, ասվում է, որ Հանրային խորհուրդը այդ հարցին նվիրված բազմաթիվ դիմումներ է ստանում, որտեղ արծարծվում են ինչպես ներկա կառույցի պատմամշակութային արժեք լինելու-չլինելու հարցը, եկեղեցի կառուցելու անհրաժեշտությունը, այնպես էլ այդ հարցի վերաբերյալ ընդունված որոշումների օրինականությունը: Հրավիրված արտահերթ նիստին մասնակցում էին հայտնի ճարտարապետներ, մտավորականության ներկայացուցիչներ, որոնք ունեն իրենց տեսակետները տվյալ հարցի շուրջ: 

ԵՐԵՎԱՆ, 16 ՄԱՐՏԻ, ԱՐՄԵՆՊՐԵՍ: Վերջերս մեծ տարածում են գտել այն լուրերը, որոնց համաձայն` ԵՊՀ ռեկտոր Արամ Սիմոնյանը պատրաստվում է հրաժարական տալ: Ինչպես այսօր լրագրողների հետ հանդիպման ժամանակ նշեց ԵՊՀ ռեկտոր Արամ Սիմոնյանը, ինքը ընտրվել է որպես համալսարանի ռեկտոր համալսարանի կառվարման խորհրդի կողմից եւ միայն խորհուրդն է իրավասու իրեն հետ կանչելու: «Ես ընտրվել եմ որպես համալսարանի ռեկտոր մինչեւ 2011 թվականի մայիսը եւ եթե լինեն էլ փոփոխություններ, ապա կլինեն խորհրդի իրավասության համաձայն»,- ասաց ԵՊՀ ռեկտորը` հիշեցնելով, որ «ոչինչ լուսնի տակ հավերժ չի»: 

ԵՐԵՎԱՆ, 16 ՄԱՐՏԻ, ԱՐՄԵՆՊՐԵՍ: Երեւանի պետական համալսարանում Բոլոնիայի գործընթացն սկսել է իրականացվել 1995-1996 թթ-ին` որպես փորձնական ծրագիր 2 ֆակուլտետների` տնտեսագիտության եւ սոցիոլոգիայի օրինակով: Ըստ ԵՊՀ ռեկտոր Արամ Սիմոնյանի` համարել, որ դա Բոլոնիայի գործընթացներին միանալու լուրջ հայտ էր, չի կարելի: Նա այսօր լրագրողների հետ հանդիպման ժամանակ նշեց, որ պետք է Բոլոնիայի գործընթացին ակտիվ մասնակցության սկիզբ համարել 1999-2000 ուս.տարին, երբ կրթական եռաստճան համակարգը տարածվեց ամբողջ համալսարանում: 

ԷՋՄԻԱԾԻՆ, 16 ՄԱՐՏԻ, ԱՐՄԵՆՊՐԵՍ: Հայաստանի եւ Ռուսաստանի հոգեւոր հայրապետերի բարձր հովանու ներքո Էջմիածնի ու Սերգիեւ Պոսադի միջեւ այսօր կնքվեց համագործակցության հռչակագիր: Այն ստորագրեցին երկու երկրների հոգեւոր մայրաքաղաքների քաղաքապետեր` Կարեն Գրիգորյանը եւ Նիկոլայ Մասլովը: Էջմիածնի քաղաքապետն իր խոսքում խորհրդանշական համարեց այն, որ հռչակագիրը ստորագրվել է երկու երկրների հովվապետերի ներկայությամբ: «Մեր երկու քաղաքների համագործակցությունն ապացույցն է այն բանի, որ երկու ժողովուրդները միմյանց հետ ունեն բարեկամական եւ եղբայրական հարաբերություններ: Մեր երկու հոգեւոր մայրաքաղաքների համագործակցությունը լրացուցիչ ազդակ կլինի Հայ Առաքելական եւ Ռուս Ուղղափառ եկեղեցիների համագործակցության զարգացմանը»,- ասաց Կ. Գրիգորյանը: 

ԵՐԵՎԱՆ, 16 ՄԱՐՏԻ, ԱՐՄԵՆՊՐԵՍ: Մայրաքաղաքի գրական հասարակայնությունն այսօր վերջին հրաժեշտը տվեց Երեւանում կյանքի 82-րդ տարում վախճանված բանաստեղծ, արձակագիր, թարգմանիչ, ՀԳՄ անդամ Էդուարդ Ավագյանին: Հանգուցյալի դագաղը դրված էր Գրողների միության մեծ դահլիճի բեմում: Տան մուտքի մոտ սգո պսակներ են դրված ՀՀ մշակույթի նախարարությունից, Երեւանի քաղաքապետարանից, Հայաստանի գրողների միությունից, այլ կազմակերպություններից ու անհատներից: 

ԵՐԵՎԱՆ, 16 ՄԱՐՏԻ, ԱՐՄԵՆՊՐԵՍ: «Եվրոպական ընդհանուր տարածքի» ստեղծումն, ըստ էության, համաշխարհային մրցակցությանը դիմանալու եվրոպական երկրների փորձն է, մասնավորապես` ԱՄՆ-ի գիտակրթական մրցակցությանը դիմանալու փորձ: Նման դիտարկում արեց Երեւանի պետական համալսարանի ռեկտոր Արամ Սիմոնյանն այսօր հրավիրված ասուլիսում` խոսելով օրերս Բուդապեշտում եւ Վիեննայում կայացած Բոլոնիան գործընթացին նվիրված խորհրդաժողովի մասին: «Բոլոնիայի գործընթացում ներգրավված 47 երկրները համաշխարհային գիտակրթական տարածքում գերիշխող դիրք գրավելու միասնական փորձ են կատարում: 

ԵՐԵՎԱՆ, 16 ՄԱՐՏԻ, ԱՐՄԵՆՊՐԵՍ: Բոլոնիայի գործընթացը 2010 թ-ի հուլիսի 1-ից ունենալու է համանախագահների ինստիտուտ, եւ Հայաստանը Լեհաստանի հետ Բոլոնիայի գործընթացի հետամուտ խումբը համանախագահելու է 2011 թ-ի հուլիսի 1-ից մինչեւ տարեվերջ: Ինչպես այդ մասին այսօր լրագրողների հետ հանդիպման ժամանակ նշեց ՀՀ կրթության եւ գիտության նախարար Արմեն Աշոտյանը, Լեհաստանի կրթության նախարարի հետ արդեն կան նախնական պայմանավորվածություններ: «Մենք նախատեսել ենք ստեղծել աշխատանքային խումբ, որը 6 ամիսների ընթացքում կօգնի լավագույնս դրսեւորել մեզ»,- ասաց Արմեն Աշոտյանը: Նրա խոսքով` նախատեսվում են այդ ժամանակահատվածում 2 մեծ համաեվրոպական կոնֆերանսներ. մեկը` նվիրված բարձրագույն կրթության ֆինանսավորման հիմնախնդիրներին, նաեւ` Բոլոնիայի գործընթացի հետամուտ խմբի աշխատանքային նիստը կգումարվի Հայաստանում: