ԵՐԵՎԱՆ, 12 ՄԱՐՏԻ, ԱՐՄԵՆՊՐԵՍ: Հայաստանի շախմատիստուհի Լիլիթ Գալոյանը, Խորվաթիայի Ռիեկա քաղաքում ընթացող Եվրոպայի անհատական առաջնության կանանց մրցաշարի 6-րդ փուլում սեւ ֆիգուրներով հաղթելով Աննա Ուշենինային` Ռուսաստանից, վաստակել է 5 միավոր եւ բուլղարուհի Անտոանետա Ստեֆանովայի ու լիտվուհի Վիկտորյա Չմիլիտեի հետ կիսում Է 2-4-րդ տեղերը: Մրցաշարի 1-ին տեղում Է լեհուհի Մոնիկա Սոսկոն՝ 5,5 միավորով: 

ԵՐԵՎԱՆ, 12 ՄԱՐՏԻ, ԱՐՄԵՆՊՐԵՍ: Հայաստանի ազգային օլիմպիական կոմիտեի նախագահ Գագիկ Ծառուկանի մրցանակների համար բռնցքամարտի անդրանիկ միջազգային մրցաշարը, որը Երեւանում կանցկացվի ապրիլի 5-11-ը, ընդգրկվել Է սիրողական բռնցքամարտի միջազգային ֆեդերացիայի (ԱԻԲԱ) մրցումների պաշտոնական մարզական օրացույցում: 

ԵՐԵՎԱՆ, 12 ՄԱՐՏԻ, ԱՐՄԵՆՊՐԵՍ: Հայաստանի ազատ ոճի ըմբիշները 2010 թվականին պետք Է բարելավեն իրենց արդյունքները: Այս մասին «Արմենպրես»-ի հետ զրույցում ասաց Հայաստանի Հանրապետության ըմբշամարտի ֆեդերացիայի փոխնախագահ, ազատ ոճի ըմբշամարտի ազգային հավաքականի նախկին գլխավոր մարզիչ Հրանտ Ենոքյանը: Նա նշեց, որ 2009 թվականի արդյունքները, այդ թվում` աշխարհի առաջնության 1 բրոնզե մեդալը, չեն կարող բավարարել Հայաստանի ազատ ոճի ըմբիշներին: 

ԵՐԵՎԱՆ, 12 ՄԱՐՏԻ, ԱՐՄԵՆՊՐԵՍ: Հայաստանի տափօղակով հոկեյի ֆեդերացիայի հաշվետու-ընտրական կոնֆերանսում ֆեդերացիայի նոր նախագահ է ընտրվել Հայկ Ջաղացպանյանը: Նա այս պաշտոնում փոխարինել է Թուրքիայում 2009 թվականին ավտովթարից զոհված Կարեն Խաչատրյանին, որը եւ ժամանակին հիմնադրել Էր Հայաստանի տափօղակով հոկեյի ֆեդերացիան: 

ԵՐԵՎԱՆ, 12 ՄԱՐՏԻ, ԱՐՄԵՆՊՐԵՍ: Կատարի մայրաքաղաք Դոհայում այսօր մեկնարկել է ատլետիկայի աշխարհի ձմեռային առաջնությունը, որը կավարտվի մարտի 14-ին: Այս մրցաշարին Հայաստանը ներկայացնելու Է 1 մարզիկ՝ հեռացատկորդ Արսեն Հայրապետյանը: 

ՍՏԵՓԱՆԱԿԵՐՏ, 12 ՄԱՐՏԻ, ԱՐՄԵՆՊՐԵՍ: Լեռնային Ղարաբաղի Հանրապետության ազատ ոճի ըմբշամարտի ֆեդերացիայի նախաձեռնությամբ մարտի 11-ին Մարտակերտի մանկապատանեկան մարզադպրոցում մեկնարկել է 1993-95թթ. ծնված պատանիների հանրապետական անհատական առաջնությունը: 

ԵՐԵՎԱՆ, 11 ՄԱՐՏԻ, ԱՐՄԵՆՊՐԵՍ:Հայաստանի հունահռոմեական ոճի ըմբիշները կմասնակցեն մարտի 18-21-ը Բուլղարիայի Վառնա քաղաքում կայանալիք հունահռոմեական ոճի ըմբշամարտի միջազգային երիտասարդական մրցաշարին: Այս մասին «Արմենպրեսին» այսօր բացառիկ զրույցում ասաց հունահռոմեական ոճի ըմբշամարտի ՀՀ երիտասարդական հավաքականի գլխավոր մարզիչ Արմեն Բաբալարյանը: 

ԵՐԵՎԱՆ, 11 ՄԱՐՏԻ, ԱՐՄԵՆՊՐԵՍ: Հայաստանի 6 բռնցքամարտիկներ՝ 57կգ քաշային Ազատ Հովհաննիսյանը, 60կգ քաշային Արա Փուլուզյանը, 64կգ քաշային Հրաչյա Ջավախյանը, 69կգ քաշային Արմեն Եփրեմյանը, 75կգ քաշային Անդրանիկ Հակոբյանը եւ 91կգ քաշային Ցոլակ Անանիկյանը կմասնակցեն մարտի 14-ին Չեխիայի մայրաքաղաք Պրահայում մեկնարկող բռնցքամարտի միջազգային մրցաշարին: 

ԵՐԵՎԱՆ, 11 ՄԱՐՏԻ, ԱՐՄԵՆՊՐԵՍ: Հայաստանի ուշույիստ, 48կգ քաշային Դավիթ Գրիգորյանը, վճռական, եզրափակիչ մրցամարտում առավելության հասնելով ռումինացի մրցակցի նկատմամբ, նվաճեց Եվրոպայի չեմպիոնի կոչումը Թուրքիայի Անթալիա քաղաքում ընթացող ուշույի Եվրոպայի առաջնության մեծահասակ մարզիկների մրցաշարում: 

ԵՐԵՎԱՆ, 11 ՄԱՐՏԻ, ԱՐՄԵՆՊՐԵՍ: Ֆուտբոլի Հայաստանի ազգային հավաքականի եւ Դոնեցկի «Մետալուրգ»-ի կիսապաշտպան Հենրիխ Մխիթարյանի տրանսֆերային արժեքը հասել է 2 մլն 800 հազար եվրոյի: Ըստ գերմանական «Տրանսֆերմարկետ»-ի հրապարակած արդյունքների, հունվարին Մխիթարյանի արժեքը եղել է ընդամենը 1 մլն 200 հազար եվրո: 

ԵՐԵՎԱՆ, 11 ՄԱՐՏԻ, ԱՐՄԵՆՊՐԵՍ: Անգլիական «Տոտենհեմ»-ն արդեն սկսել է Երեւանի «Փյունիկ»-ի զամբիացի պաշտպան Էմանուել Մբոլայի համար ակումբ փնտրել` նրան վարձավճարով զիջելու համար` չնայած, որ դեռեւս պարզ չէ Մբոլայի հարցը: Անգլիական «MirrorFootball»-ի տեղեկացմամբ, «Տոտենհեմ»-ը բանակցություններ է վարում բելգիական մի քանի ակումբների հետ: 

ԵՐԵՎԱՆ, 11 ՄԱՐՏԻ, ԱՐՄԵՆՊՐԵՍ: Իտալիայում ուսումնամարզական հավաք անցկացնող Հայաստանի չեմպիոն Երեւանի «Փյունիկ»-ը պայմանավորվածություն է ձեռք բերել համագործակցելու իտալական «Ռոմա»-ի, վերջինիս ֆուտբոլիստ ֆրանչեսկո Տոտտիի ստեղծած ֆուտբոլային ակադեմիայի հետ: «Փյունիկ»-ի գլխավոր մարզիչ Վարդան Մինասյանը եւ ակումբի գործադիր տնօրեն Կարեն Հարությունյանն այսօր հրավիրվել են «Ռոմա»-ի մարզաբազա, ու ներկա գտնվել թիմի մարզմանը: 

ԵՐԵՎԱՆ, 11 ՄԱՐՏԻ, ԱՐՄԵՆՊՐԵՍ: Կապանի «Գանձասար»-ը ներկայումս ուսումնամարզական հավաք է անցկացնում Արարատի «Այգ» մարզաբազայում: Ինչպես «Արմենպրես»-ի հետ զրույցում նշեց կապանյան ակումբի գործադիր տնօրեն Վլադիկ Առաքելյանը, թիմում ներկայումս փորձաշրջան են անցնում 5 ֆուտբոլիստներ` Թուրքմենստանի հավաքականի անդամներ Արիֆ Միրզոեւը եւ Ահմեդ Ալաբերդիեւը, երկու կոտ դ`իվուարցի եւ մեկ վրացի: Թուրքմեն ֆուտբոլիստները «Գանձասար» են եկել թուրքմենական «Ալթին-Ասիր» ակումբից, որի կազմում փետրվարին ճանաչվել էին «Թուրքմենբաշու գավաթ»-ի խաղարկության հաղթողներ: 

ԵՐԵՎԱՆ, 11 ՄԱՐՏԻ, ԱՐՄԵՆՊՐԵՍ: Այսօր մերձմոսկովյան «Խիմկի» ֆուտբոլային ակումբը մեկնել է Անթալիա` անցկացնելու իր վերջին ուսումնամարզական հավաքը նոր մրցաշրջանից առաջ: «Խիմկի»-ի կազմում Թուրքիա են մեկնել նաեւ ՀՀ ֆուտբոլի ազգային հավաքականի դարպասապահ Ռոման Բերեզովսկին եւ Արսեն Հովհաննիսյանը: 

ԵՐԵՎԱՆ, 11 ՄԱՐՏԻ, ԱՐՄԵՆՊՐԵՍ: Ֆուտբոլում թույլ մրցակիցներ չեն լինում եւ Երեւանի «Փյունիկը» երբեք չի թերագնահատում իր մրցակիցներին: Այս մասին «Արմենպրես»-ի հետ զրույցում նշեց Երեւանի «Փյունիկ» ֆուտբոլի ակումբի եւ ՀՀ ֆուտբոլի ազգային հավաքականի գլխավոր մարզիչ Վարդան Մինասյանը` մեկնաբանելով ՀՀ ֆուտբոլի գավաթի վիճակահանությունը, որի արդյունքում այս մրցաշարի առաջին փուլում 1/4 եզրափակիչում «Փյունիկը» հանդիպելու Է Դիլիջանի «Իմպուլսի» հետ: 

ԵՐԵՎԱՆ, 11 ՄԱՐՏԻ, ԱՐՄԵՆՊՐԵՍ: Մեկնաբանելով ապրիլի 24-ին Գերմանիայում կայանալիք իր մրցամարտը չեմպիոնության հավակնորդուհի, գերմանուհի Նադյա Ռաուլիի հետ` հայազգի պրոֆեսիոնալ բռնցքամարտուհի, WBA, WBIF, WBO բռնցքամարտի ֆեդերացիաների վարկածներով աշխարհի չեմպիոնուհի Սյուզի Կենտիկյանը հայտարարել է, որ ցանկանում Է մաքուր հաղթանակ տանել այս մրցամարտում: 

ԵՐԵՎԱՆ, 11 ՄԱՐՏԻ, ԱՐՄԵՆՊՐԵՍ: 2010 թվականի հուլիսից շախմատում կիրառվելու են խթանիչների (դոպինգ) ստուգման նոր կանոններ, որոնց նպատակն Է խստացնել դոպինգ-վերահսկողությունը շախմատի մրցումների ընթացքում: Այս մասին այսօր հայտարարել է Շախմատի միջազգային ֆեդերացիան (ՖԻԴԵ): Սա արվում Է ինչպես ՖԻԴԵ-ի, այնպես Էլ դոպինգի վերահսկման համաշխարհային գործակալության (ՈՒԱԴԱ) պահանջներից ելնելով: 

ԵՐԵՎԱՆ, 11 ՄԱՐՏԻ, ԱՐՄԵՆՊՐԵՍ: Այսօր Իրան մեկնեց մինչեւ 17 տարեկանների Հայաստանի ֆուտբոլի պատանեկան հավաքականը` գլխավոր մարզիչ Սուրեն Չախալյանի ղեկավարությամբ: Իրանում թիմը կանցկացնի մի քանի ընկերական հանդիպում: Ինչպես «Արմենպրես»-ին այսօր տեղեկացրին ՀՀ ֆուտբոլի ֆեդերացիայի մամուլի ծառայությունում, հավաքականում ընդգրկված են` դարպասապահներ Գարեգին Մարկոսյանը եւ Գեւորգ Հարությունյանը, երկուսն Էլ՝ Երեւանի «Փյունիկից», պաշտպաններ Հարություն Լոռեցյանը, Հարություն Օհանյանը, Դավիթ Զաքարյանը, Շիրակ Գեւորգյանը, Աշոտ Ավագյանը, Արամ Շահնազարյանը, Դավիթ Լեւոնյանը, բոլորը՝ «Փյունիկից»: 

ԵՐԵՎԱՆ, 11 ՄԱՐՏԻ, ԱՐՄԵՆՊՐԵՍ: Հայաստանի մարզիկները ձգտում են մասնակցելու օգոստոսին Սինգապուրում կայանալիք պատանեկան օլիմպիական խաղերին: Ինչպես «Արմենպրես»-ի հետ զրույցում ասաց ՀՀ ազգային օլիմպիական կոմիտեի խաղային բաժնի պետ Ռոբերտ Ջանիբեկյանը, ՀՀ ծանրամարտիկները արդեն նվաճել են պատանիների Օլիմպիադայի 2 ուղեգիր եւ պետք Է որոշեն, թե կոնկրետ որ մարզիկը կներկայացնի Հայաստանը այս մարզաձեւում: Օլիմպիական ուղեգրերի են հավակնում նաեւ պատանի ըմբիշները, բռնցքամարտիկները, թենիսիստները, թեքվոնդիստները: Թեքվոնդոում պատանեկան օլիմպիական խաղերի ուղեգրերը խաղարկվելու են արդեն մարտին: Ընդհանուր առմամբ, Սինգապուրի պատանեկան օլիմպիական խաղերի ծրագրում ընդգրկված է 18 մարզաձեւ եւ արդեն ապրիլ-մայիսին հայտնի կդառնա, թե Հայաստանի մարզիկներից ով կմասնակցի դրանց: 

ԵՐԵՎԱՆ, 11 ՄԱՐՏԻ, ԱՐՄԵՆՊՐԵՍ: Դավիթ Նալբանդյանը պետք Է օգնի արգենտինացիներին` հաղթելու Ռուսաստանի թիմին Դեւիսի գավաթի՝ տղամարդկանց թենիսի աշխարհի ոչ պաշտոնական թիմային առաջնության մրցաշարի 1/4-րդ եզրափակիչում: Այսօր նման հայտարարություն է արել Արգենտինայի թենիսի տղամարդկանց հավաքականի ավագ (թենիսում այսպես են կոչում թիմի գլխավոր մարզչին) Մոդեստո Վասկեսը: Նա նշել Է նաեւ, որ Արգենտինան ունի լավ թենիսիստներ, բայց Դ. Նալբանդյանի դերը այս մրցամարտում յուրահատուկ Է լինելու: