ՀՌՈՄ, 22 ՀՈՒԼԻՍԻ, ԱՐՄԵՆՊՐԵՍ: Իտալական մաֆիան ճգնաժամի շրջանում ավելացրել է փողերի լվացման ծավալները, քանի որ բանկային վարկավորման մատչելիությունը կտրուկ նվազել է, եւ գոյացած վակուումն արագորեն լցվել է քրեական փողերով: 

ՎԱՇԻՆԳՏՈՆ, 22 ՀՈՒԼԻՍԻ, ԱՐՄԵՆՊՐԵՍ: Համաշխարհային տնտեսական աճի տեմպերը 2010 թվականի երկրորդ կիսամյակում կդանդաղեն: Այս կարծիքը, ինչպես հաղորդել է Bloomberg գործակալությունը, հայտնել է Նյու Յորքի համալսարանի պրոֆեսոր Նուրիել Ռուբինին: Նման կանխատեսումը տնտեսագետը բացատրում է զարգացած երկրներում խթանիչ միջոցառումների դադարեցմամբ եւ խնայողության խիստ ծրագրերի կիրառմամբ: 

ՎԱՇԻՆԳՏՈՆ, 22 ՀՈՒԼԻՍԻ, ԱՐՄԵՆՊՐԵՍ: 2010 թվականի առաջին կիսամյակում Երկրի մթնոլորտի եւ օվկիանոսի միջին ջերմաստիճանը դարձել Է ամենաբարձրը դիտարկումների ամբողջ ժամանակամիջոցում: Այդ մասին հաղորդել Է The Washington Post թերթը՝ վկայակոչելով ՆԱՍԱ-ի Գոդարդի անվան Տիեզերական հետազոտությունների ինստիտուտը: «Ընթացիկ տարվա ջերմաստիճանային տվյալներն այն բանի վկայությունն են, որ մոլորակը շարունակում Է տաքանալ,- ասել Է կլիմայագետ Ռեյֆ Պոմերանսը,- բացարձակ թվերը ցույց են տալիս, որ Երկրի կլիման շարժվում Է անհայտ ուղղությամբ, ինչը դրսեւորվում Է արկտիկական սառույցների համատարած հետ քաշվելով»: 

ՄՈՍԿՎԱ, 21 ՀՈՒԼԻՍԻ, ԱՐՄԵՆՊՐԵՍ: «Աֆրիկայի եւ Մերձավոր Արեւելքի լավագույն քաղաքները» կատեգորիայում Իսրայելի մայրաքաղաքն զբաղեցրել Է առաջին տեղը Travel + Leisure հանդեսի ընթերցողների ամենամյա հարցման ժամանակ: 2009 թվականին Երուսաղեմն զբաղեցրել Էր վարկանիշի երրորդ հորիզոնականը: Հարցման մասնակից ընթերցողները քաղաքները գնահատել են՝ հիմնվելով այնպիսի ցուցանիշների վրա, ինչպիսիք են տեսարժան վայրերը, մշակույթ/արվեստը, ռեստորաններ/խոհանոցը, մարդիկ, շոպինգը եւ համաշխարհային մասշտաբով նշանակությունը: Նրանց ջանքերով Իսրայելի երկրորդ քաղաք Թել Ավիվը յոթերորդ տեղից բարձրացել Է երրորդ տեղը՝ զիջելով Քեյփթաունին: 

ԼՈՆԴՈՆ, 21 ՀՈՒԼԻՍԻ, ԱՐՄԵՆՊՐԵՍ: Մեծ Բրիտանիայի BP ընկերությունը 3,25 միլիարդ դոլարով վաճառել Է Էներգետիկական ակտիվները Կանադայի Ալբերտայի եւ Բրիտանական Կոլումբիայի նահանգներում, որպեսզի վճարի Մեքսիկական ծոցում նավթի տարածման հետեւանքների վերացման հետ կապված ծախսերը: Ինչպես հաղորդել Է CBS հեռուստաընկերությունը, ակտիվների գնորդ Է հանդես եկել ԱՄՆ-ի «Ապաչ քորպորեյշն» ընկերությունը: Կանադայի այն նավթային հարթակներում, որոնք վաճառում Է Մեծ Բրիտանիայի ընկերությունը, նավթի պաշարները գնահատվում են 224 միլիոն բառել: 

ՖԱՌՆԲՈՐՈ (ՄԵԾ ԲՐԻՏԱՆԻԱ), 21 ՀՈՒԼԻՍԻ, ԱՐՄԵՆՊՐԵՍ: «Ֆառնբորո-2010» ավիասալոնի թռիչքային ծրագրի բարձրակետը դարձավ առաջին անգամ «Բոինգ-787» «Դրիմլայներ» նոր հեռամայրուղային ինքինաթիռի ցուցադրումը հանրությանը: Ինքնաթիռն արդեն երկու օր ներկա Էր ավիասալոնի ստատիկ ցուցադրանքում: Սակայն այդ ընթացքում դրան հասցրել են ծանոթանալ ամենեւին ոչ բոլորը: 

ՊԵԿԻՆ, 21 ՀՈՒԼԻՍԻ, ԱՐՄԵՆՊՐԵՍ: Չինաստանը ծրագրում է առաջիկա տասը տարում 5 տրիլիոն յուան (738 մլրդ դոլար) ներդնել էներգիայի մաքուր աղբյուրների զարգացման գործում, որպեսզի կրճատի շրջակա միջավայրի աղտոտման ծավալները: 

ՎԱՇԻՆԳՏՈՆ, 21 ՀՈՒԼԻՍԻ, ԱՐՄԵՆՊՐԵՍ: Ընթացիկ տարվա երկրորդ եռամսյակում անհատական համակարգիչների համաշխարհային մատակարարումները կազմել են 82,867 մլն, ինչը 20,7 տոկոսով բարձր է անցյալ տարվա նույն ժամանակաշրջանի ցուցանիշից: Այդ մասին, ինչպես հաղորդում է «Արմենպրես»-ը, ասված է Gartner հետազոտական ընկերության հաղորդագրության մեջ: Ընդսմին Gartner-ում սպասում էին, որ ապրիլ-հունիսին համակարգիչների մատակարարումները կավելանան ընդամենը 19,3 տոկոսով: 

ՏՈԿԻՈ, 21 ՀՈՒԼԻՍԻ, ԱՐՄԵՆՊՐԵՍ: Ասիայի երկրների էկոնոմիկան սպասվածից ավելի արագ է վերականգնվում: Ինչպես հաղորդում է «Արմենպրես»-ը, այս եզրակացությանն են եկել Զարգացման ասիական բանկի (ԶԱԲ) վերլուծաբանները, որը շտկումներ է կատարել իր կանխատեսումների մեջ: 

ՇԱՆՀԱՅ, ՀՈՒԼԻՍԻ, ԱՐՄԵՆՊՐԵՍ: Այսօր առավոտյան Շանհայի ԷՔՍՊՕ-2010 համաշխարհային ունիվերսալ ցուցահանդեսի տարածք Է մտել 30-միլիոներորդ այցելուն: Ինչպես հաղորդել Է ցուցահանդեսի մեդիա-կենտրոնը, դա տեղի Է ունեցել Համաշխարհային ունիվերսալ ցուցահանդեսի աշխատանքի 82-րդ օրը: Ինչպես սպասվում Է, ցուցահանդեսի աշխատանքի 180 օրվա ընթացքում այն կայցելի առնվազն 70 միլիոն մարդ: ԷՔՍՊՕ-ի համակարգող բյուրոյի տվյալներով, այցելուների մեկ երրորդը զբոսաշրջիկների կազմակերպված խմբեր են, որոնք Շանհայ են ժամանում երկրի մերձակա քաղաքներից եւ նահանգներից: 

ՄԵԽԻԿՈ, 21 ՀՈՒԼԻՍԻ, ԱՐՄԵՆՊՐԵՍ: Պանամայում գրեթե 2,5 տոննա կոկաին Է առգրավվել թմրանյութերի մաքսանենգության դեմ պայքարի գործողության շնորհիվ: Ինչպես հաղորդել են Պանամայի իշխանությունների ներկայացուցիչները, զինվորականները երկրի ափերի մոտ կալանել են մի արագընթաց կատեր, որի մեջ հայտնաբերել են դեղաթույնի խոշոր բեռը: 

ԼՈՆԴՈՆ, 20 ՀՈՒԼԻՍԻ, ԱՐՄԵՆՊՐԵՍ: Աշխարհի խոշորագույն ավիաշինական կորպորացիաները՝ ԱՄՆ-ի Boeing-ը եւ Եվրոպայի Airbus-ը, «Ֆառնբորո-2010» միջազգային ավիասալոնի աշխատանքի առաջին օրը հայտարարել են իրենց արտադրանքի ավելի քան 200 նոր պատվերների մասին: Ամենախոշոր պատվերները՝ երկու ընկերությունների ընդհանուր առմամբ 100 ինքնաթիռների համար, տեղաբաշխել Է General Electric-ի GE Capital Aviation Services (GECAS) ամերիկա-իռլանդական ֆինանսա-վարձակալական ստորաբաժանումը: 

ՔԱԲՈՒԼ, 20 ՀՈՒԼԻՍԻ, ԱՐՄԵՆՊՐԵՍ: Դոնոր երկրների օժանդակությամբ Աֆղանստանի Իսլամական Հանրապետությունում կստեղծվի (աֆղանական հասարակությունում նախկին խռովարարների) Հաշտության եւ վերաինտեգրացման ֆինանսական խնամառու հիմնադրամ: Ինչպես հաղորդում Է «Արմենպրես»-ը, այս որոշումն ընդունել են Աֆղանստանին նվիրված՝ Քաբուլի միջազգային խորհրդաժողովի մասնակիցները: 

ԼՈՆԴՈՆ, 20 ՀՈՒԼԻՍԻ, ԱՐՄԵՆՊՐԵՍ: Մեծ Բրիտանիայի վարչապետ Դեւիդ Քեմերոնն այսօր սկսում Է իր առաջին պաշտոնական այցն ԱՄՆ, որի ընթացքում նա կայցելի Վաշինգտոն եւ Նյու Յորք, կհանդիպի Սպիտակ տան ղեկավար Բարաք Օբամայի եւ հանգուցային նախարարների հետ, կքննարկի Աֆղանստանի հիմնախնդիրները, BP նավթընկերության եւ մեկ տարի առաջ ազատ արձակված «լոքերբիական ահաբեկչի» շուրջն ստեղծված իրադրությունը: Բացի դրանից, Քեմերոնը պետք Է բանակցություններ վարի ԱՄՆ-ի փոխնախագահ Ջոզեֆ Բայդենի եւ Կոնգրեսի հանգուցային անդամների հետ միջազգային քաղաքականության, ինչպես նաեւ Մեծ Բրիտանիայի BP նավթային հսկայի շուրջն առաջացած իրադրության քննարկման համար: 

ՔԱԲՈՒԼ, 20 ՀՈՒԼԻՍԻ, ԱՐՄԵՆՊՐԵՍ: Աֆղանստանի նախագահ Համիդ Քարզայը, դիմելով Քաբուլում ընթացող միջազգային խորհրդաժողովի մասնակիցներին, հայտարարել Է, որ եկել Է ժամանակը «կենտրոնացնելու ընդհանուր ջանքերն աֆղանական առաջնահերթությունների եւ ծրագրերի վրա»: 

ԼՈՆԴՈՆ, 20 ՀՈՒԼԻՍԻ, ԱՐՄԵՆՊՐԵՍ: Անգլիայի Ֆառնբորոյի ավիասալոնում ներկայացվել Է լազեր, որը կարող Է իր հուժկու ճառագայթով ինքնաթիռներ խփել: Ինչպես հաղորդել Է Բի բի սի ռադիոկորպորացիան, դրա միջոցով մայիսին ԱՄՆ-ի ջրային տարածքի երկնքում գաղտնի փորձարկումների կարգով վերացվել են մի քանի անօդաչու թռչող ապարատներ ավելի քան 3 կիլոմետր հեռավորության վրա: 

ՀՌՈՄ, 20 ՀՈՒԼԻՍԻ, ԱՐՄԵՆՊՐԵՍ: Իտալիայի հիվանդանոցներում չեղյալ Է հայտարարվել ավելի քան 40 հազար վիրահատություն: Մարդկանց կյանքը փրկելու փոխարեն վիրաբույժները, սանիտարները եւ բուժքույրերը Հռոմի կենտրոնում կազմակերպել են բողոքի խոշոր գործողություն: Տասնյակ հազարավոր ցուցարարներ գնացել են դեպի խորհրդարանի շենքը, որպեսզի իրենց դժգոհությունը հայտնեն առողջապահության ծախսերը կրճատելու՝ իշխանությունների մտադրությունից: Նրանց խոսքերով, այդ միջոցները կվանեն երիտասարդ մասնագետներին, որոնք առանց այդ Էլ քիչ են: 

ԲԵՅՐՈՒԹ, 19 ՀՈՒԼԻՍԻ, ԱՐՄԵՆՊՐԵՍ: Լիբանանանի մայրաքաղաքը դարձել Է պաղեստինյան այն երկու խմբավորումների միջեւ հանդիպումների նոր հաշտարար փուլի անցկացման վայր, որոնք ինքնավարությունում վիճարկում են իշխանությունը: Ինչպես այսօր հաղորդել Է «Ալ Ախբար» թերթը, Բեյրութի բանակցություններում, որոնք կայացել են «հեռուստախցիկներից հեռու», պատվիրակությունները գլխավորել են ՖԱԹՀ-ի կենտկոմի անդամ Ազզամ ալ Ահմեդը եւ ՀԱՄԱՍ իսլամական շարժման քաղբյուրոյի անդամ Ուսամա Համդանը: Այս երկու քաղաքական գործիչներն Էլ լիազորված են երկխոսություն վարելու ազգային միասնության վերականգնման շուրջը: 

ԼՈՆԴՈՆ, 19 ՀՈՒԼԻՍԻ, ԱՐՄԵՆՊՐԵՍ: Անգլիայի Ֆառնբորո բնակավայրում՝ Լոնդոնից դեպի հարավ - արեւմուտք ընկած շրջանում, այսօր բացվել Է 47-րդ Միջազգային ավիասալոնը, որը խոշորագույնն Է մասնակիցների եւ ցուցադրվող տեխնիկայի թվով: Գտնվելով Եվրոպայում հնագույն վիթխարի թռիչքադաշտում՝ այն անցկացվում Է երկու տարին մեկ անգամ եւ համարվում Է համաշխարհային ավիացիոն օրացույցի գլխավոր իրադարձությունը: 

ԼՈՆԴՈՆ, 19 ՀՈՒԼԻՍԻ, ԱՐՄԵՆՊՐԵՍ: Այսօր Միացյալ Թագավորությունում ուժի մեջ Է մտել ազգային սահմանների վերահսկողության օրենքը, որը սահմանում Է Եվրամիության կազմի մեջ չմտնող երկրներից նոր ժամանող ներգաղթյալների թվի վերին սահմանը, որոնց թույլ կտրվի ապրել եւ աշխատել այստեղ՝ 24 հազար 100 մարդ: Ըստ որում բարձրագույն կրթություն եւ բարձր որակավորում ունեցող անձանց թիվը սահմանափակված Է 18 հազար 700-ով: Այս բաժնեմասը գոյություն կունենա մինչեւ 2011 թվականի ապրիլը, երբ խորհրդարանը կընդունի նոր օրենսդրություն, որի հիման վրա կորոշվի այն ներգաղթյալների քանակը, որոնց թույլատրվում Է աշխատել Մեծ Բրիտանիայում: