ԵՐԵՎԱՆ, 20 ՄԱՐՏԻ, ԱՐՄԵՆՊՐԵՍ: Երեւանի Կոմիտասի անվան պետական կոնսերվատորիայի 85-ամյակին նվիրված իտալական օպերային արվեստի փառատոնի շրջանակներում Ղազարոս Սարյանի անվան օպերային ստուդիան մարտի 21-ին կներկայացնի Գաետանո Դոնիզետիի «Լուչիա դի Լամերմուր» օպերան: 

ԵՐԵՎԱՆ, 20 ՄԱՐՏԻ, ԱՐՄԵՆՊՐԵՍ: Երեւանի` Շառլ Ազնավուրի անվան հրապարակում մարտի 22-ին կմեկնարկի Բրիտանական ֆիլմերի 8-րդ փառատոնը, որին կհետեւի օսկարակիր «Դքսուհի» ֆիլմի ցուցադրությունը «Մոսկվա» կինոթատրոնի կարմիր դահլիճում: 

ԵՐԵՎԱՆ, 20 ՄԱՐՏԻ, ԱՐՄԵՆՊՐԵՍ: Հայ առաքելական եկեղեցին այսօր նշում է Սբ Գրիգոր Լուսավորչի սոսկալի չարչարանքների ու Վիրապ մտնելու հիշատակության օրը: Սա հայ առաջին կաթողիկոս Սբ Գրիգոր Լուսավորչին նվիրված երեք հիշատակության օրերից` տարվա մեջ առաջինն է: 

ԵՐԵՎԱՆ, 20 ՄԱՐՏԻ, ԱՐՄԵՆՊՐԵՍ: «ԱՐՄՄՈՆՈ» միջազգային 8-րդ թատերական փառատոնի շրջանակներում Երեւանի պատանի հանդիսատեսի թատրոնում մարտի 21-ին ֆրանսիական «Էթոնե» թատրոնը կներկայացնի «Հայկական համերգը կամ թուրք ասացվածքը» մոնոներկայացումը: Այն բեմադրել է ֆրանսահայ ռեժիսոր Սերժ Ավետիքյանը մեկ այլ ֆրանսահայի` կոմպոզիտոր Ժիրայր Թորիկյանի պիեսի հիման վրա, ով էլ մոնոներկայացման միակ դերակատարն է: Ինչպես այսօր լրագրողների հետ հանդիպման ժամանակ նշեց Սերժ Ավետիքյանը, պիեսի հիմքում ընկած է թուրքական «Երբեք թույլ մի տուր հային սկսել, բառերը միշտ ձախողում են նրան» ասացվածքը: Պիեսը հայազգի կոմպոզիտորի մասին է, ով պատրաստվում է առաջիկա համերգում ներկայացնել «Ոդիսական»-ից ներշնչված իր նոր ստեղծագործությունը: 

ԵՐԵՎԱՆ, 20 ՄԱՐՏԻ, ԱՐՄԵՆՊՐԵՍ: Երեւանի ճարտարապետության ազգային թանգարան-ինստիտուտում բացվել է գարնանամուտին եւ կանանց միամսյակին նվիրված «Գարնանային գույներ» ցուցահանդեսը: Այստեղ ներկայացված է 16 ուսանողի 50 աշխատանք` գրաֆիկական, յուղաներկով, մետաքսի վրա, նաեւ` քարից եւ մետաղից քանդակներ: «Բնությունը` գեղեցկուհի, կին եւ մայր, ներկայացված է իր անսպառ երանգներով ու հմայքով: Սա լավ նվեր է բոլոր գեղեցիկը սիրողներին»,-ասաց ցուցահանդեսի կազմակերպիչ, ապագա արվեստաբան Անի Գրիգորյանը: 

ԵՐԵՎԱՆ, 19 ՄԱՐՏԻ, ԱՐՄԵՆՊՐԵՍ: Հայաստանում այսօր պաշտոնապես մեկնարկել են Ֆրանկոֆոնիայի օրերը, որոնք այս տարի համընկել են Ֆրանկոֆոնիայի միջազգային կազմակերպության 40-ամյա հոբելյանի հետ: Ինչպես «Արմենպրես»-ին տեղեկացրին ՀՀ ԱԳՆ մամուլի, տեղեկատվության եւ հասարակայնության հետ կապերի վարչությունից, այսօր ԱԳՆ-ում Հայաստանում հավատարմագրված դեսպանների եւ ֆրանկոֆոն երկրներից ժամանած բարձրաստիճան պատվիրակությունների մասնակցությամբ կազմակերպված ընդունելությամբ տրվել է Ֆրանկոֆոնիայի օրերի մեկնարկը, որի շրջանակներում ԱԳՆ նախաձեռնությամբ կազմակերպվել են տասնյակ միջոցառումներ: 

ԵՐԵՎԱՆ, 19 ՄԱՐՏԻ, ԱՐՄԵՆՊՐԵՍ: Հովհ. Թումանյանի անվան պետական տիկնիկային թատրոնում «ԱՐՄՄՈՆՈ» թատերական փառատոնի շրջանակներում հանդիսատեսի դատին հանձնվեց Նարինե Գրիգորյանի «Թռիչք քաղաքի վրայով» մոնոներկայացումը: Ինչպես «Արմենպրես»-ի հետ զրույցում նշեց Նարինե Գրիգորյանը, մարդը տիեզերքի մասնիկն է, բայց նաեւ իր մեջ կրում է տիեզերքի ամբողջականությունը: 

ԵՐԵՎԱՆ, 19 ՄԱՐՏԻ, ԱՐՄԵՆՊՐԵՍ: Թուրք գրող Օրհան Փամուկի գրքերում հայկական շերտեր կան: Նման համոզմունք հայտնեց գրականագետ Դավիթ Գասպարյանն այսօր լրագրողների հետ հանդիպման ժամանակ` նշելով, որ համաձայն չէ այն գրականագետների հետ, ովքեր Օ. Փամուկին քննադատում են` մեղադրելով փաստերը «կիսատ-պռատ» ներկայացնելու մեջ: «Թուրք գրող Քեմալ Յալչըմի «Հոգիս քեզնով է խայտում» գրքում գրողն անդրադարձել է հայկական թեմաներին: Այստեղ կարեւորն այն է, որ նրա գրքով մենք ճանաչում ենք մի նոր Հայաստան, Եղեռնից հետո կրոնափոխ եղած, թրքացված հայերի բացահայտումն է այս գրքում»,- ասաց Դ. Գասպարյանը: 

ԵՐԵՎԱՆ, 19 ՄԱՐՏԻ, ԱՐՄԵՆՊՐԵՍ: «Նիգ-Ապարան» հայրենակցական միությունը «Արի տուն» խորագրով երգ նվիրեց Հայաստանի Հանրապետության սփյուռքի նախարարության «Արի տուն» ծրագրին, որն այսօր ՀՀ վաստակավոր արտիստուհի Լեյլա Սարիբեկյանի կատարմամբ ներկայացվեց նախարարությունում: 

ԵՐԵՎԱՆ, 19 ՄԱՐՏԻ, ԱՐՄԵՆՊՐԵՍ: Առնո Բաբաջանյանի անվան համերգասրահում մարտի 26-ին կբացվի խաչքարագործ Վարազդատ Համբարձումյանի անհատական ցուցահանդեսը, որին ներկայացված կլինեն խաչքարագործի քանդակների լուսանկարները եւ մի քանի քանդակներ: Կցուցադրվի նաեւ ֆիլմ, որը կպատմի վարպետի ստեղծագործական կյանքի մասին: 

ԵՐԵՎԱՆ, 19 ՄԱՐՏԻ, ԱՐՄԵՆՊՐԵՍ: Երեւանի պատանի հանդիսատեսի թատրոնում «ԱՐՄՄՈՆՈ» փառատոնի շրջանակներում այսօր ցուցադրվեց Արմեն Սանթրոսյանի «Մի քաղաքի պատմություն» մոնոներկայացումը: Այն պատրաստվել է Մ. Սալտիկով-Շչեդրինի «Մի քաղաքի պատմություն» հանրահայտ ստեղծագործության հիման վրա: Ինչպես «Արմենպրես»-ի հետ զրույցում նշեց Արմեն Սանթրոսյանը, կա Հիմարավան կոչվող մի քաղաք, որտեղ մեկը մյուսի հետեւից նշանակվում են հիմար, դաժան, անգրագետ քաղաքապետեր: Նրանք ամեն ինչով նման են իրար` ոչնչով չեն տարբերվում մեկը մյուսից: 

ԵՐԵՎԱՆ, 19 ՄԱՐՏԻ, ԱՐՄԵՆՊՐԵՍ: Երեւանի Կոմիտասի անվան պետական կոնսերվատորիայում այսօր կայացավ Հայաստանի Հանրապետության նախագահի երիտասարդական մրցանակի «Երգեցողություն» անվանակարգի եզրափակիչ փուլը: Դասական ստեղծագործություններով հանդես եկան կիսաեզրափակիչ փուլն անցած 8 մասնակիցներից 5-ը` Անուշ Հովհաննիսյան, Հովսեփ Նշանյան, Գուրգեն Բավեյան, Թերեզա Գեւորգյան, Գրիգոր Աբրահամյան: Այս, ինչպես նաեւ մնացած բոլոր անվանակարգերի հաղթողների անունները կներկայացվեն մայիսի 13-ին կայանալիք մրցանակաբաշխության ժամանակ: 

ԵՐԵՎԱՆ, 19 ՄԱՐՏԻ, ԱՐՄԵՆՊՐԵՍ: Հանրապետությունում մարտի 17-ին մեկնարկած «Արմմոնո» մոնոներկայացումների միջազգային 8-րդ թատերական փառատոնի երկրորդ մասը կանցկացվի մայիսին Կապանում: Ինչպես այսօր հրավիրված ասուլիսում տեղեկացրեց փառատոնի տնօրեն Մարիանա Մխիթարյանը, փառատոնի շրջանակներում մարզում կրկին ներկայացումների անցկացումը այս տարվա նորություններից է: Բացի դրանից, այս տարի ներկայացումները բեմադրվում են ավելի մեծ բեմերում` նպատակ ունենալով ավելի շատ հանդիսատեսի ներգրավել: «Որքան շատ հանդիսատես է դիտում մոնոներկայացումը, այնքան ավելի սիրելի է դառնում թատերական այդ ժանրը նրանց համար»,- ասաց նա: 

ԵՐԵՎԱՆ, 19 ՄԱՐՏԻ, ԱՐՄԵՆՊՐԵՍ: Երեւանի գեղարվեստի պետական ակադեմիայի ռեկտորատի որոշմամբ` այսօր Հայաստանի ազգային պատկերասրահին նվիրաբերվեցին երկու հայտնի նկարիչներ` Սեդրակ Առաքելյանի եւ Վանո Խոջաբեկյանի երեսուներկու աշխատանքներ, որոնք ցուցադրվում էին առաջին անգամ: 

ԵՐԵՎԱՆ, 19 ՄԱՐՏԻ, ԱՐՄԵՆՊՐԵՍ: Ռուսաստանի Եկատերինբուրգ քաղաքում փետրվարի 8-13-ն անցկացված «Ճանապարհ դեպի վարպետություն» 2-րդ միջազգային մրցույթում Հայաստանի ներկայացուցիչ Ալեքսանդր Իրադյանն արժանացել է Գրան-պրի մրցանակի: Ինչպես այսօր հրավիրված ասուլիսում նշեց Կոմիտասի անվան պետական կոնսերվատորիայի 3-րդ կուրսի ուսանող, 19-ամյա կոմպոզիտոր Ա. Իրադյանը, մրցույթը խմբավարային, երաժշտագիտական եւ կոմպոզիտորական բաժինների ուսանողների պատրաստվածության ստուգատես էր, որին մասնակցել է շուրջ 40 երիտասարդ կատարող ԱՊՀ երկրներից: 

ԵՐԵՎԱՆ, 19 ՄԱՐՏԻ, ԱՐՄԵՆՊՐԵՍ: Հայաստանի Հանրապետության արտաքին գործերի նախարարության նախաձեռնությամբ Հայաստանում անցկացվում են Ֆրանկոֆոնիայի օրեր` նվիրված Ֆրանկոֆոնիայի միջազգային կազմակերպության 40-ամյակին: 

ԵՐԵՎԱՆ, 18 ՄԱՐՏԻ, ԱՐՄԵՆՊՐԵՍ: Ընթացիկ տարվա հունիսին հայտնի բրիտանացի երգահան Լլոյդ Ուեբերի հիմնադրամը վաճառքի կհանի Պաբլո Պիկասոյի վրձնած դիմանկարը լոնդոնյան «Christie‘s» աճուրդում: Ինչպես հաղորդում են միջազգային գործակալությունները, փորձագետների գնահատմամբ` Պաբլո Պիկասոյի կտավը կվաճառվի 30-40 մլն ֆունտ ստեռլինգով (մոտ 60,9 մլն դոլար): «Անխել Ֆերնանդես դե Սոտոյի դիմանկարը», որը նկարիչը վրձնել է 1903թ., դասվում է Պաբլո Պիկասոյի արվեստի «կապույտ» շրջանին: 

ԵՐԵՎԱՆ, 18 ՄԱՐՏԻ, ԱՐՄԵՆՊՐԵՍ: ՀՀ Սահմանադրական դատարանի նախագահ Գագիկ Հարությունյանը, ՀՀ մշակույթի նախարար Հասմիկ Պողոսյանը, ՀՀ ԱԳՆ գլխավոր քարտուղար Շահեն Ավագյանը եւ Իտալիայում ՀՀ դեսպան Ռուբեն Կարապետյանը մարտի 14-16-ը մասնակցել են Վենետիկում Հայ մշակույթի ուսումնասիրության եւ վավերագրման կենտրոնի հոգաբարձուների խորհրդի նիստին: 

ԵՐԵՎԱՆ, 17 ՄԱՐՏԻ, ԱՐՄԵՆՊՐԵՍ: Իտալացի աշխարհահռչակ օպերային ռեժիսոր Մարիո Կորրադինի բեմադրությամբ եւ աշխարհահռչակ օպերային երգչուհի Հասմիկ Պապյանի մասնակցությամբ հունիսին Ալ. Սպենդիարյանի անվան օպերայի եւ բալետի ազգային ակադեմիական թատրոնում կկայանա Ջուզեպպե Վերդիի «Աիդա» օպերայի պրեմիերան: Ինչպես «Արմենպրես»-ի հետ զրույցում նշեց դիրիժոր Հարություն Արզումանյանը, հայ հանդիսատեսը հնարավարություն կունենա 25 տարվա դադարից հետո կրկին հայկական բեմում դիտել «Աիդա»-ն, որը Վերդիի լավագույն օպերան է: «Սկսվել են արդեն նախապատրաստական փորձերը` եւ նվագախմբի, եւ երգիչների մասնակցությամբ»,- ասաց Հարություն Արզումանյանը` ավելացնելով, որ օպերան բաղկացած կլինի 4 գործողությունից: 

ԵՐԵՎԱՆ, 18 ՄԱՐՏԻ, ԱՐՄԵՆՊՐԵՍ: «Լեզվի մասին» ՀՀ օրենքն ընդունված բոլոր օրենքների մեջ ամենակարեւորն է, քանի որ դրա շնորհիվ սահմանվում են նաեւ կրթական չափորոշիչներ: Ինչպես այսօր լրագրողների հետ հանդիպման ժամանակ նշեց ԵՊՀ հայոց լեզվի պատմության ամբիոնի վարիչ, բանասիրական գիտությունների դոկտոր, պրոֆեսոր Ռուբեն Սաքապետոյանը, օրենքի ընդունումը լեզվի անհրաժեշտության գիտակցման առաջին քայլն է: «Իմ խորին համոզմամբ` լեզվի իմացությունը, լեզվի պաշտպանությունը ամեն մի ազգի ազգային անվտանգության խնդիր է: