ԵՐԵՎԱՆ, 26 ՀՈՒԼԻՍԻ, ԱՐՄԵՆՊՐԵՍ: «ՆԱՍԴԱՔ ՕԷՄԷՔՍ ԱՐՄԵՆԻԱ» ԲԲԸ-ում այսօր կայացել է 1500000 ԱՄՆ դոլարի առք ու վաճառք՝ 369.18 դրամ մեկ ԱՄՆ դոլարի դիմաց միջին կշռված փոխարժեքով: Ինչպես «Արմենպրես»-ին տեղեկացրին ՀՀ ԿԲ-ից, փակման գինը կազմել է 369.75 դրամ: 

ԵՐԵՎԱՆ, 26 ՀՈՒԼԻՍԻ, ԱՐՄԵՆՊՐԵՍ: Պետեկամուտների կոմիտեում ստեղծվել է 22 աշխատանքային խումբ, որոնք մշակում են էլեկտրոնային կառավարման նոր մոդուլներ եւ դրանց կիրառման հնարավորությունները: Հուլիսի 23-ից 24-ը Ծաղկաձորում տեղի ունեցած աշխատաժողովի ընթացքում ՊԵԿ-ի եւ ԱՄՆ Միջազգային զարգացման գործակալության հայաստանյան առաքելության ներկայացուցիչները քննարկել են ԱԱՀ-ի հետվերադարձի ավտոմատ ռեժիմի մշակման, դրա կիրառության եւ ծրագրավորման խնդիրների կարգավորման հարցերը: Այս փուլում դեռեւս տեղի են ունենում ներքին քննարկումներ, հետագայում քննարկումներին կմիանան բիզնեսի ներկայացուցիչները: 

ԵՐԵՎԱՆ, 26 ՀՈՒԼԻՍԻ, ԱՐՄԵՆՊՐԵՍ: Հայաստանի Հանրապետության վարչապետ Տիգրան Սարգսյանն այսօր աշխատանքային այցով Արմավիրի մարզում էր: Ներկա էին Հայաստանում ԱՄՆ-ի արտակարգ եւ լիազոր դեսպան Մարի Յովանովիչը, ՀՀ գյուղատնտեսության նախարար Գերասիմ Ալավերդյանը, Արմավիրի մարզպետ Աշոտ Ղահրամանյանը, «Հազարամյակի Մարտահրավեր Հիմնադրամ-Հայաստան» ՊՈԱԿ-ի գլխավոր տնօրեն Արա Հովսեփյանը եւ այլք: 

ԴՈՒԲԱՅ, 26 ՀՈՒԼԻՍԻ, ԱՐՄԵՆՊՐԵՍ: Dubai Duty Free-ն (DDF) երկրորդ տարին անընդմեջ մանրածախ առեւտրից ստացված հասույթի ծավալով աշխարհում ճանաչվել է անմաքս առեւտրի խոշորագույն խանութը: Ինչպես հաղորդել է Generation Research հետազոտական ընկերությունը, 2009 թվականին այն կազմել է 1,14 մլրդ դոլար: DDF-ն դարձյալ հետեւում է թողել Լոնդոնի «Հիթրոու» օդանավակայանի անմաքս առեւտրի խանութներին` նրա 1 մլրդ դոլար հասույթով եւ Սեուլի «Ինչխոն» օդանավակայանը, որի մանրածախ վաճառքների ծավալն անցած տարի կազմել է 970 մլն դոլար: 

ԵՐԵՎԱՆ, 26 ՀՈՒԼԻՍԻ, ԱՐՄԵՆՊՐԵՍ: ՀՀ կենտրոնական բանկը վարկանշել է «Արմավիա» ավիաընկերություն ՍՊԸ-ին՝ շնորհելով «Գ+» վարկանիշ: Այս մասին «Արմենպրես»-ին տեղեկացրին ՀՀ ԿԲ-ից: 

ԵՐԵՎԱՆ, 26 ՀՈՒԼԻՍԻ, ԱՐՄԵՆՊՐԵՍ: Հայաստանի տնտեսական քաղաքականությունն ու վերջինիս հետագա ուղին այսօր քննարկման առարկա էր համապատասխան պետական մամինների շրջանակում: Արժույթի միջազգային հիմնադրամի նախաձեռնությամբ այսօր հանդիպեցին ՀՀ ֆինանսների նախարար Տիգրան Դավթյանը, ՀՀ էկոնոմիկայի նախարար Ներսես Երիցյանը, «Սինոփսիս Արմենիա» ՓԲԸ-ի գործադիր տնօրեն Հովիկ Մուսայելյանը, այլք: Քննարկվեցին Հայաստանի մակրոտնտեսական զարգացումների միտումները, Հայաստանի տնտեսության անցյալի դժվարությունները, ներկայիս իրավիճակը եւ ապագայի հեռանկարները: 

ՎԱՇԻՆԳՏՈՆ, 26 ՀՈՒԼԻՍԻ, ԱՐՄԵՆՊՐԵՍ: Microsoft Corp-ը` ծրագրային ապահովման համաշխարհային խոշորագույն արտադրողը, ֆինանսական տարվա չորրորդ եռամսյակում համակարգիչների եւ սերվերների համար ծրագրային ապահովման հաջող վաճառքների հաշվին 22 տոկոսով ավելացրել է հասույթը: Ցուցանիշը գերազանցել է շուկայի սպասումները: 

ՄՈՍԿՎԱ, 26 ՀՈՒԼԻՍԻ, ԱՐՄԵՆՊՐԵՍ: Ռուսաստանցի զբոսաշրջիկներին ներգրավելուն ուղղված Եգիպտոսի իշխանությունների ջանքերը զուր չեն անցել. ռուսաստանյան շուկան Բուրգերի երկրի առողջարանների ռեկորդային պահանջարկ է արձանագրել: Ռուսաստանի տուրօպերատորների ասոցիացիայի նախնական տվյալների համաձայն` այս տարվա առաջին կիսամյակում այն աճել է գրեթե 70 տոկոսով` մինչեւ 1,437 մլն մարդ: 

ԲՈՒԴԱՊԵՇՏ, 26 ՀՈՒԼԻՍԻ, ԱՐՄԵՆՊՐԵՍ: Հունգարիայի խորհրդարանը հավանություն է տվել բանկային նոր հարկին, որը եռակի ավելի խիստ է Եվրոպայի մյուս երկրներում եւ ԱՄՆ-ում ձեռնարկված համանման միջոցներից: Այդպիսով, Հունգարիան Արժույթի միջազգային հիմնադրամի հետ բանակցությունների ձախողումից հետո շարունակում է բյուջետային դեֆիցիտի կրճատման ծրագրի իրացումը: 

ՀՌՈՄ, 26 ՀՈՒԼԻՍԻ, ԱՐՄԵՆՊՐԵՍ: Վատիկանի առեւտրական կետերում՝ դեղատներում, փոստային գրասենյակներում, հուշանվերների կրպակներում եւ բենզալցավորման կայաններում սկսել են որպես մանր տալ 50 եվրոցենտ արժողությամբ նոր մետաղադրամներ՝ Հռոմի Բենեդիկտոս XVI պապի կիսադեմով: 

ՍԱՆԿՏ ՊԵՏԵՐԲՈՒՐԳ, 26 ՀՈՒԼԻՍԻ, ԱՐՄԵՆՊՐԵՍ: Սանկտ Պետերբուրգը, որ համարվում է աշխարհի մշակութային խոշոր կենտրոններից մեկը, այս օրերին իր համաքաղաքացիներին եւ բազմահազար հյուրերի ներկայանում է նաեւ որպես Ռուսաստանում սուրճի օգտագործման ու տարածման, այդ բուրումնավետ ըմպելիքին վերաբերող ավանդույթների կրող,դրանք շարունակող ու զարգացնող քաղաք: Վավերագրորեն հաստատված է, որ Ռուսաստանում սուրճ սկսել են օգտագործել ուղիղ 300 տարի առաջ: 

ԵՐԵՎԱՆ, 26 ՀՈՒԼԻՍԻ, ԱՐՄԵՆՊՐԵՍ: Կենտրոնական բանկում այսօր կայացել է պետական (գանձապետական) կարճաժամկետ AMGT1325A101 թողարկման պարտատոմսերի առաջնային տեղաբաշխում: Ինչպես «Արմենպրես»-ին տեղեկացրին ՀՀ ԿԲ-ից, աճուրդին մասնակցել է 7 դիլեր: Ներկայացված առաջարկությունների ընդհանուր ծավալը 2 819 429 000 դրամ է, մրցակցային առաջարկությունների ծավալը` 2 659 429 000 դրամ, ոչ մրցակցային առաջարկությունների ծավալը` 160 000 000 դրամ, իսկ բավարարված առաջարկությունների ընդհանուր ծավալը՝ 1 000 000 000 դրամ: 

ԼՈՆԴՈՆ, 26 ՀՈՒԼԻՍԻ, ԱՐՄԵՆՊՐԵՍ: 2010 թվականի երկրորդ եռամսյակի արդյունքներով Մեծ Բրիտանիայի համախառն ներքին արդյունքը նախորդ եռամսյակի համեմատ աճել է 1,1 տոկոսով: Այդ մասին վկայում են երկրի ազգային վիճակագրական վարչության նախնական տվյալները: Սա վերջին չորս տարում այդ ցուցանիշի առավել զգալի բարձրացումն է: Ինչպես հաղորդել է Bloomberg գործակալությունը, փորձագետները երկրի ՀՆԱ-ի աճ էին սպասում ընդամենը 0,6 տոկոսով: 

ԺՆԵՎ, 26 ՀՈՒԼԻՍԻ, ԱՐՄԵՆՊՐԵՍ: Այս տարվա արդյունքներով` օտարերկրյա ուղղակի ներդրումների (ՕՈՒՆ) գլոբալ մակարդակը փոքր-ինչ բարձրացել է, իսկ 2012 թվականին կվերադառնա մինչճգնաժամային մակարդակին: Ինչպես հաղորդում է «Արմենպրես»-ը, այս եզրակացությունն է բովանդակում համաշխարհային ներդրումների վերաբերյալ զեկույցը, որը տարածվել է ՄԱԿ-ի առեւտրի եւ զարգացման խորհրդաժողովի (UNKTAD) օրերս Ժնեւում կայացած նիստում: 

ԵՐԵՎԱՆ, 23 ՀՈւԼԻՍԻ, ԱՐՄԵՆՊՐԵՍ: Հուլիսի 27-ին տեղի կունենա Հայաստանի Հանրապետության AMGN36093130 թողարկման պարտատոմսերի տեղաբաշխման աճուրդ: Ինչպես «Արմենպրես»-ին տեղեկացրին ՀՀ կենտրոնական բանկի հասարակայնության հետ կապերի ծառայությունից, տեղաբաշխման ծավալը մեկ միլիարդ հինգ հարյուր միլիոն դրամ է, արժեկտրոնի տարեկան եկամտաբերությունը` 12.50%, արժեկտրոնների վճարման պարբերականությունը` կիսամյակային, պարտատոմսերի ձեռք բերման նվազագույն ծավալը սահմանվում է 10 000դրամ, քայլը` 1000 դրամ: Աճուրդը կկայանա 2010 թ. հուլիսի 27-ին` ժամը 10.30-ին ՀՀ կենտրոնական բանկում: Աճուրդին կարող են մասնակցել գործակալները: 

ՄՈՍԿՎԱ, 23 ՀՈՒԼԻՍԻ, ԱՐՄԵՆՊՐԵՍ: Այս տարվա երկրորդ եռամսյակում Nokia-ի հասույթը կազմել է 10 մլրդ եվրո, ինչը 1 տոկոսով ավելի է անցյալ տարվա համապատասխան ժամանակաշրջանի ցուցանիշից: Այդ մասին ասված է ընկերության հաղորագրության մեջ: 

ԵՐԵՎԱՆ, 23 ՀՈւԼԻՍԻ, ԱՐՄԵՆՊՐԵՍ: Կենտրոնական բանկի խորհրդի հուլիսի 20-ի թիվ 167 Ա որոշման համաձայն «ԱՂԴԱՂ» ՍՊ ընկերությանը տրամադրվել է գրավատան կազմակերպման լիցենզիա: Այս մասին «Արմենպրես»-ին տեղեկացրին ՀՀ կենտրոնական բանկի հասարակայնության հետ կապերի ծառայությունից: 

ԼՈՆԴՈՆ, 23 ՀՈՒԼԻՍԻ, ԱՐՄԵՆՊՐԵՍ: Աշխարհի խոշորագույն ավիաարտադրողները՝ ԱՄՆ-ի Boeing-ը եւ Եվրոպայի Airbus-ը, հայտարարել են 43 ինքնաթիռների պատվերների մասին, որոնք նրանք ստացել են հինգշաբթի օրը, որը դարձել Է Մեծ Բրիտանիայում «Ֆառնբորո-2010» միջազգային ավիատիեզերական սալոնի վերջին առեւտրական օրը: Boeing-ը եւ Ադրբեջանի Azerbaijan Airlines ընկերությունն ստորագրել են ավելի վաղ պատվիրված նոր սերնդի Boeing 737 ինքնաթիռները մեծ հեռվության Boeing 767-300ER մեկ հանրանավով եւ երկու բեռնատար Boeing 767-ով փոխարինելու համաձայնագիր: 

ԵՐԵՎԱՆ, 23 ՀՈւԼԻՍԻ, ԱՐՄԵՆՊՐԵՍ: Հուլիսի 19-23-ն ընկած ժամանակահատվածում արտարժույթի ներբանկային շուկայում բանկերի կողմից գնվել է 56,538,410 ԱՄՆ դոլար՝ 363.49 դրամ ԱՄՆ մեկ դոլարի դիմաց միջին փոխարժեքով, եւ վաճառվել 55,792,822 ԱՄՆ դոլար՝ 365.02 դրամ ԱՄՆ մեկ դոլարի դիմաց միջին փոխարժեքով: Ինչպես «Արմենպրես»-ին տեղեկացրին ՀՀ կենտրոնական բանկի հասարակայնության հետ կապերի ծառայությունից, «ՆԱՍԴԱՔ ՕԷՄԷՔՍ ԱՐՄԵՆԻԱ» ԲԲ ընկերությունում նշված ժամանակահատվածում իրականացվել է 6,750,000 ԱՄՆ դոլարի առք եւ վաճառք՝ 365.77 դրամ մեկ ԱՄՆ դոլարի դիմաց միջին փոխարժեքով: 

ԵՐԵՎԱՆ, 23 ՀՈՒԼԻՍԻ, ԱՐՄԵՆՊՐԵՍ: «ՆԱՍԴԱՔ ՕԷՄԷՔՍ ԱՐՄԵՆԻԱ» ԲԲԸ-ում այսօր կայացել է 700000 ԱՄՆ դոլարի առք ու վաճառք՝ 368 դրամ մեկ ԱՄՆ դոլարի դիմաց միջին կշռված փոխարժեքով: Ինչպես «Արմենպրես»-ին տեղեկացրին ՀՀ ԿԲ-ից, փակման գինը կազմել է 368 դրամ: