ԵՐԵՎԱՆ, 13 ՄԱՐՏԻ, ԱՐՄԵՆՊՐԵՍ: «Հարավկովկասյան երկաթուղի» ՓԲ եւ «Ջի Էն Սի Ալֆա» ընկերությունները մարտի 12-ին ստորագրել են ռազմավարական համագործակցության համաձայնագիր: Ինչպես «Արմենպրես»-ին տեղեկացրին «Հարավկովկասյան երկաթուղիներ»-ից, կողմերը կփոխգործակցեն կապի ոլորտում փոխադարձ հետաքրքրության հարցերի լուծման ուղղությամբ, ինչի արդյունքում հնարավորություններ կբացվեն փոխադարձ ռեսուրսների օգտագործման, երկու ընկերություններում նեդրումների մակարդակի արդյունավետության բարձրացման ուղղությամբ: 

ԵՐԵՎԱՆ, 13 ՄԱՐՏԻ, ԱՐՄԵՆՊՐԵՍ: Նախորդ տարի ՀՀ էկոնոմիկայի նախարարության մտավոր սեփականության գործակալություն է ներկայացվել 127 գյուտի եւ 41 օգտակար մոդելի հայտ, որոնցից 157-ը ազգային, 11-ը` օտարերկրյա հայտատուներից: Ինչպես «Արմենպրես»-ին տեղեկացրին Հայաստանի ազգային վիճակագրական ծառայությունից, անցյալ տարի ազգային հայտատուներից ստացված հայտերի քանակը 2008թ-ի համեմատ նվազել է 73-ով: 2009թ-ին ազգային ընթացակարգով Մտավոր սեփականության գործակալություն է ներկայացվել ապրանքնային նշանի գրանցման 1707 հայտ եւ ապրանքի ծագման տեղանվան օգտագործման իրավունքի 1 հայտ: 2008թ-ի համեմատ ազգային հայտատուներից ստացված հայտերի քանակն աճել է 18,3 տոկոսով: 

ԵՐԵՎԱՆ, 13 ՄԱՐՏԻ, ԱՐՄԵՆՊՐԵՍ: Արցախի Հանրապետության նախագահ Բակո Սահակյանը մարտի 12-ին ընդունել է բարերար եւ գործարար, «ԲԱՄՈ» ընկերությունների խմբի տնօրենների խորհրդի նախագահ Մուրադ Մուրադյանին: Ինչպես «Արմենպրես»-ին տեղեկացրին ԼՂՀ նախագահի աշխատակազմի տեղեկատվության գլխավոր վարչությունից, հանդիպմանը, որին մասնակցել է «Բեյզ Մեթըլս» փակ բաժնետիրական ընկերության նախագահ Վալերի Մեջլումյանը, քննարկվել են Արցախում տարբեր ծրագրերի իրականացման հեռանկարները: 

ԵՐԵՎԱՆ, 12 ՄԱՐՏԻ, ԱՐՄԵՆՊՐԵՍ: Հանրապետությունում 2010թ-ի հունվարին իրականացվել է անշարժ գույքի 8 հազար 131 գործարք, որը 2009թ. հունվարի համեմատ աճել է 11, 7 տոկոսով, իսկ 2009թ. դեկտեմբերի համեմատ նվազել՝ 52, 9 տոկոսով: Ինչպես «Արմենպրես»-ին տեղեկացրին Հայաստանի Հանրապետության կառաարությանն առընթեր անշարժ գույքի կադաստրի պետական կոմիտեի լրատվական ծառայությունից, 2010թ. հունվարին անշարժ գույքի նկատմամբ իրականացված 2 հազար 437 օտարման գործարքների 81,5 տոկոսը կազմել են առքուվաճառքները, 17,4 տոկոսը` նվիրատվությունները եւ 1,1 տոկոսը` փոխանակությունները: Անշարժ գույքի օտարման գործարքների քանակի 33,1 տոկոսն արձանագրվել է Երեւան քաղաքում, իսկ օտարված անշարժ գույքի 32,5 տոկոսը բազմաբնակարան բնակելի շենքերի բնակարաններն են: 

ԵՐԵՎԱՆ, 12 ՄԱՐՏԻ, ԱՐՄԵՆՊՐԵՍ: «Հազարամյակի մարտահրավեր հիմնադրամ-Հայաստան» (ՀՄՀ-Հայաստան) ՊՈԱԿ-ն այսօր պայմանագիր է կնքել Արարատյան դաշտավայրի դրենաժային համակարգի վերականգնման (2-րդ փաթեթի) իրականացման վերաբերյալ: Ինչպես «Արմենպրես»-ին տեղեկացրին «ՀՄՀ-Հայաստան» ՊՈԱԿ-ից, պայմանագիրը շնորհվել է «ՍԱԴԵ» (Ֆրանսիա), «Բլեսկ» (Ռուսաստանի Դաշնություն) եւ ենթակապալառու «Արտեզիա» (Հայաստան) ընկերություններից բաղկացած կոնսորցիումին` 8,08 միլիոն ԱՄՆ դոլար ընդհանուր արժեքով: Պայմանագրի ավարտը նախանշվում է 2011թ.-ի հուլիսի 31-ին: Պայմանագիրը ստորագրվել է «ՀՄՀ-Հայաստան»-ի գրասենյակում` գլխավոր գործադիր տնօրեն Արա Հովսեփյանի եւ «ՍԱԴԵ», «Բլեսկ» ընկերությունների տնօրենների կողմից: 

ՄՈՍԿՎԱ, 12 ՄԱՐՏԻ, ԱՐՄԵՆՊՐԵՍ: Ամերիկյան արժույթը կպահպանի իր իրավաբանական ուժն անկախ թողարկման ժամկետից: Այդ մասին, ինչպես հաղորդում Է «Արմենպրես»-ը, հայտարարել Է ԱՄՆ-ի կառավարությունը նոր 100-դոլարանոց թղթադրամների թողարկման առնչությամբ: Նոր դիզայնով ամերիկյան 100-դոլարանոց թղթադրամները շրջանառության մեջ կդրվեն 2010 թվականի ապրիլի 21-ից: Միացյալ Նահանգների կառավարության հայտարարության համաձայն, հին թղթադրամները նորերով փոխանակելու անհրաժեշտություն չկա, քանի որ ԱՄՆ-ի ամբողջ արժույթը նախկին կարգով կգտնվի շրջանառության մեջ: 

ՆԻԺՆԻ ՆՈՎԳՈՐՈԴ, 12 ՄԱՐՏԻ, ԱՐՄԵՆՊՐԵՍ: Գորկու ավտոգործարանը ծրագրում է մարտին թողարկել 6,4 հազար «Գազել-Բիզնես» առեւտրային թեթեւ ավտոմեքենաներ: Այդ մասին հինգշաբթի լրագրողներին հայտնել է ԳԱԶ ընկերության նախագահ Նիկոլայ Պուգինը: Նրա խոսքով` ավտոմեքենան, որի սերիական թողարկումն սկսվել է այս տարվա փետրվարի սկզբին, հետաքրքրել է սպառողներին: Ամբողջ Ռուսաստանում նոր ավտոմեքենայի վաճառքներն սկսվել են փետրվարի 25-ին եւ ցույց են տվել, որ այն պահանջարկ է վայելու ռուսաստանյան շուկայում, նշել է Պուգինը: 

ԼՈՆԴՈՆ, 12 ՄԱՐՏԻ, ԱՐՄԵՆՊՐԵՍ: Էներգետիկայի միջազգային գործակալությունը ընթացիկ տարում համաշխարհային Էկոնոմիկայում նավթի սպառման չափերը վերանայել Է դեպի դրանց բարձրացման կողմը: Նավթի օրական սպառումը կավելանա 70 հազար բառելով՝ մինչեւ 86,6 մլն բառել: Ինչպես հաղորդում Է «Արմենպրես»-ը, համապատասխան կանխատեսումն այսօր գործակալության կողմից տարածվել Է աշխարհի շուկաներում: Այդպիսով՝ 2009 թվականի համեմատ նավթի պահանջարկն ընթացիկ տարում կմեծանա 1,8 տոկոսով: 

ԵՐԵՎԱՆ, 12 ՄԱՐՏԻ, ԱՐՄԵՆՊՐԵՍ: Հայաստանի Հանրապետության կառավարությանն առընթեր պետական եկամուտների կոմիտեի օպերատիվ հետախուզության վարչությունը բացահայտել է կեղծ ձեռնարկատիրական գործունեության դեպքեր: Ինչպես «Արմենպրես»-ին տեղեկացրին ՊԵԿ-ի տեղեկատվության եւ հասարակայնության հետ կապերի բաժնից, կոմիտեի քննչական վարչությունում կատարված նախաքննությամբ պարզվել է, որ Երեւանի բնակիչներ` նախկինում կեղծ ձեռնարկատիրական գործունեության համար դատապարտված Լյովա Մկրտչյանը եւ Ռուբեն Վարդանյանը` գալով հանցավոր համաձայնության, իրենց համաքաղաքացի Արթուր Մարտիրոսյանին դրդել են զբաղվել կեղծ ձեռնարկատիրական գործունեությամբ: 

ԵՐԵՎԱՆ, 12 ՄԱՐՏԻ, ԱՐՄԵՆՊՐԵՍ: 2009թ-ի հունվար-դեկտեմբեր ամիսներին մարդասիրական օգնության կարգով Հայաստան է ներմուծվել 8 610.7 տոննա ապրանք, որի արժեքը կազմել է 18 861.2 մլն դրամ կամ 51 մլն դոլար: Ինչպես «Արմենպրես»-ին տեղեկացրեցին Հայաստանի Հանրապետության ազգային վիճակագրական ծառայությունից, ստացված օգնության 34.7 տոկոսը կազմել է քիմիայի եւ դրա հետ կապված արդյունաբերության ճյուղերի արտադրանքը, 17.3 տոկոսը` սարքեր եւ ապարատներ, 15.7-ը` մանածագործական իրեր, 4.6 տոկոսը` մեքենաներ, սարքավորումներ եւ մեխանիզմներ եւ այլ ապրանքներ: Նախորդ տարի ներմուծվել է նաեւ բուսական ծագման, պատրաստի սննդի արտադրանք, կոշկեղեն, գլխարկներ, արվեստի ստեղծագործություններ եւ այլն: 

ԵՐԵՎԱՆ, 12 ՄԱՐՏԻ, ԱՐՄԵՆՊՐԵՍ: Մարտի 9-12-ն ընկած ժամանակահատվածում արտարժույթի ներբանկային շուկայում բանկերի կողմից գնվել է 48,648,573 ԱՄՆ դոլար՝ 389.18 դրամ ԱՄՆ մեկ դոլարի դիմաց միջին փոխարժեքով, եւ վաճառվել 62,542,057 ԱՄՆ դոլար՝ 391.21 դրամ ԱՄՆ մեկ դոլարի դիմաց միջին փոխարժեքով: Ինչպես «Արմենպրես»-ին տեղեկացրին ԿԲ հասարակայնության հետ կապերի ծառայությունից, «ՆԱՍԴԱՔ ՕԷՄԷՔՍ ԱՐՄԵՆԻԱ» ԲԲ ընկերությունում նշված ժամանակահատվածում իրականացվել է 15,803,000 ԱՄՆ դոլարի առք եւ վաճառք՝ 391.79 դրամ մեկ ԱՄՆ դոլարի դիմաց միջին փոխարժեքով: 

ՎԱՇԻՆԳՏՈՆ, 12 ՄԱՐՏԻ, ԱՐՄԵՆՊՐԵՍ: Յուանի փոխանակային փոխարժեքի նկատմամբ Չինաստանի իշխանությունների ավելի ճկուն քաղաքականությունը կօգնի «վերահավասարակշռելու» գլոբալ Էկոնոմիկան: Այս հարցում համոզվածություն Է հայտնել նախագահ Բարաք Օբաման՝ ելույթ ունենալով ԱՄՆ-ի Արտահանական-ներմուծական բանկի ամենամյա խորհրդաժողովում: «Ինչպես ես արդեն ավելի վաղ ասել եմ, Չինաստանը, վարելով ավելի շատ դեպի շուկա կողմնորոշված փոխանակային փոխարժեքի քաղաքականություն, զգալի ավանդ կներդներ գլոբալ Էկոնոմիկայի վերահավասարակշռման ջանքերում,- ասել Է վարչակազմի ղեկավարը:- Մեզ բոլորիս անհրաժեշտ Է վերահավասարակշռել (մեր Էկոնոմիկաները): 

ՄՈՍԿՎԱ, 12 ՄԱՐՏԻ, ԱՐՄԵՆՊՐԵՍ: Միլիարդատեր Ուորեն Բաֆետին, որն ըստ Forbes հանդեսի վարկածի զբաղեցնում Է աշխարհի ամենահարուստ մարդկանց վարկանիշի երրորդ հորիզոնականը, իրավամբ կարելի Է համարել նաեւ Երկրագնդում ամենահամեստ մարդկանցից մեկը. հռչակավոր ֆինանսիստը մինչ օրս բնակվում Է այն տանը, որը նա 1958 թվականին ձեռք Է բերել 31,5 հազար դոլարով, գրել Է Forbes-ը: Ինչպես ճշտվում Է հանդեսում, Բաֆետի առանձնատունը, որը սվաղված Է գորշ ծեփով, գտնվում Է Օմանա քաղաքում (ԱՄՆ, Նեբրասկայի նահանգ): Տան մակերեսը փոքր-ինչ գերազանցում Է 557 քառակուսի մետրը, այն ունի հինգ սենյակ: «Տանը կա ամեն ինչ, ինչի կարիքը կարող Է ունենալ 79-ամյա մարդը, այդ թվում ձեռնագնդակի հրապարակ մարզավիճակը պահպանելու համար»,- պատմվում Է հոդվածում: 

ԵՐԵՎԱՆ, 12 ՄԱՐՏԻ, ԱՐՄԵՆՊՐԵՍ: Լեհաստանի վարչապետ Դոնալդ Տուսկիի` Հայաստան աշխատանքային այցի շրջանակում ՀՀ փոխվարչապետ, տարածքային կառավարման նախարար Արմեն Գեւորգյանն այսօր ընդունել է Լեհաստանի տարածքային զարգացման նախարար Էլիզաբետա Բիենկովսկայի գլխավորած պատվիրակությանը: 

ԵՐԵՎԱՆ, 12 ՄԱՐՏԻ, ԱՐՄԵՆՊՐԵՍ: Որպես հարգանքի տուրք` «Ամերիաբանկ»-ը Հայոց ցեղասպանության զոհերի ժառանգներին «AXA Settlement Claim» հիմնադրամի կողմից կտրոններով փոխհատուցվող գումարների տրամադրումը կատարում է անվճար: Ինչպես «Արմենպրես»-ին տեղեկացրին բանկից, «Ամերիաբանկ»-ը կոչ է անում նշված կտրոնների վճարմամբ զբաղվող Հայաստանի Հանրապետության բոլոր բանկերին` միանալ «Ամերիաբանկ»-ի նախաձեռնությանը եւ ցեղասպանության զոհերի ժառանգներին այդ կտրոններով գումարների տրամադրումը կատարել անվճար: 

ԵՐԵՎԱՆ, 12 ՄԱՐՏԻ, ԱՐՄԵՆՊՐԵՍ: Հայաստանի Հանրապետության մշտական բնակչության թվաքանակը 2010թ-ի հունվարի 1-ի դրությամբ 3 մլն 250 հազար 500 է: Ինչպես լրագրողների հետ հանդիպման ժամանակ այսօր նշեց ՀՀ ազգային վիճակագրական ծառայության պետ Ստեփան Մնացականյանը, նախորդ տարեսկզբի նկատմամբ արձանագրվել է թվաքանակի 12.5 հազարով աճ: 

ՍՏԵՓԱՆԱԿԵՐՏ, 12 ՄԱՐՏԻ, ԱՐՄԵՆՊՐԵՍ: Լեռնային Ղարաբաղի Հանրապետության նախագահ Բակո Սահակյանի նախագահությամբ այսօր տեղի է ունեցել ԼՂՀ Անվտանգության խորհրդի նիստ` նվիրված բանակաշինության եւ փրկարար ծառայության ոլորտներում պլանային մի շարք միջոցառումների իրականացմանը: 

ՓԱՐԻԶ, 12 ՄԱՐՏԻ, ԱՐՄԵՆՊՐԵՍ: Ֆրանսիայի նախագահ Նիկոլա Սարկոզին, Գերմանիայի ֆեդերալ կանցլեր Անգելա Մերկելը եւ Եվրախմբի ղեկավար, Լյուքսեմբուրգի վարչապետ Ժան Կլոդ Յունկերն անհրաժեշտ են համարում հետաքննություն կատարել այն սպեկուլյատիվ ֆինանսական գործառնությունների վերաբերյալ, որոնք ուղղված են Հունաստանի դեմ: Խոսքը վերաբերում Է սակարանային սպեկուլյանտների կողմից այսպես կոչված ածանցյալ ֆինանսական գործիքների՝ արժեթղթերի օգտագործմանը, որոնց արժեքն ածանցյալ Է դրանց հիմքում ընկած որոշ ակտիվների արժեքից: Եվրահանձնաժողով հղված համապատասխան նամակի մասին հինգշաբթի հաղորդել Է Ելիսեյան պալատը: Փաստաթղթի տակ իր ստորագությունն Է դրել նաեւ Հունաստանի վարչապետ Գեորգիոս Պապանդրեուն: 

ԵՐԵՎԱՆ, 12 ՄԱՐՏԻ, ԱՐՄԵՆՊՐԵՍ: Լեհաստանի Հանրապետության վարչապետ Դոնալդ Տուսկի այցը Հայաստան նոր էջ է բացելու երկու երկրների համագործակցության ամրապնդման համար: Նման տեսակետ հայտնեց Հայաստանի Հանրապետության վարչապետ Տիգրան Սարգսյանն այսօր Դ. Տուսկի հետ հրավիրված ասուլիսում: «Դ. Տուսկի հետ մի կողմից քննարկում ենք տնտեսական համագործակցության ամրապնդման վերաբերյալ հարցեր, մյուս կողմից արձանագրում հայ-լեհական ավանդական, բարեկամական կապերը, որոնք ունեն խորն արմատներ: Դրանք ստեղծում են բարենպաստ միջավայր հայ-լեհական հարաբերությունների խորացման եւ ընդլայնման համար»,-ասաց Տ. Սարգսյանը: 

ԼՈՆԴՈՆ, 12 ՄԱՐՏԻ, ԱՐՄԵՆՊՐԵՍ: Դոլարը համաշխարհային պահուստային արժույթի իր կարգավիճակը կպահպանի այնքան ժամանակ, քանի դեռ ԱՄՆ-ի ֆինանսական շուկան մնում Է հուսալի, իսկ ԱՄՆ-ի կառավարությունը կշարունակի կայուն մակարդակի վրա պահել իր ծախսերը: Ինչպես հաղորդում Է «Արմենպրես»-ը, այսօր այս կանխատեսմամբ հանդես Է եկել «Ստանդարդ ընդ Փուրզ» վարկանիշային գործակալությունը: