ԵՐԵՎԱՆ, 10 ԴԵԿՏԵՄԲԵՐԻ, ԱՐՄԵՆՊՐԵՍ: Իտալիայում ավարտվեց Հռոմի բաց առաջնությունը:

«Արմենպրես»-ի հաղորդմամբ` առաջին անգամ անցկացվող մրցաշարին մասնակցում էին 30 երկրի 182 շախմատիստ: Մասնակիցների թվում էին 12 գրոսմայստեր և 15 միջազգային վարպետ: Հռոմի բաց առաջնությանը մասնակցում էր նաև գրոսմայստեր Հովհաննես Գաբուզյանը: Այսօր տեղի ունեցած մրցաշարի վերջին տուրում Գաբուզյանը հաղթանակ տոնեց գրոսմայստեր Սերգեյ Բեշուկովի նկատմամբ և իր ակտիվում գրանցեց 7 միավոր ու կիսեց 2-9-րդ հորիզոնականները, իսկ լրացուցիչ ցուցանիշների հաշվարկից հետո գրավեց 3-րդ հորիզոնականը, նույնքան միավոր վաստակած Վիտալի Կոզիակը գրավեց 2-րդ հորիզոնականը, իսկ 7.5 միավորով մրցաշարի հաղթող դարձավ Եվգենի Ռոմանովը: