ԵՐԵՎԱՆ, 29 ՕԳՈՍՏՈՍԻ, ԱՐՄԵՆՊՐԵՍ: Հնդկաստանում դատարանը 17 տարվա ազատազրկման է դատապարտել դպրոցի տնօրենին, որտեղ թունավորումից մահացել է 23 աշակերտ: «Արմենպրես»-ի հաղորդմամբ` այս մասին տեղեկացնում է РИА Новости-ն:

12 տարեկանից փոքր երեխաների զանգվածային թունավորման դեպքը տեղի էր ունեցել դեռեւս 2013 թվականին: Աշակերտները թունավորվել է անվճար կերակրից, որը նրանց դպրոցն էր տրամադրել: Արդյունքում դատաբժշկական փորձաքննությամբ հաստատվել էր, որ երեխաների մոտ հայտնաբերվել էր խիստ թունավոր նյութ, որն էլ իր հերթին հայտնաբերվել էր կերակրի մնացորդների, ինչպես նաեւ կարագի մեջ, որով այն պատրաստվել էր:

Հաղորդվում է նաեւ, որ տնօրենը վճարել է 5500 դոլար տուգանք, որի մեծամասնությունն ուղղվելու է տուժած երեխաների ընտանիքներին: