ԵՐԵՎԱՆ, 25 ՄԱՅԻՍԻ, ԱՐՄԵՆՊՐԵՍ: Twitter միկրոբլոգների ցանցի ղեկավարությունը պաշտոնապես հայտարարել Է հաղորդագրության մեջ 140 սիմվոլի սահմանաքանակի գործողության փոփոխման մասին, տեղեկացնում Է «Արմենպրես»-ը՝ հղում անելով BBC-ին:

Ինչպես ասված Է ավագ կառավարիչ Թոդ Շերմանի բլոգում, որը մայիսի 24-ին հրապարակվել Է ընկերության կայքում, նիշերի հաշվումը վերացվում Է, երբ օգտատերն ավելացնում Է մեդիահավելվածներ՝ լուսանկարներ, տեսահոլովակներ, GIF-ֆայլեր եւ մեջբերումներ:    

140 սիմվոլի կանոնը նաեւ դադարում Է գործելուց @անուն սիմվոլով նշված թվիթների պատասխաններում: Այս սիմվոլով սկսվող նոր թվիթները տեսանելի կլինեն բոլոր բաժանորդների համար:

Retweet կոճակն ակտիվանում Է այն կերպ, որ օգտատերերին թույլ Է տալիս վերահաղորդել սեփական հաղորդագրություններն ու մեջբերումները:

Թոդ Շերմանն ընդգծել Է, որ բոլոր նոր գործառույթները կսկսեն գործել առաջիկա ամիսներին: