Իրանը հույս ունի Առեւտրի համաշխարհային կազմակերպություն մուտքի ընթացակարգերն ավարտել այս տարի
16:51, 22 Հունվար, 2016ԵՐԵՎԱՆ, 22 ՀՈՒՆՎԱՐԻ, ԱՐՄԵՆՊՐԵՍ: Իրանը հույս ունի Առեւտրի համաշխարհային կազմակերպություն մուտքի բոլոր ընթացակարգերն ավարտել 2016 թավականին: Այդ մասին, ինչպես տեղեկացնում Է «Արմենպրես»-ը, ՌԻԱ Նովոստիին տված հարցազրույցում հայտարարել Է Իրանի նախագահի վարչակազմի ղեկավար, տնտեսական հարցերով խորհրդական Մոհամադ Նահավանդիանը:
«Ես հուսով եմ»,- ասել Է նա, հավելելով, որ Իրանը ԱՀԿ-ին անդամակցելու իր հայտն արդեն ներկայացրել Է եւ ներկայում դիտորդ Է այդ կազմակերպությունում:
«Մնացել Է միայն ԱՀԿ-ին անդամակցելու շուրջ բանակցությունների գծով աշխատանքային խմբի նիստ անցկացնել: Կարծում եմ՝ այդ հարցը կարագանա»,- ասել Է նա, հաղորդել Է ՌԻԱ Նովոստին: