ԵՐԵՎԱՆ, 29 ՆՈՅԵՄԲԵՐԻ, ԱՐՄԵՆՊՐԵՍ: Չինաստանի հյուսիսում` Շանսի նահանգում` Խոումա քաղաքի մայրուղում, նոյեմբերի 29-ի առավոտյան բախվել են 47 ավտոմեքենաներ: «Արմենպրես»-ի հաղորդմամբ` ինչպես տեղեկացնում է ՏԱՍՍ-ը, «Սինխուա» գործակալության փոխանցմամբ` պատահարի հետևանքով զոհվել է երեք մարդ, ևս յոթը ստացել են տարբեր աստիճանի վնասվածքներ:

Ոստիկանությունը փակել է ավտոմայրուղու այդ հատվածը: Պատահարի վայրում աշխատում են հրշեջներն ու բժիշկները: Իշխանությունները պարզում են տեղի ունեցածի պատճառները: