Ջուլիա Ռոբերտսին դարձրել են զուգագուլպաների վաճառողուհի
15:10, 9 Հոկտեմբեր, 2015ԵՐԵՎԱՆ, 9 ՀՈԿՏԵՄԲԵՐԻ, ԱՐՄԵՆՊՐԵՍ: Ամերիկացի դերասանուհի Ջուլիա Ռոբերտսը նկարահանվել Է Calzedonia իտալական բրենդի «Շոփինգ՝ Լոս Անջելեսում» գովազդային տեսահոլովակում: Այդ մասին, ինչպես տեղեկացնում Է «Արմենպրես»-ը, ասված Է մամուլի տեղեկագրում:
Տեսահոլովակի գործողությունը ծավալվում Է խանութում, Ռոբերտսը հանդես Է գալիս խորհրդատու-վաճառողուհու դերում եւ գնորդներին օգնում Է զուգագուլպաներ ընտրելիս: Տեսագրությունը նկարահանել Է ամերիկացի դերասան եւ ռեժիսոր Գրանթ Հեսլովը, որն «Օսկար» մրցանակ Է ստացել «Արգո գործողությունը» (2013 թվական) ֆիլմի համար:
«Մեր նոր աշխատանքը Ջուլիա Ռոբերտսի հետ մեր հարաբերություններն ամրապնդեց ոչ մեծ պատմության լուսավոր հեգնական ոգով, որը ծավալվում Է մեր խանութի ներսում: Այն դերասանուհուն Էլ ավելի մոտեցրեց մեր արտադրանքին ու նպատակային լսարանին եւ ցույց տվեց գուլպաների շուկայում Calzedonia-ի առաջատարությունն ամբողջ աշխարհում»,-մեկնաբանել Է Calzedonia-ի ներկայացուցիչը:
Տեսահոլովակի պրեմիերան YouTube-ում բրենդի պաշտոնական ալիքով կկայանա հոկտեմբերի 10-ին:
Calzedonia-ն, որն արտադրում Է գուլպաներ, կիսագուլպաներ եւ լողազգեստներ, հիմնվել Է 1986 թվականին:
© 2009 ARMENPRESS.am