Միգրանտների պատճառով Հունգարիայի երկաթուղային կայարաններում «շարունակվում Է քաոսը»
16:07, 4 Սեպտեմբեր, 2015ԵՐԵՎԱՆ, 4 ՍԵՊՏԵՄԲԵՐԻ, ԱՐՄԵՆՊՐԵՍ: Հունգարիայի երկաթուղային կայարաններում «շարունակվում են քաոսն ու խառնաշփոթությունը», քանի որ միգրանտները «փորձում են հեռանալ երկրից եւ հասնել Գերմանիա կամ Ավստրիա»: Ինչպես տեղեկացնում Է «Արմենպրես»-ը, Ժնեւում կայացած ճեպազրույցում այս մասին հայտարարել Է Միգրացիայի միջազգային կազմակերպության պաշտոնական ներկայացուցիչ Ջոել Միլմանը:
Երկրում տարեսկզբից արդեն տրվել Է ավելի քան 140 հազար ապաստանի խնդրագիր, ինչը 58 անգամ ավելի Է, քան 2012 թվականին եւ երեք անգամ ավելի, քան անցյալ տարի, նշել Է նա: «Սպասվում Է, որ այն միգրանտների ընդհանուր թիվը, որոնք կգրանցվեն ապաստան ստանալու համար, այս տարի կհասնի 300 հազարի»,- ասել Է Միլմանը:
Այս տարի միգրանտների մեծ մասը եկել Է Աֆղանստանից, Սիրիայից եւ Իրաքից: Անցյալ շաբաթվա դրությամբ, նրանց 95 տոկոսից ավելին հեռացել Է Հունգարիայից՝ «մի քանի օրվա ընթացքում» ուղեւորվելով Արեւմտյան Եվրոպայի այլ երկրներ:
Միգրացիայի միջազգային կազմակերպության վկայությամբ՝ միգրանտները հրաժարվում են գնալ ընդունման կենտրոններ՝ պնդելով, որ իրենց հնարավորություն ընձեռեն մեկնելու Գերմանիա, հաղորդել Է ՏԱՍՍ-ը:
Լուսանկարը` AP
© 2009 ARMENPRESS.am